1 Samuel 26:8 - Biblia Dc en Mixe de Quetzaltepec

⁸ Tä ja Absai t'ënëmaay ja David: David, yë Wintsën jëtu'un të tkë'ëyäky yë mmëtsip ma mijtsën. Mijts m'ëna'anëp etsës nyaj'ookëty, minës mëët yë kyë'ëmku'umën n'ëk tuknaaxmëtijë. Tu'ukyë je'eyë nyikë'ë ni'aaw.

Biblia Mixe de Quetzaltepec

⁸ Tä ja Absai t'ënëmaay ja David: David, yë Wintsën jëtu'un të tkë'ëyäky yë mmëtsip ma mijtsën. Mijts m'ëna'anëp etsës nyaj'ookëty, minës mëët yë kyë'ëmku'umën n'ëk tuknaaxmëtijë. Tu'ukyë je'eyë nyikë'ë ni'aaw.

1 Samuel 26:8 Iomraidhean Croise

2 Samuel 16:9

Ënet ja Abisai, yë Sarvia myaank t'ënëmaay ja yajkutujkpë: ¿Tim pën jëtää tyaapë ja'aynyë ets jëtu'un ëxaty t'ënëëmëty ja yajkutujkpë? tyamës yaa nëpujxëty yë kyëpajk.

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Jeremias 40:15

Ënet yë Johanán t'ënëmaay yë Guedalías ame'tsyë: Ëwatsëkës yë ntu'u wä'änës nëjkx n'ëkyaj'ooky yë Ismael. Ni pën tkanijawëty pën ënety ëtëtsp. ¿Wi'ix ko nkupëjkmëty ets yë'ë myaj'ookëtëty? Tsojk jëtu'unyë mpuwa'ktuta'ajëtëty yë jutiiyë ja'ayëty mëti'ipë mja'ay'äjtypyën ets nëjkx o'ktëy jyäty kyëpety yë Judá naax Judá kajpn.

Nahúm 1:9

¿Tiitën mtuknipëjktakëtyëp ma Wintsën xynyipëtë'ëka'antën? Myajkutëkoyantëpën yë'ëjë. Ni pën mäjtsk ok tkawinkuwa'akëty.

Romanos 11:32

Jä'ä ko ja Dios ni'ëmukë ja ja'ay ojts tukwinmëtoy ja pyoky ko të kyäjpxykyumëtoownaxtë ets ënät näjyëtu'un tpa'ëyowa'any ja wiinkëtypë tu'knax.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Josue 21:44

Yë Wintsën ojts jëtu'un tuny tä ënety të twinwanën, jotkujk ja nyaax kyajpn ojts tyajwë'ëmy ma tääpë it naaxwiinyëtën. Ja myëtsiptëjkëty ka'ap ojts myäyëtë jä'ä ko ja Wintsën ojts kë'ëm tyimkuwa'anëtë.

Jueces 1:4

Jëtu'un'äämpy ja Judá ja jyä'äyëty ojts tnitëkëtë ja Canaán ja'ayëty ja nyaax kyajpnëty ets ja Ferez ja jyä'äyëty näjyëtu'un ets niwa'ktaaytyë mëti'ipë ënety ja Wintsën të tyukë'ëtëkëtën. Jam Bézec jä'ä ojts ja jam ja ja'ay tyaj'ooktë nimajk mil, ma tyaapë ja'ayëtyën ojts näjyëtu'un tmatstë yë yajkutujkpë Adonisédec.

1 Samuel 23:14

Jëtu'un'äämpy ojts yë David jam wyi'imy tsënääpyë të'ëts'itjotm ma yajtijyën Zif ja itjotm mëti'ipë napotsyën. Ja Saúl oy ënety winjëpom jya'ixta'ayë ka'ap nijëna'a pyätë. Jä'ä ko ja David mëk ënety ja Dios kyëwent'atyë.

1 Samuel 24:4

Tä ja David ja jyä'äy y'ënëmaayë: Tyam jëtu'un tniwä'äky ko ja Wintsën m'ënëmaayë ko ja mmëtsip nëjkxëp jëna'a tpëjktä'äky mteky'ix'am. Paaty tyam mijts ix tii mtunäämpy. Ënet ja David pyëti'ky ame'tsyë ets ojts wäänë tputsujkë ja Saúl ja nyijän, ni''ix a'ixë ojts tputsuky këtiipë y'ixëtëty.

1 Samuel 24:5

E ko jëtu'un t'ëkputsujky ja Saúl ja wyit, ënät ojts jatëkok kë'ëm tmëmay tmëtajy,

1 Samuel 26:23

Ets Wintsën yë'ë kë'ëm y'ixëp pën oy në'ëye'eyp tu'uye'epy ets pën mëtëy winë tyuunpy. Yë Wintsën tëë tyam tjapëjktä'äky ëjts nkë'ëjotmës ja mëj'ënä'ämpë etsës jeexyë të nyaj'ooky të nyajtëkoy, ëjts ka'apës ja ëxëëk winma'any jëtu'un të npaaty, etsës nyaj'ook nyajtëkoyëty ja mëj'ënä'ämpë mëti'ipë ja Wintsën kë'ëm të twin'ixyën.

1 Samuel 26:7

Jä'ä tsu'um yë David ets Abisai jyënajktë ets ojts nyëjkxtë jam ma ënety ja Saúl mëët ja tsyiptuunpëtëjk yajpaatën. Yë Saúl mëkmaap ënety ets kyu'umën ja'ayë ojts nyätyukukapëty, naaxkëjxy tkujptäky. E yë Abner mëët ja tsyiptuunpëtëjk tyätymyaatëp näjyëtu'un, Abner yajnako'knääpy.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.