2 Samuel 2:7 - Biblia Dc en Mixe de Quetzaltepec

⁷ E këtiits mmontë mtuktë, ni'ikyë jotmëkta'aktë, jä'ä ko oy n'ëna'anmëty ja Saúl të y'ooky mëti'ipë të tyu'uwinwoyën, yë Judá jyä'äy tëëjës xynyikajpxpätë etsës ëjts n'ënä'ämëty.

Biblia Mixe de Quetzaltepec

⁷ E këtiits mmontë mtuktë, ni'ikyë jotmëkta'aktë, jä'ä ko oy n'ëna'anmëty ja Saúl të y'ooky mëti'ipë të tyu'uwinwoyën, yë Judá jyä'äy tëëjës xynyikajpxpätë etsës ëjts n'ënä'ämëty.

2 Samuel 2:7 Iomraidhean Croise

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

2 Samuel 10:12

Këtii mtimtsyë'ëkëty, amëk jotmëk tim it, tsojk nkuwa'anëm yë nnaax'ajt nkajpn'ajtëm ets tsojk nitsiptu'unëmë yë Wintsën yë nyaax kyajpn. Wä'än yë Wintsën t'ix wi'ix të tuknipëjktaakë.

2 Samuel 2:6

Yë Wintsën yë'ë oy tsuj myaj'itëtëp ets mpa'ëyow mnajts'ëyowëtëty. E ëjts tyamës kë'ëm nikäjpxy ko miitsëty oy njawëja'antë mëët ja mëti'ipë të xytyuunta'aktën, ko ja oyjyot oywyinma'any të xypyaatë.

2 Samuel 2:8

E yë Abner, yë'ë myaank yë Ner, mëti'ipë ënety nyikopk'ajtypyën ja tsiptuunpëtëjk ja Saúl ja jyä'äy, ojts twoowtsoony ja Is-boset, yë Saúl yë myaank ets ojts twoownëjkxy ma tu'uk ja it txëëwatyën Mahanaim,

2 Samuel 5:3

Jëtu'un'äämpy ja mëjja'aytyëjkëty mëti'ipë jam yajpatëpën ma ja Israel kajpnën ojts nyëjkxta'atë jam Hebrón ma ja David yajpaatyën ets yë'ë tuuny tu'uk ja käjpxytyu'unën mëët yë'ëjëty, tpëjktaktë ijxpë mëtoowpë ja Wintsën. Tä ojts tkënu'kxtë ja David ets yë'ë wyë'ëmëty yajkutujkpë ma ja Israel kajpnën.

2 Reyes 11:12

Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

Nehemías 2:18

Koos ntukmëmëtyaktaaytyë wi'ix ënety ja Wintsën mëj këjää të xypyutëkësën ets wi'ix ënety ja yajkutujkpë janty'oy të xy'ëëw'ëtsoy xykyäjpx'ëtsoyësën, ënät y'ëtsoowtë: Wi'ix ko nkatuuntso'onëm, tsojk niwa'këm yë tuunk. Tääts jëtu'un xim yam nyäjyotkujkmooyëtë.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

1 Samuel 31:12

Ënet ojts nyäkyajpxëtë aak jotmëktëjkëty, tu'ktsu'um ojts ye'eytyë tääts jam tpatë ja mëjpotsy ma ënety ja Saúl ja nyini'kx të yajkëxtëyën mëët nitëkëëk ja myaank ets tyajjënajktë; tääts ojts ënätyë wyimpijtkojnëtë jam Jabés ets jam ja o'kpë tyajnitooytyë.

1 Samuel 31:7

Ko jëtu'un t'ijxtë ja Israel ja'ayëty mëti'ipë ënety jam tsënaaytyëpën awinmtsow ma ja joyjyot yajtuknajxtaaynyën, ënät ojts kyäkpëtsëëmta'atë jam kyajpnjotmëty, jä'ä ko ja Saúl tëë ënety nya'o'knë mëët ja myaank. Tääts ojts myiinëtë ja filistejë ja'ayëty jam tsyënaaytyaknpëjknëtë.

1 Samuel 4:9

Paaty tyam tsojk amëk jotmëk näpyëjktakëmë, pëjkë'ëktë yë ntuunpäjnëty mëti'ipë mëtsiptuuntëpën, tsojk ntsipjëtu'unëmë amëjaaw ma nxëëw'ajtëmën filistejë ja'ay. Këtiipë jëna'a yë xytyuunpë'ajtmëty yë hebreo ja'ayëty jëtu'un tä yë'ëjëtyën jeky të yajpaatën ma ëëtsajtëmën.