1 Samuel 5:7 - Biblia Dc en Mixe de Quetzaltepec

⁷ Ko y'ijxtë jëtu'un ja Asdod ja'ayëty, ënät y'ënantë: Yë kaaxë mëti'ipë Dios jyä'ä'ajtypyën mëti'ipë y'ëwtajtëpën yë Israel ja'ayëty, ka'ap mëpaat yaa yajpaaty. Jä'ä ko paatykyëjxm jëtu'un tyam o'ktëy njajtëmë ets nëkooyë këxëty yë yuu pa'am myiinë ets ix näjyëtu'un yë Dagón yë'ëpaat pyatënë ja tëytyu'unën mëti'ipë ntios'ajtëmën.

Biblia Mixe de Quetzaltepec

⁷ Ko y'ijxtë jëtu'un ja Asdod ja'ayëty, ënät y'ënantë: Yë kaaxë mëti'ipë Tios jyä'ä'ajtypyën mëti'ipë y'ëwtajtëpën yë Israel ja'ayëty, ka'ap mëpaat yaa yajpaaty. Jä'ä ko paatykyëjxm jëtu'un tyam o'ktëy njajtëmë ets nëkooyë këxëty yë yuu pa'am myiinë ets ix näjyëtu'un yë Dagón yë'ëpaat pyatënë ja tëytyu'unën mëti'ipë ntios'ajtëmën.

1 Samuel 5:7 Iomraidhean Croise

2 Samuel 6:9

Ko jëtu'un tyuunë jyajtë David ojts ja tsë'ëkë tyuktëkëty jä'ä xëëw, mëët ja Wintsën, paaty mëk'äämpy ojts y'ënä'äny: Ëjts tyamës yajxon nnikäjpxy, ko ya'atë kaaxë ka'apës maa nmënëjkxa'any.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

Éxodo 10:7

Ënet ja wintsëntëjkëty y'ënantë: ¿Tyaapë ja'ay jëna'a jëtääjën kyu'uxa'anyë je'eyëpë amay jotmay nëkoo tyajminyën? Wintsën nikë ëxmatstë wä'än tnëjkxtë, wä'än nëjkx yë Tyiosëty t'ëwtatë mëti'ipë yë'ëjëty wyintsën'ajtëpën. ¿Tii këtiitën xytyim'ixy mijts wintsën wi'ix yë Egiptë kajpn o'ktëy jyajnë kyëpäjnë?

Éxodo 12:33

Yë Egiptë ja'ayëty mëktä'äky t'ënëmaaytyë ja Israel ja'ay ets tsyoontëty jap Egiptë, jä'ä ko jëtu'un ënety myäytyë tyajtë ko tsojk y'ëk'o'ktaaynyëtëty.

Éxodo 8:28

Tä ja yajkutujkpë ojts y'ëtsoy: Tyam n'ëxmatstëty ma xy'antijyën mnëjkxa'antë, ko m'ëna'antë ko jam mnëjkxa'antë të'ëts'itum ets nëjkx xymyo'oja'antë ja wyintsë'kën ja Wintsën mëti'ipë mTiosajtëpën, mëti'ipë tëy këtii nëkooyë jëkäm mtimnyëjkxtëty. Ets mënu'kxta'aktë yë mTiosëty mëët ëjts.

Éxodo 8:8

Ënet ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Éxodo 9:28

Mëk ëëts yë ënääw wëtsuk ets tëtsn tuu të nyajnaxtë, paaty tyam ka'ap yam miits n'ëk'ëtukanëtë. Mëpëjktsowtë yë Dios mëët ëëtsëty ets jëtu'un yam n'ëxmatstëty.

Jeremias 46:25

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Ëjts ntëytyunäämpyës yë Amón, mëti'ipë yë Tebas ja'ayëty y'ëwtajtëpën, ntëytyunäämpyës yë Egiptë ja'ayëty mëët ni'ëmukë yë tyiosëty ets yajkutujkpëtëjk ets y'ënä'ämpëtëjk ets ni'ëmukë mëti'ipë tyuk'ijxpäjtëpën.

Jeremias 48:7

Miitsëty Moab ja'ayëty, yë'ë të xytyuk'ijxpätë ko të mjotmëk'atë ets ko mkumeeny'atë, e pyätyp ja xëëw jëna'a myajmëmëta'aka'antën. Yë Quemós mëti'ipë m'ëwtajtëpën, yajmënëjkxaanp wiink naax wiink kajpn, mëët ja teetytyëjkëty ets ja ja'ayëty mëti'ipë mëj'äämpy ijtëpën.

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Dios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.

1 Samuel 5:6

Ok yë Wintsën mëk tëytyuuny yë ja'ayëty jampë tsyëënëtën Asdod ets mëti'ipë yajpatëpën ma jampë ja it naaxwiinyëtën, tääts tyukmiinëtë ja yuu pa'am mëkëtypë, tä yë pu'utspa'amën, xi'ikyë pa'amën ets tsaamaxnën.

1 Samuel 5:8

Paaty ojts tëkokyë twoowmujkta'atë yë mëjja'aytyëjk ets kopktëjkëty jampë yajpaatën ma filistejë kajpnën ets tyajtëëwtë: ¿Tii mëpaat ntu'unëmë mëët yë Dios yë kyaaxë mëti'ipë yë Israel ja'ayëty y'ëwtajtëpën.? Tä y'ëtsoowtë: Mënëjkxtë jam Gad. Tääts ja filistejë ja'ayëty ojts jam tyajnëjkxtë.

1 Samuel 6:20

Paaty y'ënantë ja Bet-semes ja'ayëty: Pën jëtää jampaat jeky y'ëk'ity juuky Dios wintum mëti'ipë wa'atsën? ¿Pën jëtää jam ëxëëk winë y'ëktuunpy ko yaa tsyoonëty ma ëëtsajtëmën?