2 Samuel 11:2 - Biblia Dc en Mixe de Quetzaltepec

² Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

Biblia Mixe de Quetzaltepec

² Jä'ä xëëw, jënäkyxyëëw ënäty ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënäty je'eyë tyukjënajkta'ayë ja myëjaaw.

2 Samuel 11:2 Iomraidhean Croise

Génesis 12:11

Ko jap Egiptë jyä'äjty, ënät ja Abram ja tyo'oxytyëjk Sarai t'ënëmaay: Ëk'ix, ëjts wa'atsës nijawë ko mijts m'oyëty mtsujëty.

Génesis 3:6

Ënet ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

Génesis 34:2

E jam ënety tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënety mëj'äämpy ijtëpën ma ja jampë ja naax kajpnën. Ënet ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

Génesis 39:6

Yë José yë'ë ënety kyëwent'ajtääpy tu'kë'ëyë winë, paaty yë Potifar ka'ap nitii tmëmay tmëtajy, jotkujk je'eyë kyäy y'uuky. Yë José janty'oy ënety kyëxë'ëky ets aak tsojkëyëp ja'ay.

Génesis 6:2

Yë Dios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënet ojts twin'ixtë aakjä'ä oyëtypë ets mëët pyëjktë y'uktë, mëti'ipë ënety tyimtsojkën'ajtëpën.

2 Samuel 13:1

Yë Absalón, yë myaank yë David, tam ijty tu'uk yë y'uty to'oxytyëjkpë janty'oy y'ixëty, jä'ä xyëëwajtyp Tamar. E jamts ënety näjyëtu'un wiinkpë yë David myaank jä'ä xyëëwajtyp Amnón, ojts mëk tsojkën'aty yë Tamar,

2 Samuel 14:27

Absalón tam ijty tëkëëk yë myaank ets tu'uk yë nyëëx mëti'ipë xyëëwajtypyën Tamar, janty'oy janty tsuj ijty y'ixëty.

2 Samuel 4:5

Recab ets Baaná, nimäjtskpë yë myaankë yë Rimón jampë kyukajpnëtyën Beerot, ënät tsyo'ontë ets ojts nyëjkxtë jam ma ja Is-boset ja tyëjkën; yajxon ënety mëk y'aanë ko jam jyajtë, e yë Is-boset maap ënety jam.

2 Samuel 4:7

Ko jap tyëjkëtyë tëkoty, ja Is-boset tam ënety wyiitykyëjxm myä'äy pyo'kxy, tääts tyo'kpujxtutë ets jëtu'un tyaj'o'ktë; ja o'kpë këpajk ojts tmënëjkxtë, tu'ktsu'um ojts tmëye'eytyë, jamtsow nyëjkxtë ma ja itjot txëëwatyën Arabá

Job 31:1

Ëjts tëëjës kë'ëm njot nwinma'any npëjktä'äky ko ka'apës n'atsoka'any yë to'oxytyëjk mëti'ipë nätyu'uk'ajtpën.

Salmos 119:37

Këtii xy'ëwa'atsëty etsës jam nkëx'ixëty ma ja ka'apë tyiosëtyën; mooykyës yë juukyajtën etsës yë mnë'ë mtu'u npanëjkxëty.

Proverbios 19:15

Yë nuux'at je'eyë ma'ayë tyukpaaty; e yë ja'ay mëti'ipë nuuxën, kë'ëm nyäyaj'ayuu'atyë.

Proverbios 31:30

Yë to'oxytyëjk janty oypyë kyëxë'ëkyën, nëkoopë je'eyë ijxën tmëëtëty ets nëkoopë nnätyukwin'ë'ënëmëty, ja to'oxytyëjk mëti'ipë myëjpëjktäkpyën yë Dios, patëp yajmëjpëjkta'akëty.

Proverbios 6:25

Këtii xykyupëkëty ets yë'ë mwin'ëënëtëty ko oy kyëxë'ëky. Këtii xykyupëkëty ets yë'ë mtukyajka'ajëtëty ko janty'oy wyintë'kxy.

Proverbios 7:8

ko nyijkxy ma tyëjkën, jam nyäxy tu'u'am, ma ja to'oxytyëjk tsyëënën,

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

Mateo 10:27

Mëti'ipë akootstuuy ntukmëmëtyaktëpën, nikajpx nimëtya'aktë xëëny ma jyäjy tyi'kxyën; mëti'ipë ame'tsyë ntukmëmëtyaktëpën, tukyaax tukjokëtë jam tëjkëjxm.

Mateo 24:17

ets pën ënety të pyetyën tyëjkëjxm jä'ä xëëw, ka'ap y'ëkjënajknëty ets tii tyajpëtsëma'anëty jap tyëkoty;

Mateo 5:28

E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënety tyajtëkoy ja wintsë'kën ma ja pëjkën ukën jyootjoty wyinma'anyjoty.

Hechos 10:9

Komjëpom, kujkyxyëëwëjaanpën, tam ënety ja käjpxynyajxpë tyu'uye'eytyë winkon ma ja Jope kajpnën, ënät ja Pedro pyejty jap tëjkëjxy Dios ëwtajtpë.

Deuteronomio 22:8

Ko pën tu'uk yë tyëjk tkojëty, jam tëjknëkëjxm nëjkxëp yë pya'a tnapojts'ëwtijtë, këtiipë jam pën y'awa'knaxëty ets pën pyokytyëkëty ma ja ja'ayëtyën mëti'ipë ënety tääpë ja jëën tëjk tyuktsëna'ayëtëpën.

Deuteronomio 5:21

Ka'ap yë mëku'uk yë tyo'oxytyëjk xy'atsojkëty. Ka'ap xy'atsojkpëty yë jyëën tyëjk, kyam tyu'u, myëtuunpë kyupëjkpë, jyëyujk tsyajpkaa ets tëkokyë tii myëët'ajtypyën, nitii xykya''atsojkëty.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Juan 2:16

jä'ä ko tu'kë'ëyë mëti'ipë yë naaxwiinyëtë ja'ay y'ixk'ajtypyën ëkë y'atsojkpyën ka'ap jyamëty tsyoony ma Tiosën. Ko tii tsojkën'aty, ko tii pëk maay tjawë ets ko yi'iyë tmëmay tmëtajy yë wit meeny.

1 Samuel 9:25

E kom jam tsyo'onëtë ma ja tsajptëjkën ets nyëjkxnëtë ma ja kajpnën, jap ojts tyaj'oyëtë ja Saúl ja myaatakn tëjk'ëjxy.