1 Samuel 8:7 - Biblia Dc en Mixe de Quetzaltepec

⁷ e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.

Biblia Mixe de Quetzaltepec

⁷ e ja Wintsën tyaa y'ëtsoowë: Mijts kupëkymës mëti'ipë naax kajpn m'amëtoowëpën. Jä'äxë ko ka'ap myijtsëty m'ixtijyë, ëjts yë xy'ixtijtëp, ëjts jëtu'un xykyatsojktëp ets n'ënä'ämëtyës ma yë'ëjëtyën.

1 Samuel 8:7 Iomraidhean Croise

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Isaías 66:4

Ëjts ntuknipëjktakëpës yam ets o'ktëy jyatëty kyëpätëty, ets tpaatëty mëti'ipë ëxëëk tsë'ëkëtën. Jä'ä ko ojtsës njamëkajpxtë, ni pën xykya'ëtsooyës; ojtsës njakäjpxy ets ni pën xykyamëtooyës; jä'ä tyuuntë mëti'ipë ka'ap n'oy'ixyënës ets jä'ä wyin'ijxtë ka'apë ntukjotkëtä'äkyënës.

Jeremias 34:14

ets kom wëxtujk jëmëjt tyaj'ëwaatsëpëtsëmtëty tu'uk ja hebreo ja'ay mëti'ipë të myëtunëtën tëtujk jëmëjt ma jyëën tyëjkëtyën ko tii të tyajmëyäty. Je'eyëp ko yë y'ap y'okëty ka'ap jëtu'un tuuntë ets ka'apës xymyëmëtoowtë.

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Ezequiel 3:7

E yë Israel kajpn ka'ap ënät mja'akyukëja'anëtëty, jä'ä ko ka'apës ëjts xymyëj'ixtë. Tu'kë'ëyë yë Israel kajpn ka'ap kyäjpxyjyä'äkyukëtë ets kujuun oyëty.

Mateo 10:40

Pën miits mkupëjkëtëp, nän xykyupëjkpës ënety ëjts; ets pën xykyupëjkpës, nän kyupëjkpy ënety mëti'ipës xykyäjxpën.

Lucas 10:16

Ënet ja Jesús t'ënëmaay ja y'ijxpëjkpëtëjk: Pën myëtoow'ijtëp mëti'ipë miits mnimëtyaktëpën, nän ëjts ënety xymyëtoow'ijtëp; pën kyamëtoow'ijtyp mëti'ipë ënety miits mnimëtyaktëpën, nän ëjts ënety xykyamëtoow'ijtp; pën xykyakupëjkpës, näjyëtu'un ja nteetyës ka'ap tkupëky mëti'ipës të xykyexyën.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Juan 13:16

Tëy miits nëëmëtë ko ni pën ja wyintsën tkawinaxy ets ni pën kexyye'epyë tkawinaxy mëti'ipë käjxëpën.

Jueces 8:23

Tä ja Gedeón y'ëtsooy: Ëjts ets nmaankës ka'apës tääpë tuunk nkupëktëty ets miits n'ënä'ämtëty. Yë Wintsën yë'ë kë'ëm nyija'ap wi'ix y'ënä'äma'any ma miitsëtyën.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Samuel 12:1

Tä ja Samuel t'ënëmaay ni'ëmukë ja Israel ja'ayëty: Miitsëty wa'ats xy'ixtë xynyijawëtë ko tëkokyë mëti'ipë m'amëtoowtëpën ëjts kupëkyës njëkyepy, tëëjës tu'uk yë yajkutujkpë xy'amëtowtë, e tyaas tyam npëjktä'äky.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 8:22

Tä ja Wintsën y'ëtsoowtë: Mëmëtow ijxtëm y'ëna'antën, nikajpxpäjtë tu'uk yë yajkutujkpë. Tä ja Samuel ja Israel ja'ayëty t'ënëmaay ets wyimpijta'atëty jatëkok ets nyëjkxtëty ma nyaax kyajpnëtyën.

1 Samuel 8:8

Yë'ëjëty jëtu'unyëm jyä'äy'atë. Maju'unëmës jap nyajpëtsëmtën Egiptë ets tyampaat jëtu'unës xëmë yë jyot wyinma'any xytyuk'ixtë tä tyam xy'ixy xykyoyën; jëna'ajëtyë tëëjës xy'ëk'ëxmajtstëpë tääts yë wiink tios tpanëjkxtëkëtë.