2 Samuel 2:8 - Biblia Dc en Mixe de Quetzaltepec

⁸ E yë Abner, yë'ë myaank yë Ner, mëti'ipë ënety nyikopk'ajtypyën ja tsiptuunpëtëjk ja Saúl ja jyä'äy, ojts twoowtsoony ja Is-boset, yë Saúl yë myaank ets ojts twoownëjkxy ma tu'uk ja it txëëwatyën Mahanaim,

Biblia Mixe de Quetzaltepec

⁸ E yë Abner, yë'ë myaank yë Ner, mëti'ipë ënäty nyikopk'ajtypyën ja tsiptuunpëtëjk ja Saúl ja jyä'äy, ojts twoowtsoony ja Is-boset, yë Saúl yë myaank ets ojts twoownëjkxy ma tu'uk ja it txëëwatyën Mahanaim,

2 Samuel 2:8 Iomraidhean Croise

Génesis 32:2

Ko jëtu'un t'ijxy yë Jacob tää y'ënäny: Ya'atë n'ixyësën Dios yë tsyiptuunpëtëjk, paaty ojts txëëwmo'oy ja tampë ja it naaxwiinyëtë Mahanaim.

Génesis 32:3

Ënet yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

2 Samuel 17:24

Tää ojts David jam jyä'ty Mahanaim ma Absalón jam näjyëtu'un tuknajxpën yë Jordán nëë mëët yë tsyiptuunpëja'aytyëjk Israel ja'ayëty.

2 Samuel 2:29

Ja Abner mëët ja jyä'äy ojts jam tsyo'onëtë ets nyëjkxnëtë jamtsow joyjyotm ma txëëwatyën Arabá, tu'ktsu'um ojts ye'eytyë, jam nyajxtë ma Jordán itjotmën ets Bitrón ets jyajtë Mahanaim.

2 Samuel 2:7

E këtiits mmontë mtuktë, ni'ikyë jotmëkta'aktë, jä'ä ko oy n'ëna'anmëty ja Saúl të y'ooky mëti'ipë të tyu'uwinwoyën, yë Judá jyä'äy tëëjës xynyikajpxpätë etsës ëjts n'ënä'ämëty.

2 Samuel 3:38

Ok ja David t'ënëmaay ja jyä'äy mëti'ipë nyiwintsën'ajtëpën ja tsiptuunpë ja'ayëty: Ijxtëm xy'ixtën tëë tyam tu'uk ja ja'ay y'ooky tyëkoy mëti'ipë mëj'äämpy të y'ityën ma ja naax kajpnën.

2 Samuel 3:6

Ma jëtu'un ja Saúl ja jyä'äy tsyiptuuntën mëët ja David ja jyä'äy, ja ja'ay y'ijxtëp ënety mëti'ipë ja Saúl jyä'äy'äjtypyën ko ja Abner mëktaknëp.

1 Crónicas 12:29

Ma ja Benjamín ja jyä'äyën, ja Saúl ja myëkä'äx, nitëkëëk mil ja tsiptuunpë, jä'ä ko ja nimaypyë jä'ä ënety mëët ja Saúl të yajpaatë.

1 Crónicas 12:30

Ma ja Efraín ja jyä'äyën, jä'ä nyiwinë'atë, ni''i'px mil ja tuktujk mëko'px ja tsiptuunpëtëjkëty, mëti'ipë mëj'äämpy ijtëpën ma ja jyä'äyëtyën.

1 Crónicas 8:33

Ner yë'ë teety'ajtë Quis, Quis yë'ë teety'ajtë Saúl, e Saúl yë'ë teety'ajtë Jonatán, Malquisúa, Abinadab ets Es-baal.

1 Crónicas 9:39

Ner yë'ë teety'ajtë Quis, Quis yë'ë teety'ajtë Saúl, e yë Saúl yë'ë teety'ajtë Jonatán, Malquisúa, Abinadab ets Es-baal.

Josue 21:38

Ma ja it naaxwiinyëtën mëti'ipë yë Gad yë jyä'äy nyitënaaytyëpën yë'ë ojts jam yajmo'otë ja naax kajpn mëti'ipë yajtijtëpën Ramot jampë Galaad yajpaatyën ets wya'anëty tsoktakn kajpn, tä ja Mahanaim,

1 Samuel 14:50

Yë Saúl yë tyo'oxytyëjk jä'ä ijty txëëwajtyp Ahinóam, yë nyëëx yë Ahimaas. Ja tsyiptuunpë wintsën jä'ä yajtijy Abner, yë'ë myaank yë Ner, yë jyämy yë Saúl.

1 Samuel 17:55

Ko ja David twinkuwa'këy ja filistejë ja'ay, yë Saúl tëë ënety tyajtëy ja Abner, ja tsiptuunpë Wintsën: Mijts Abner, tuk'ëwa'anëkës, ¿Pën yë David tyeety'äjtyp?

1 Samuel 26:14

Tä ja David jam yaxkeky ets ojts tmëkäjpxy ja Abner ets ja tsiptuunpëtëjkëty: Abner, mijts yam nmëkäjpxyp, ëtsoowkës. Tä ja Abner y'ëtsoy: ¿Tim pënmës mtimnyäjya'awënë ets nëkoo xymyëjya'ax xymyëjokëty ja mëj'ënä'ämpë?