3 Juan 1:8 - Biblia Dc en Mixe de Quetzaltepec

⁸ Paatykyëjxm ëëtsajtëm xypyattëm ets nyajja'ajtakmëty, jä'ä ko tu'ukyë nmëtu'unëm ja Dios.

Biblia Mixe de Quetzaltepec

⁸ Paatykyëjxm ëëtsajtëm xypyattëm ets nyajja'ajtakmëty, jä'ä ko tu'ukyë nmëtu'unëm ja Tios.

3 Juan 1:8 Iomraidhean Croise

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?

Mateo 10:14

Pën ka'ap m'ëxajëtë ets ka'ap tmëtoow'ita'antë mëti'ipë mjanimëtyaktëpën, pëtsëmtë ma tëjkën ëkë ma kajpnën ets winxitë ja mtekyëty wä'än ja naaxway tjënäky.

Mateo 10:40

Pën miits mkupëjkëtëp, nän xykyupëjkpës ënety ëjts; ets pën xykyupëjkpës, nän kyupëjkpy ënety mëti'ipës xykyäjxpën.

Lucas 11:7

Ets ja tu'uk wintimpë jäpyë t'ëtsoy ja myëku'uk tyëkoty ets nëëmëty: Këtii nëkoo xynye'emyës, ëtuky yë tëjknë, maanëtëpës yap mëëtës ja n'u'unk n'ëna'k, paaty ka'ap tjëkyepy nipëtë'ëkëty ets tii nmo'ojëty.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

2 Corintios 8:23

Pën jam pën tyajtëy ja Tito, nëëmëtë ko tyamës ja mëët ets ko mëkës yam ntuntë ko miits mputëkëtë; e pën jam pën tyajnitëwë näjyëtu'un ja wiinkëtypë ja mmëku'uk'ajtëmë, nëëmëtë ko ja mëpëjkpëtëjk yë'ë të kyäxëtë ets ko tmëjjaw tjaantyjawëtë ja Kristë.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Colosenses 4:11

Näyjyëtu'un ja Jesús mkajpxpo'kxëtë, mëti'ipë yajtijpën Wa'ats ja'ay. Yi'iyë ya'atë jutiis ja'ayëty mëpëjktëp mëti'ipës mëët ntuntën ma ja Dios ja kyutujktaknën ets yë'ëjës të xyajjotkujk'atë.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

Filemón 1:2

näjyëtu'un yajtuknikäxtë ja kajpxpo'kxën ja nmëku'uk'ajtëmë mëti'ipë jam ye'eymyujktëpën ma tyëjkën, näjyëtu'un ja ntsë'ë'ajtëmë Apia ets ja n'ajty'ajtëmë Arquipo, mëti'ipë ka'ap pyo'kxyën.

Filemón 1:24

näjyëtu'un mkajpxpo'kxëtë ja Marcos, Aristarco, Demas ets Lucas, mëti'ipës xypyutëjkëtëpën ma tuunkën.

3 Juan 1:10

Paaty koos ënety ëjts nnëjkxy ntukmatsäämpyës wi'ixës xynyimëtyä'äkyën ets ka'ap yi'iyëty, näjyëtu'un ko ka'ap tkupëky ets tyajjajta'akëty ja nmëku'uk'ajtëmë ets nän y'akajpxtujkpy ko ja nmëku'uk'ajtëm jëtu'un tuntë ets tyim'ëxwojpy tyim'ixkejxyp ma ye'eymyuktën.

3 Juan 1:7

Jä'ä ko Dios yë jyä'ä myëjëtijtëtëp, yë'ëjëty ka'ap ja putëjkën të t'ëxajëtë oy pën të jyaputëkëja'anëtë ma ja ja'ayëtyën mëti'ipë ja Dios ka'ap tnijawëtën.

3 Juan 1:9

Tëës ja noky n'ëktuknikäxtë ja mëpëjkpëtëjkëty ma miits mye'eymyuktën, je'eyëp ko ja Diotrefes ka'ap të tkupëky ijxtëmës nja'ëna'anyën, jä'ä ko yë'ë je'eyë y'ënä'äma'any.