1 Samuel 5:4 - Biblia Dc en Mixe de Quetzaltepec

⁴ E ko kyomjëpom'ajty näjyëtu'un ojts jatëkok tpatkojnëtëpë ja Dagón naaxkëjxy jyëpijpnë, jam kaaxë winkon mëti'ipë ja Wintsën jyä'ä'ajtypyën ets t'ijxtë ko tëëtëm ja kyëpajk nyëka'ay ets mäjtsk ja kyë'ë jam ëpëky jyëpijpnë naaxkëjxy. Yi'iyë ojts ëmuum jyaak wë'ëmy ja kepy'apujxtuky.

Biblia Mixe de Quetzaltepec

⁴ E ko kyomjëpom'ajty näjyëtu'un ojts jatëkok tpatkojnëtëpë ja Dagón naaxkëjxy jyëpijpnë, jam kaaxë winkon mëti'ipë ja Wintsën jyä'ä'ajtypyën ets t'ijxtë ko tëëtëm ja kyëpajk nyëka'ay ets mäjtsk ja kyë'ë jam ëpëky jyëpijpnë naaxkëjxy. Yi'iyë ojts ëmuum jyaak wë'ëmy ja kepy'apujxtuky.

1 Samuel 5:4 Iomraidhean Croise

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 40:20

Mëti'ipë awinax tsäjtspën, yë'ë juunkepy y'ixtääpy këtiipë pyu'utëty, ets t'ixta'ay yë ja'ay mëti'ipë yajxon tyuktsätsëpën këtiipë kyujëpijpnaxëty.

Jeremias 10:11

Miitsëty, Israel ja'ayëty, ënëëmëtë yë ja'ayëty mëti'ipë ka'ap ja Dios t'ëwtatën: Yë tiostëjkëty mëti'ipë ka'ap tyajkojtën yë tsajp ets naaxwiinyëtë, tëkooytya'ajantëp yë'ëjëty, nitu'uk kyawë'ëma'antë tsajp pa'tkë'ëy.

Jeremias 10:14

Aak tsuu aak nëpap yë naaxwiinyëtë ja'ay yajpaaty. Yë awinax ëxëëk o'ktëy yë jyä'äy tyajjaty mëti'ipë të yyajkojyën: nëkoo ja'ay nyätyukwin'ëënëtë, ka'ap tii juukyajtën tmëëtëty;

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënety ja Wintsën tii tnipaye'ey, jää tyajkutëkoyä'äny yë awinax.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Daniel 11:8

Ets nëjkx tmënëjkxta'ay jap Egiptë ja tyiosëty, ja y'awinaxëty mëti'ipë oytyunyëtyën mëët yë pujxn win'ëëtypë ets tëkokyë ja mëët ja pu'ts pujxnëty, poop pujxnëty. Nëjkxëp jëtu'un jekytyëkë y'ity ka'ap maa tsip käjpxy.

Miqueas 1:7

Wa'ats pyu'utakta'aja'any yë y'awinaxëty ets tsyooytyëkoyä'äny yë kyepy'apujxtukyëty mëti'ipë kyënu'kxyja'awëtyëpën. Jä'ä ko yë wit meeny mëti'ipë myëët'ajtëpën yë'ë to'oxytyëjktëjkëty të tnituntë mëti'ipë jyot nyini'kx tyo'ktëpën yajktëpën, yë'ë jatëkok nmo'ojäämpyës yë to'oxytyëjkëty mëti'ipë jyot nyini'kx tyo'ktëpën.

1 Samuel 6:5

Paaty, yajnikojtu'utë yë ki'ix pa'am ets tsuk mëti'ipë këtye'eytyëpën ma naax kajpnën ets mëjpëjkta'aktë yë Dios mëti'ipë y'ëwtajtëpën yë Israel ja'ayëty; jëtu'un n'ëk'ijxmëty kooxyëp näyajjëwa'akëty yë ëyo'on jotmay ma miitsëtyën, ma tiosëtyën ets ma naax kamën.