1 Samuel 20:2 - Biblia Dc en Mixe de Quetzaltepec

² Ets ja Jonatán y'ëtsooy: Ka'ap, ka'ap yë Dios tyajkutukëty. Ka'ap myaj'ookëtëty. Nijawë ko yë nteetyës jëyëjpës yë winë xytyuk'ëwaanë ko tii tuna'any, wä'än yë'ëjëty yë mëjpë mutskpë ëkë yiinpë wäänpë. ¿E wi'ix ko ënät yë nteetyës ka'ap xy'ëktuk'ëwa'anëpëtyës ko myaj'ooka'anyë? Ka'ap yowë.

Biblia Mixe de Quetzaltepec

² Ets ja Jonatán y'ëtsooy: Ka'ap, ka'ap yë Tios tyajkutukëty. Ka'ap myaj'ookëtëty. Nijawë ko yë nteetyës jëyëjpës yë winë xytyuk'ëwaanë ko tii tuna'any, wä'än yë'ëjëty yë mëjpë mutskpë ëkë yiinpë wäänpë. ¿E wi'ix ko ënät yë nteetyës ka'ap xy'ëktuk'ëwa'anëpëtyës ko myaj'ooka'anyë? Ka'ap yowë.

1 Samuel 20:2 Iomraidhean Croise

Génesis 44:7

Tä ojts y'ëtsowtë: ¿Wi'ix ko ëëtsëty jëtu'un xy'ënëëmëtë? Ëëtsëty ni winma'any jëtu'un nkapaatës ets jëtu'un n'ëtë'ëtstëtyës.

Salmos 40:6

Mijts ka'ap xytyukjotkëtä'äky ko ja jëyujk ooky myajtukwintsë'ëkë, ëkë ko ja aaypyajk ujtspajk myajtukwinkupëkë; ni yë'ë të xykya''amëtoy wintsë'kën ets tii myajtukmëyoxëty. Mijts ni'ikyës yë nkopk ntatsk të xyaj'ëwatsë.

Proverbios 29:24

Ja'ay mëti'ipë ka'ap nnikäjpxyën ja mä'tspë ets tëë t'ixy ko të myeetsy, kyë'ëm juukyajtën kya'oy'ijxyp, jä'ä ko ëxëëkjaty yaj'ënëëmëja'any ets ka'ap ja tuuntëko'oyën nikajpxa'any.

Isaías 50:5

Yë Wintsën yë'ëjës të xymyo'oy ijxkujk ja'aykyujkën, e ëjts käjpxykyupëjkpë të nnäpyëjktä'äkyës ets ka'apës ni'ikyë të nnäyu'ts të nnäkyiiyënë.

Lucas 20:16

Nëjkxaanp jam kyamjotm ets tyaj'o'kta'aja'any ja naax ënu'kxpëtëjk ets ja kyam wiinkpë ja'ay tmo'oja'any. Ko ja ja'ay tmëtoowtë ets y'ënantë: Tkatsoky ja Dios.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Josue 22:29

Dios ëëts xypyutëkëtëp ets ka'ap yajkäjpxykyumëtoownaxëty ets ka'ap yaj'ëxmatsëty; ka'ap mëpaat yajkojy wiinkpë wintsë'këntyakn ma yajyakëtyën ja nino'okpyë wintsë'kën ëkë maa yajyakëtyën yë aaypyajk ujtspajk ëkë wiinkëtypë wintsë'kën ets wiink tios yajmoopyëty, yaj'ixtijëty ja nWintsën'ajtëm Dios, jampë yajpaatyën ma ja wit tëjkën ma näpyaatë y'ityën.

Josue 24:16

Ënet ja naax kajpn y'ëtsooy: Ka'ap mëpaat, yë Wintsën t'a'ixë etsës yë wiink tios npanëjkxtëty.

1 Samuel 14:45

Ënet ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Dios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.

1 Samuel 20:1

Yë David ënätyë jam kyeky Naiot ma Ramá y'itjotmën ets ojts nyijkxy ma ënety yë Jonatán yajpaatyën ets t'ënëëmëja'any: ¿Tiijësën të ntuny? ¿Tiijëstën ëjts npoky'äjtyp? ¿Maajësën yë mteety të nmëtëkoy etsës jëtu'un xy'ixjëtijt xypyajëtitëty ets koonëmës xytyimyaj'ooka'any?

1 Samuel 20:12

jam ja Jonatán t'ënëmaay ja David: Mëët yë Wintsën yë xyëëw mëti'ipë Tios'ajtpën ma Israel ja'ayëtyën, tyam yajxon ntuk'ëwaanë koos jëpom ets wëxtëjkm jopy, tëëjës ënety nijawë tiijës yë nteety tyuknipëjktakëpën. Pën oy tsuj mnikäjpxyë, ënätyë ntuk'ëwaanëty,

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.

1 Samuel 9:15

Ëxë'ëypyë ma jyata'anyën ja Saúl, Dios tëë ënety tuknijawë kuma'ayjoty yë Samuel ya'atë aaw ayuk.