2 Samuel 5:9 - Biblia Dc en Mixe de Quetzaltepec

⁹ Ko ya'atë kajpn ojts tnitëkëtë ets yë'ë myëtaktë, jam ojts yë David tsyënaaytyaknpëjknë ets tyajxëëwpejty, David yë kyajpn, ya'atë kajpn ojts yajxon tnapotstë, jap ja potsy tyimtso'ontäky naax'ëjxy ets tyimja'ajty jam ma ja kutujkëntëjkën.

Biblia Mixe de Quetzaltepec

⁹ Ko ya'atë kajpn ojts tnitëkëtë ets yë'ë myëtaktë, jam ojts yë David tsyënaaytyaknpëjknë ets tyajxëëwpejty, David yë kyajpn, ya'atë kajpn ojts yajxon tnapotstë, jap ja potsy tyimtso'ontäky naax'ëjxy ets tyimja'ajty jam ma ja kutujkëntëjkën.

2 Samuel 5:9 Iomraidhean Croise

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënety yajtijpën Sión, mëti'ipë tyam ja David kyajpn'ajtypyën.

2 Samuel 5:8

Tëë ënety yë David y'ënä'äny ko tnitëkëja'antë ja Jebús ja'ayëty, jamtsow nëjkx nyaxtë ma ja nëëtu'ujën ets tyaj'o'kta'atëty tëkokyë ja wiintstëjk ets ja tekymya'atëjk mëti'ipë ëxëëk y'ijxypyën. Jamts ja ayuk tsyoony mëti'ipë ënaanpën: Yë wiintstëjk ets tekymya'atëjk ka'ap jam tyëkëtëty ma ja tsajptëjkën.

2 Samuel 6:10

E jä'ä ko ja David ka'ap ojts t'ëk'a'ijxënë tmënëjkxëty ja Wintsën ja kyaaxë ma ja kyajpnën, ënät ojts tjaakni'ënä'ämë ets jam tkukëyëtëty ma ja Obed-edom ja tyëjkën, tu'uk yë Gad ja'ay.

1 Reyes 11:27

Ko ja Jeroboam ojts tukjoot'anpëky ja Salomón jä'äkyëjxm ko ojts t'akojtuky ja patu'u jam Milo, mëti'ipë nëjkxpën ma ja David ja kyajpnën.

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.

1 Reyes 9:15

Salomón ots ja tuunk tyaj'ixtä'äky mëti'ipë atsipën. Jä'ä ko kopkpëky ënety tsyokyë ets yajkojëty ja tsajptëjk mëti'ipë ja Wintsën jyä'ä'atäämpyën, ja akujktëjk ets ma yaj'akojë'kyën ja tsajptëjk ets maa ja naax kajpn yajnapojtsyën. Ëpëky ma ja kajpn ojts yajkojtëpën mëti'ipë xyëëwajtëpën Hazor, Meguido ets Guézer. E tsyaats yajnikajpxa'any wi'ix ojts y'ixë'atyën.

1 Reyes 9:24

Ja nyëëx ja Egiptë yajkutujkpë ojts jam tsyo'onë ma ja David ja kyajpnën ets ojts nyijkxy ma ja akujktëjkën ma ja Salomón të tyuknikojëtyën. Jamts ja Salomón mëj ja naax t'akojë'ky.

2 Reyes 12:20

Kë'ëm ojts ja tyuunpëtëjk nyikäjpxytyunëty ets y'o'ky jap ma naax y'apojtsë'ëkyëtyën ma txëëwatyën Silá.

2 Reyes 12:21

Yë'ë ojts yaj'ookyë yë Josacar, yë myaank yë Simat, ets Jozabad, yë myaank yë Somer, mëti'ipë ënety yë'ë tsyiptuunpë wintsën'ajtypyën këjää ojts tyajtsëtyutyë ets y'o'ky; ko y'o'ky jam tyajnaaxtëjkëtyë ma ja David ja kyajpnën. Ok, yë'ë ojts kyutëkëty yë myaank Amasías.

1 Crónicas 11:8

Tä ja David twinkojëtyääy ja naax kajpn mëët ja jëën tëjk. Joab yë'ë jyaak yajkajpnkoj.

2 Crónicas 32:5

Ezequías ni'ikyë jyotmëkpëjky ets tnakojtaay ja nyaax kyajpn mëët mëjëtypë potsy, ojts mëjpotsy tkojy këjxmëtypë ma ja naax kajpn yajkëwent'atëtyën. Ojts yajxon tyajta'tspëky ja David ja nyaax kyajpn ets t'oytyuuny oyëtypë ti'pxn ets ku'umën.

Nehemías 3:15

Salum, myaank yë Colhoze, mëti'ipë jam yajkutujkpën Mizpá, yë'ë ojts tyaj'oyë ja tëjk'aaw ma jam ja nëë'awookën: Ojts yajxon tnikojy ets tkukëëy tkupëjky, yaj'o'oyëtyääy ja nyitëjk'aaw mëët ja nyipujxn nyikepy mëti'ipë mëët yajxon y'ëtukëtyën, ojts näjyëtu'un tkoj oyë ja nëë'apojtsë'ëky mëti'ipë tyijtëpën Siloé jampë winkon yajpaatyën ma ja ujtskamën mëti'ipë ja yajkutujkpë jyä'ä'ajtypyën, jampaat tyajajty ma ja tu'u jam yajnijënajkë'ëkyën ets kyëtä'äky ma ja David ja kyajpnën.

Salmos 122:3

Jerusalén, ja kajpn mëti'ipë ojts yajtuknikojën ets ja ja'ay jam nimay myuktëty.

Isaías 29:1

Janty mon janty tuk yajpaaty yë Ariel kajpn, ja kajpn ma ojts tëkok ja David pyo'kxyën. Ja kajpn ma ja xëëw, winjëmëjt tyunyën,

Jueces 9:20

E pën kajts jëtu'un të xytyuntë, nëjkxëp yë jëën jam pyëtsimy ma Abimelekën ets tyajkutëkoyëty yë Siquem ets Bet-miló, ets jam Siquem ets Bet-miló nëjkx myëjë tu'uk yë jëën mëti'ipë yë'ë yajkutëkoyëpën.

Jueces 9:6

Ënet ja ja'ayëty tyu'ukmujktaaytyë mëti'ipë ënety jam kukajpnajtëpën Siquem ets Bet-miló, jam ma xoj kepy tu'uk tyänën mëti'ipë wintsë'ëkë yaj'ijtëpën jam Siquem mëët tu'uk ja mëjtsaa, jamts ojts tnikajpxpätë ja Abimélec ets yë'ë yajkutujkpë'atëty.