1 Samuel 5:1 - Biblia Dc en Mixe de Quetzaltepec

¹ Ko yë filistejë ja'ayëty tjä'äpëjktë ja Dios ja kyaaxë, ënät jam tmëtso'ontë Eben-ézer ets ojts tmënëjkxtë jam Asdod.

Biblia Mixe de Quetzaltepec

¹ Ko yë filistejë ja'ayëty tjä'äpëjktë ja Tios ja kyaaxë, ënät jam tmëtso'ontë Eben-ézer ets ojts tmënëjkxtë jam Asdod.

1 Samuel 5:1 Iomraidhean Croise

Salmos 78:61

Ojts t'ëwatsë ja nyë'ë tyu'u ja myëtsiptëjk ets yë'ë tjä'äniwa'antëty ma ënety y'ityën ja myëj'ajt y'oyajtën.

Isaías 20:1

Tëkok ojts tu'uk yë yajkutujkpë mëti'ipë xyëëwajtypyën Sargón, Asiria ja'ay, tkexy tu'uk yë tyuunpë jam Asdod, tääpë ja'ay ojts tnitëkë tu'uk yë kajpn ets ojts tniwä'äky ko myëtäky.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Hechos 8:40

Jam ja Felipe ojts yaj'ixy ma ja kajpn txëëwatyën Azoto. Kajpnkajpn ijty tkajpxwä'kxy ja aaw ayuk oypyë koonëm jyä'äjty jam Cesarea.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

1 Samuel 4:1

Ok ja Samuel tuknija'awëy ja naax kajpn tä ënety ja Wintsën të y'ënë'ëmxëtën. Jä'ä xëëw jä'ä jëmëjt ojts yë filistejë ja'ayëty tuknipëjktaakëtë ets tsyiptuna'antë mëët yë Israel ja'ayëty. Yë Israel ja'ayëty ojts näjyëtu'un tniwinmayëtë ja tsip, paaty ojts jam nyëjkxtë ma tu'uk yë it naaxwiinyëtë txëëwatyën Eben-ézer, tyam ja filistejë ja'ayëty jam ënety të jyajta'aktë ma txëëwatyën Afec.

1 Samuel 4:11

Ojts näjyëtu'un tjä'äpëktë ja Dios ja kyaaxë ets tyaj'o'ktë näjyëtu'un ja Ofní ets Finees mëti'ipë myaank'ajtypyën ja Eli.

1 Samuel 6:1

Ja Dios ja kyaaxë jä'ä ënety jam të y'ity wëxtujk po'o ma ja filistejë ja'ayëtyën.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.