Apocalipsis 10:1 - Biblia Dc en Mixe de Quetzaltepec

¹ Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

Biblia Mixe de Quetzaltepec

¹ Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

Apocalipsis 10:1 Iomraidhean Croise

Salmos 104:3

Mijts të xypyëjktä'äky yë nyixeny yë mjëën mtëjk nëëwiinkëjxy, mëti'ipë jam tsajpjotm mtuktsëna'ayëpën. Ko muum mnëjkxy pojjoty yootsjoty mjëtity.

Salmos 97:2

Na'ëwtity yajpaaty mëët yë yoots, yë mëtëypyë nipaye'eyën ets oypyë ja kuttujkën yë'ë jeky yaj'ijtyp ja kyutujktakn.

Éxodo 16:10

Ma ënety jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Cantares 5:15

yë tyekpyoonty jëtu'un yë'ë tä yë jaam tsaajën ets kyëxwä'äky ma pu'ts pujxnën; yë wyiin jyëjp jëtu'un yaj'ixy tä yë Líbano kepyën, mëti'ipë aak ajë kepyën;

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Isaías 54:9

Jëtu'un tääjës n'ënëmaayën ja Noé, ko ja mëk komtuu nyäjxy, ko ka'apës nijëna'a n'ëkyajtu'ujanë naaxwiiny naaxkëjxy. Jëtu'un tyam nikäjpxyës ko ka'ap nijëna'a mijts n'ëktukjoot'anpëkanë ets ka'ap n'ëkëtsu'ux ya'axanë.

Lamentaciones 3:44

Je'eyë të mnäyu'utsyë yootsjoty këtiipë xymyëtowëty ëëts ja nnu'kxtakënëty.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Daniel 10:6

Jëtu'un yë nyini'kx y'ajajy tä topacië kepyën, jëtu'un yë wyiin jyëjp y'atë'kxy tä wëtsukën, yë wyiin jëtu'un yaj'ixy jëënyä'änkën, yë kyë'ë tyeky jëtu'un kyëxë'ëky tä tsuxkpujxnën, ko kyäjpxy jëtu'un yajmëtoy mayjyä'äy yowë kajpxp.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Mateo 17:2

Ma ënety jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Lucas 21:27

Ënet yaj'ixa'any jam tsajpjotm tsyoony yootsjotm ja naaxwiinyëtë ja'ay ja y'U'unk mëët ja mëj'ajt oyajtën.

Hechos 26:13

Kujkyxyëëwës ojts n'ijxpaaty tu'uk ja ajajk atë'kxk jam tsajpjotm tsyoony, wäänë mëk jyäjy këtiinëm ja xëëw ets na'ëwtity nyäpyëjktakëtë ma ëjtsën ets ma mëti'ipë ënety ëjts jam mëëtëtyën.

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Apocalipsis 18:1

Ko jëtu'un jyäjty, ënät wiinkpë ja tsajpjotmëtë kukäjpxy n'ijxyës, jam tsajpjotm tsyoony, mëk ja kuttujkën tmëkëtä'äky. Ojts ja naaxwiinyëtë tukjajëtyä'äy mëët ja jyajjën tyë'kxën.

Apocalipsis 18:21

Ënet tu'uk ja tsajpjotmëtë kukäjpxy mëk'ajtënmëëtpë tkoonë'ky ja tsaa mëti'ipë jëtu'un këxë'kpën ijxtëm yë mëj tsaapaanën ets mejyjoty të t'aka'atsë ets të y'ënä'äny: Tim näjyëtu'un jyata'any ja mëj kajpn Babilonyë ets nijëna'a kyayaj'ixëty kyayajpaatëty.

Apocalipsis 20:1

Ënet n'ijxyës ko tu'uk ja tsajpjotmëtë kukäjpxy kyëtä'äky tsajpjotm tsyoony, ëyoowtakn ëwatsn myëët'ajtyp ets tu'uk ja mëj puxn tejpxy.

Apocalipsis 4:3

Mëti'ipë jam u'unyääpyën, jëtu'un kyëxë'ëky ijxtëm ja poop tsaajën, mëti'ipë ajajp atë'kxpën, mëti'ipë xyëëwajtyp jaspe ets cornalina ets ja i'ty na'ëwtity tmëëtëty ijxtëm ja esmeraldë tsaa y'ajajy y'ate'kxyën.

Apocalipsis 5:2

Ënet n'ijxyës tu'uk ja tsajpjotmëtë kukäjpxy mëk'ajtënmëëtpë tyajtëy ets janty mëk kyäjpxy: ¿Pën paat'ajtëp tyaj'ëwa'atsëty yë noky mëti'ipë wëxtujkpëky tsyä'äyëtyën?

Apocalipsis 8:13

Tam ënety jëtu'un n'ixyës koos n'ijxpaty tu'uk ja witsn kyäknaxy tsajp'itkujkm ets nmëtooyës mëk y'ënä'äny: Tyaapë ja'ayëty ëyo'onjëjp'am yajpaatë, mëët yi'iyë ko ënät yë nitëkëëkpë ja tsajpjotmëtë kukäjpxy tukxu'uxtëty ja pyujxn xuxnëty.