2 Samuel 3:3 - Biblia Dc en Mixe de Quetzaltepec

³ ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

Biblia Mixe de Quetzaltepec

³ ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

2 Samuel 3:3 Iomraidhean Croise

2 Samuel 13:1

Yë Absalón, yë myaank yë David, tam ijty tu'uk yë y'uty to'oxytyëjkpë janty'oy y'ixëty, jä'ä xyëëwajtyp Tamar. E jamts ënety näjyëtu'un wiinkpë yë David myaank jä'ä xyëëwajtyp Amnón, ojts mëk tsojkën'aty yë Tamar,

2 Samuel 14:23

Ënätyë ja Joab tnitso'ony ja Absalón, jam ënety yajpaaty Guesur ets tyajmina'any jam Jerusalén.

2 Samuel 14:24

Je'eyëp ko ja yajkutujkpë jä'ä ojts t'ënëëmë ja Joab ets nitëyë ja Absalón jam tyajnëjkxëty ma tyëjkën, ko këtii jam yë'ë wyintum tyajminëty; paaty ja Absalón nitëyë ojts nyijkxy ma ja tyëjkën ets ka'ap t'ijxy ja yajkutujkpë.

2 Samuel 14:32

Tä ja Absalón y'ëtsooy: Mja'amyejtsypë ko tëë njanikäxë ets jeexyë yaa të miny, tääts jeexyë ojts të xy'ixy yë yajkutujkpë mëët ëjtskyëjxm, ma jeexyë të xy'ënëëmë ko nëkoopës të nminy yaa nikë oyës jeexyë jam të ntimwyi'imy Guesur. Ëjts yë'ëjës yë yajkutujkpë nja'ixäämpy, pën ëjts pokymyëëtës wä'änës xyaj'ooky.

2 Samuel 15:7

Kom taxk jëmëjt ojts yë Absalón t'ënëëmë yë yajkutujkpë: Wintsën mëyajtënës yam mpëjktsoopy etsës xy'ëwatsëty yë ntu'u wä'änës n'ëknëjkxy jam Hebrón yë'ëjës nyaj'ëtukäämpy yë nwaantakënës mëti'ipës ojts jam ntunyën Dios wintum.

2 Samuel 15:8

Jamës ënety ntsëënënëm Guesur, ma sirië ja'ayëty tsyëënëtën, jam ojts yë Wintsën n'ënëëmës pën xyajwinpijtpës oy mëk jam Jerusalén yë'ë nyajmiinëpës yë wyintsë'kën.

2 Samuel 18:33

Ënet ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

2 Samuel 2:2

Jam ojts ja David nyijkxy mëët nimäjtsk ja tyo'oxytyëjk; ja Ahinóam jampë kyukajpnëtyën Jezreel ets ja Abigail, mëti'ipë ja Nabal nyi'o'ktutën ja Carmel ja'ay.

1 Reyes 1:6

Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënety jëtu'un winë tuny. Adonías ok ënety të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

1 Reyes 2:15

Mijts wa'ats xynyijawë, jëtu'un y'ënäny yë Adonías, ko ja kuttujkën ëjts ënety xyjyapatp ets tëkokyë ja Israel ja'ayëty aakjëtu'un tjëjp'ixtë ets ntëkëtyës ëjts ënä'ämpë. Je'eyëp ko ja kuttujkën yë'ë ojts yajmo'oy ja n'utyës Salomón, jä'ä ko jëtu'un ënety ja Wintsën të tuknipëjktaakë.

1 Crónicas 3:1

Ja y'u'unk y'ëna'k ja David, mëti'ipë jam Hebrón miintën naaxwiiny: ja kä'äxkopk Amnón, mëti'ipë Ahinóam yajmëxu'unk'ajtën, jampë kyukajpnëtyën Jezreel; mëmäjtskpë jä'ä xyëëwajtyp Daniel, mëti'ipë Abigail yajmëxu'unk'ajtën jampë kyukajpnëtyën Carmel;

1 Crónicas 3:2

Ja mëtëkëëkpë jä'ä xyëëwajtyp Absalón, yë'ë yajmëxu'unk'ajt Maacá, nyëëx yë Talmai, jampë yajkutukyën Guesur; ja mëmajktaxkpë jä'ä xyëëwajtyp Adonías, yë'ë yajmëxu'unk'ajt Haguit;

Deuteronomio 3:14

Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënety yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán.

Josue 13:13

Yë Guesur ja'ayëty ets Maacá ja'ayëty ka'ap yaj'ëxwojptë, Jämyë ojts wyë'ëmtë mëët yë Israel ja'ayëty, tyampaat yë'ë mëët tu'ukyë y'ijtmuktë.

1 Samuel 25:3

Ya'atë ja'ay jä'ä ijty txëëwaty Nabal, yë'ë y'u'unk y'ok yë Caleb. Ets jä'ä ijty jyä'äy'äty janty ëwa'an ets ka'ap y'oyjyä'äyëty je'eyë y'ëxëëk wintukëty. E ja tyo'oxytyëjk mëti'ipë xyëëwajtypyën Abigail, jä'ä ënety jyä'äy'ajtpë tëtä'äky ets wijy ets oy tsuj y'ixëty.

1 Samuel 25:42

Ko jëtu'un y'ëtsooy, tääts poj'am nyänyipëjktakëyë ets tsyo'ony mëët nimëkoxk ja tyuunpë, yë'ë tyukwä'tspäjt yë krukts ets tpatso'ony ja David ja tyuunpëtëjk, tääts mëët pyijky y'uky.

1 Samuel 27:8

Xëmë ijty winjëpom tsyoontë ets nëjkx jam myäätstë Guesur, Guézer ets jam Amalec, jam tääpë ja'ay tsyëënëtë ma tsyo'ontä'äkyën Telaim nyaaxjotmën ets nyijkxy Shur ets jëtu'un tyimja'ty Egiptë.