2 Samuel 4:1 - Biblia Dc en Mixe de Quetzaltepec

¹ Ko yë Is-boset, mëti'ipë myaank'ajtypyën yë Saúl tnija'awëy ko tëë yë Abner y'ooky jam Hebrón, mëk ojts jyotmaytyëkë ets ja tsë'ëkë tyuktëjkëyë, näjyëtu'un ja Israel ja'ayëty.

Biblia Mixe de Quetzaltepec

¹ Ko yë Is-boset, mëti'ipë myaank'ajtypyën yë Saúl tnija'awëy ko tëë yë Abner y'ooky jam Hebrón, mëk ojts jyotmaytyëkë ets ja tsë'ëkë tyuktëjkëyë, näjyëtu'un ja Israel ja'ayëty.

2 Samuel 4:1 Iomraidhean Croise

2 Samuel 17:2

Jääjës mëtëy ntukja'ta'any ma ënety yajxon të y'ënu'kxën ets ma ka'ap tii tuna'anyën; yajxonës n'ëk'ëtsë'ëkëtëty mëët ja ja'ayëty mëti'ipë jam mëët yajpaatyën ets kyäkta'atëty. Yi'iyës nyaj'ookankojpy yë ënä'ämpë ets ka'ap wiinkpë,

2 Samuel 2:8

E yë Abner, yë'ë myaank yë Ner, mëti'ipë ënety nyikopk'ajtypyën ja tsiptuunpëtëjk ja Saúl ja jyä'äy, ojts twoowtsoony ja Is-boset, yë Saúl yë myaank ets ojts twoownëjkxy ma tu'uk ja it txëëwatyën Mahanaim,

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

Esdras 4:4

Ënet tyaapë ja'ayëty ëxëëk jot ëxëëk winma'any tpatë, mëti'ipë jam tsënaaytyëpën winkon ets t'akajpxëtyë ja Judá ja'ayëty këtiipë tkojtëty ja tsajptëjk mëti'ipë jam të tkojtso'onta'aktën.

Nehemías 6:9

Yë'ëjëty jä'äjëtën ojts tjawinma'any'atë ets jeexyë xy'ëtsë'ëkëtës ets jeexyë ja tuunk yaj'ëxmatsy ets jeexyë ka'ap wyintu'upëky; e ëëtsëty ni'ikyënëmës ja ojts amëjaaw ntuuntsoontë.

Isaías 13:7

Ënet ni'ëmukë ja ja'ayëty mon tuk wyë'ëma'antë, ni'ëmukë tyajtëkoya'antë ja jotmëk'ajtën.

Isaías 35:3

Yajjotmëkpëktë ja pa'amja'ay, mëjaawmo'otë ja tëëpë y'ënu'kxëtën,

Jeremias 50:43

Ko yë Babilonyë yajkutujkpë të tnijawë, jëtu'unyë të myoonkëtä'äky të tyujkëtä'äky mëët yë tsë'ëkë, jëtu'un myony tyuky tä to'oxytyëjkën mëti'ipë u'unk maay yajmëxu'unk'atäämpyën.

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Sofonías 3:16

Jä'ä xëëw nëjkx yë Jerusalén kajpn yaj'ënëëmë: Këtii mtsë'ëkë mijts Sión kajpn ets këtii xykyupëkëty ets mkë'ë m'aaw y'ënu'kxëty.