Apocalipsis 1:7 - Biblia Dc en Mixe de Quetzaltepec

⁷ Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Biblia Mixe de Quetzaltepec

⁷ Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënäty t'ixtë. Tëy jëtu'un, jëtu'un y'itëty.

Apocalipsis 1:7 Iomraidhean Croise

Job 33:26

Myëpëjktsowëp ja Dios ets mëto'owxëtëp ja pyëjktso'owën; akujk jotkujk nëjkx ja Dios t'ixy wiinxë jëjpxë ets tkuuy'ëw tkuuya'axëty tsyojkën jya'awën.

Salmos 22:16

Ijxtëm yë may y'ukën, jëtu'unës yë ëxëëkja'aytyëjk të xynya'ëwtitë, tëës yë nkë'ë nteky tyajtsëtyujta'atë.

Salmos 68:1

Ko yë Dios tyëkë tsiptuunpë, yë myëtsiptëjk jëtu'unyë kyääkwa'kxta'atë; mëti'ipë ëxëëk'ijxëpën pojën kyukäkta'ayë;

Salmos 97:2

Na'ëwtity yajpaaty mëët yë yoots, yë mëtëypyë nipaye'eyën ets oypyë ja kuttujkën yë'ë jeky yaj'ijtyp ja kyutujktakn.

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Nahúm 1:3

Yë Wintsën mä'kxtujkp yë'ë ets maaytyääyëp winë, je'eyëp ko kopkpëky ko tëytyuny mëti'ipë tuuntëkoopyën. Yë Wintsën ye'epy jëtijtp tuupojjoty ets yoots nëma'a yë'ë jëtu'un jya'ap naaxwayën ma tyekpya'tkën.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Zacarías 12:11

Mëj këjää nëjkx yajnimony yajnituky mëti'ipë ënety të y'ookyën, jëtu'un tä mëj këjää yajnimony yajnitukyën yë tios Hadad-rimón, jampë Meguido joyjotm yajpaatyën.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënety myiny ja yajkutujkpë, ja naaxwiinyëtë ja'ay ja y'U'unk.

Mateo 24:30

Ets yaj'ixa'any jam tsajpwinm ja ijxpäjtën ko ja naaxwiinyëtë ja'ay ja y'U'unk myina'any yootsjoty, mëët ja mëk'ajtën kuttujkën ets oy'ajt mëj'ajtën,

Mateo 25:31

Ko myinëty ja naaxwiinyëtë ja'ay ja y'U'unk mëët ja të'kxën jajën ets ja y'anklëstëjk ni'ëmukë, ënät nyaaxwäätsa'any ma ja kyutujktaknën mëti'ipë myëët'ajtypyën ja mëj'ajt oyajtën.

Mateo 26:64

Ënet ja Jesús y'ëtsooy: Tëy jëtu'un ijxtëm mijts m'ëna'anyën. Tyam miits n'ënëëmëtë ko tyam xy'ixa'antë ja naaxwiinyëtë ja'ay ja y'U'unk jam y'u'unyë maatsow ja Dios y'a'oykyë'ëjën, jam jatëkok myina'any yootsjotm, tsajpwinm.

Marcos 13:26

Tääts ja ja'ay t'ixtëty koos yootsjoty ënety nminy mëët ja mëk'ajtën ets ja mëj'ajt oyajtën.

Marcos 14:62

Tääts ja Jesús y'ëtsooy: Jëtu'un, ëjts jëtu'un. Ets miitsëty m'ixantëp ja naaxwiinyëtë ja'ay ja y'u'unk ko jam nyaaxwäätsa'any ma Dios yë y'a'oykyë'ëjën, mëti'ipë Maaytyääyëpën winë, jam yootsjotm jamës ntsoona'any.

Lucas 21:27

Ënet yaj'ixa'any jam tsajpjotm tsyoony yootsjotm ja naaxwiinyëtë ja'ay ja y'U'unk mëët ja mëj'ajt oyajtën.

Juan 19:34

Ënet tu'uk ja tsiptuunpë tkatsymyëku'umëy ja Jesús ets ja kyäty y'ëwatsy ets pyëtsiimy ja ne'pyny ets ja nëë.

Juan 19:37

Ets wiinktsow näjyëtu'un këxja'ay myiny: Y'ixtëp ko ënety yajmoxmëkumë.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

1 Tesalonicenses 4:17

ets jënu'un ënety njaakjuuky'ajtëmën, tu'kmukyë nëjkx nyajmënëjkxëmë pojjoty yootsjoty ets nëjkx mëët nnäpyatëmë ja Wintsën, jëtu'unts xëmëkyëjxm n'ijtmëty mëët Yë'ë.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Dios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Hebreos 6:6

ko jatëkok pyokykya'atëty, ka'ap t'ëkjëkyäjpnëty ets jatëkok jyootwinpitëty ma Tiosën. Jëtu'un nëjkx tpaaty ijxtëm jeexyë ja Dios U'unk jatëkok tyajkruutspätën ets ijxtëm ja Dios ja jyä'ä yajnëxi'iky yajtukxi'ikyën.

1 Juan 3:2

Mëku'uktëjkëty ninu'un miits ntsoktën njawëtën, Dios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.

Judas 1:14

Näyjyëtu'un yë Henoc, ja mëwëxtujkpë y'ijtyën jëwyiin yë Adán, ojts kyäjpxy ets nimëtyäky ya'atë ja'ay: Tëës n'ixy ja Wintsën, mëët mil'am ja y'anklëstëjk,

Apocalipsis 22:20

Mëti'ipë ya'atë nyikäjpxypën, jëtu'un y'ënä'äny: Tsojk mminëty. Min Wintsën Jesús, tsojk min.

Apocalipsis 22:4

Wiinxë jëjpxë jam y'ixëtëty ets myëët'ajtxëtëty ja xyëëw wyimpokëjxm.

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.