2 Samuel 13:3 - Biblia Dc en Mixe de Quetzaltepec

³ E jamts ënety yë Amnón tu'uk yë myëku'uk, ëxëëkwin'ätspë, jä'ä xyëëwajtyp Jonadab, yë'ë yë myaank yë Simea, David yë myëkä'äx.

Biblia Mixe de Quetzaltepec

³ E jamts ënäty yë Amnón tu'uk yë myëku'uk, ëxëëkwin'ätspë, jä'ä xyëëwajtyp Jonadab, yë'ë yë myaank yë Simea, David yë myëkä'äx.

2 Samuel 13:3 Iomraidhean Croise

Génesis 3:1

Ja tsa'any jaakwijy jëyujk ënety ni'ik këtiinëm ja wiinkëtypë ja jëyujk mëti'ipë ja Wintsën të tyajkojyën, paaty tyajtëëy ja to'oxytyëjk ets t'ënëmaay: Jëtu'un ja Dios të m'ënë'ëmxëtë ets ka'ap xyjyë'kxtëty ja ujts mëti'ipë jap jë'kxy kyamjotyën ¿këtiijë?

Génesis 38:1

Tëkok yë Judá ojts tpuwa'ktutnë yë myëkä'äxtëjk ets ojts nyijkxy tsënääpyë ma tu'uk yë ja'ayën jä'ä xyëëwajtyp Hirá, jam ënety kyukajpnëty Adulam.

Génesis 38:20

Komjeky yë Judá ojts ja myëku'uk Adulam ja'ay tukmëkäxë yë tsajppax ma ja to'oxytyëjkën ets ja to'oxytyëjk jatëkok myooywinpitëtëty ja mëti'ipë ënety të tyajwë'ëmyën mëët yë'ë. E ja myëku'uk ka'ap ojts ja to'oxytyëjk t'ëkpatnë.

2 Samuel 13:2

ojts tyimpa'amniminë ko nëkooyë tsojkën'ajtnë ja Tamar; yë Amnón nyija'ap ënety ko yë Tamar ka'ap nitu'uk yë ye'etyëjk tmëët'atynyëm, paaty ka'ap tjëkyepy nëkoo wi'ix t'ënëëmëty ja Tamar.

2 Samuel 13:32

e ja Jonadab, ja Simea myaank, David yë myëkä'äx, jä'ä y'ënëmaay ja David: Yajkutujkpë, ijxkëm m'ënaanpë ko tëë ja m'ëna'k tyim'o'kta'ay. Tu'uk je'eyë të y'ooky, yë'ë Amnón, yë Absalón të tuknipëjktaakë, ënät ojts jëtu'unpë wyinma'any tpaaty jä'ä xëëw ma ja y'uty Tamar ojts yajtukxi'ikyën.

2 Samuel 13:4

Tu'kxëëw ojts yë Jonadab tyajtëy yë Amnón, t'ënëmaay: ¿Tiitën mjajtëp? ¿Ni'ikyë mpakixnë? ¿Këtiitën xytyuk'ëwaanëja'anyësë? Tä ja Amnón y'ëtsoowë: Jä'ä ko wiinkëmës ntsojkën'ajnë yë Tamar, yë n'utyës Absalón yë y'uty.

2 Samuel 14:2

paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

2 Samuel 21:21

e yë'ë ojts ja Israel ja'ay tmëmayë ko mëët tsyiptuna'any; yë Jonatán, Israel ja'ay, yë'ë yaj'o'kë, yë myaank yë Simea, yë David yë myëkä'äx.

1 Crónicas 2:13

yë Jesé jä'ä y'u'unk y'ëna'k xyëëwajt Eliab, ja mëtu'ukpë, Abinadab ja mëmäjtskpë; Simá ja mëtëkëëkpë;

1 Crónicas 27:32

Yë Jonatán, David yë jyämy, tu'uk ja ja'ay mëti'ipë janty wijyën ets oy ja ma'ayën tajën tmëët'aty, najtskajpxëpë ets kajpxwijpë ijty y'ity. E yë Jehiel, Hacmoni myaank, yë'ë ijty nyatënääpy xëmë ja yajkutujkpë ja y'u'unk y'ëna'k.

Ester 5:10

Je'eyëp ko ja Amán ka'ap ënätyë tyajkëxë'ky wi'ix yajxon jyoot'anpëkyën. E ko jam jyä'äjty ma tyëjkën, ënät tmëkajpxmujktaay ja myëku'uktëjk mëti'ipë mëët oy nyäjyawëtyën, ojts tmëkäjpxy näjyëtu'un ja tyo'oxytyëjk, mëti'ipë xyëëwajtyp Zeres,

Ester 5:14

Ënet ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

Ester 6:13

Jamts tukmëmëtyaktaay ja jyiiky myëku'uk ets ja tyo'oxytyëjk wi'ix ënety të jyäty të kyëpetyën. E yë'ëjëty jëtu'un t'ëtsoowtë ja Amán: Pën mijts tëë mtsuu'ixyë tääpë Mardoqueo mëti'ipë Jutiiyë ja'ayën, tsip ets ënät xymyëmëta'akëty ets ëxëëk xytyunëty. Tyam yajxon mtimyaj'ënëëmë ko ka'ap mmayä'änyë.

Proverbios 19:6

Mëti'ipë ja'ay nyayäjkpyën winë ets ka'ap tii nyätyukwintuk'ookyë, aak ixtaayëp yë ja'ay ets aak oyjya'awëyëp.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Santiago 3:15

Jä'ä ko ya'atë wijyajtën, ka'ap yë Dios tjä'äjëty, naaxwiinyëtë ja'ay yë wyinma'any ko ja ku'oypyë jëtu'un tyunëtë.

Jueces 14:20

Ja tyo'oxytyëjk yë'ë ojts yajkë'ëmo'oy tu'uk ja myëku'uk mëti'ipë ënety oy mëët nyäjyawëtyën.

1 Samuel 16:11

Ko t'ijxtaay, tääts tyajtëëy: ¿Ti këtii jam wiinkpë maankë? Tëkoy'ajtp tu'uk, tam ja tsajppax tkëwent'aty. Jëtu'un y'ëtsooy yë Jesé. Tä ja Samuel y'ënäny: Nëjkx yajtsoontë, jä'ä ko pën tëkoy'ajtp tu'uk ka'ap tjëkyepy nyajtso'ontakmëty ya'atë tu'unën kajpxën.

1 Samuel 16:9

Tä ja Jesé tmëjwooy ja Samá. E ja Samuel tyaa y'ënäny: Ka'ap tyaapë yë'ëjëty yë Wintsën të wyin'ixyë.