1 Samuel 2:8 - Biblia Dc en Mixe de Quetzaltepec

⁸ Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

Biblia Mixe de Quetzaltepec

⁸ Tios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

1 Samuel 2:8 Iomraidhean Croise

Génesis 41:14

E ënät ja yajkutujkpë ojts nikäxë ja José, tä tim ënätyë tyajpëtsëëmtë pujxn tëkoty. Ojts ja José kyuwaay tyajkeepyë ets ojts yë wyit tjääntëkatsy, tä jëtu'un ja yajkutujkpë twinkuwa'këy.

Génesis 41:40

Mijts yaa mwë'ëmëp maas yë nkutujktaknën ets tu'kë'ëyë nkajpnës mëmëtowëtëty. Mëti'ipë tëy ëjts yaa mëj naxaanp këtiinëm mijts, jä'ä ko ëjts yajkutujkpë.

2 Samuel 7:8

E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

1 Reyes 16:2

Jëtu'un ja Basá yajnikäjpxy: Ëjts ojts mijts njuuty ma Israel kajpnën, tä ja'ay muum tii naaxwayjoty tpaatyën, ets të npëjktä'äky ënä'ämpë yajkutujkpë ma Israel kajpnën mëti'ipës nkajpn'ajtypyën. Je'eyëp ko ja naax kajpn tëë xyajpokytyuny timjëtu'un tä ja Jeroboam y'ëtitsyën. Yajxonës të xyajjoot'anpëky mëët ja poky mëti'ipë të xytyunyën.

2 Reyes 9:6

Ënet ja Jehú ënätyë wyä'ätsë'ky ets japtsow ëpëky tyëjkëtyë. Ënet ja Wintsën ja myëtuunpë ojts tyukutäämë'ëkyë ja on ets y'ënëmaayë: Ja Wintsën, mëti'ipë y'ëwtajtëpën ja Israel ja'ayëty, jëtu'un y'ënä'äny: Tyam mijts nkënu'kxy ets m'ënä'äm myajkutukëty maas yë nkajpnën, yë Israel kajpn.

Job 1:21

Ënet y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Job 2:8

Ënet ja Job jam nyaaxwe'tsy ma pu'uxm niko'owpety y'ityën. Jam tpaty yë tu'ts apu'u, yë'ëts nätyukjäjpëp ko tyäty xyi'ipyë.

Salmos 102:25

Mijts ojts xyajkojy tëëyëp yë naaxwiinyëtë, ets mijts ojts näjyëtu'un kë'ëm xyajkojy yë tsajp.

Salmos 104:5

Ojts yë naaxwiinyëtë xyajta'tspëky këtiipë nijëna'a yu'kxëty.

Salmos 107:41

Yë'ë yajpëtsëëmpy yë ëyoopëja'ay ma myony tyukyën; ets tyajnimayë ja y'u'unk y'ok tä kupixyny ets tsajppaxën.

Salmos 24:2

Jä'ä ko yë Wintsën yë'ë ojts tpëjktä'äky ma naaxwiinyëtë nyäkyumatsëtëtyën, ets tyajta'tspëjky nëëwinkëjxy.

Salmos 75:3

Ko yë naaxwiinyëtë tyëkë yu'kxpë, mëët tëkokyë mëti'ipë ënety tsënaay juuky'ajtëpën ma yë'ëjën, ëjts npëjk'ijtyp nmajts'ijtyp ma yajxon nyäkyumatsëtëtyën,

Salmos 75:4

Yë ëxëëkja'aytyëjk mëti'ipë nämyëjja'aw näjyääntyja'awëtëpën tyaajës n'ënëëmëtë: Këtii nëkoo mnäkyumayëtë ets janty mëj janty këjxm mnäyajnaxëtë;

Salmos 75:7

yë Dios yë'ë nipaye'epyë'ajtp, pënety tyajtsëtyuny ets pënëty tyajmëjnaxy.

Eclesiastés 4:14

Oy n'ëna'anmëty ko ënety tpaaty ja xëëw jëmëjt yë ëna'k ja'ay kyutëkëjäämpy tääpë yajkutujkpë, oy ënety jyapëty pujxn tëkoty pyëtsimy, ëkë oy ënety jënu'un të y'ëyoy të jyotëkoy, tëëjës n'ixy ko jëtu'unpë ja'ay pyätyp yë näypyutëkë ma mayjyä'äyën.

Isaías 22:23

Mëj'äämpy nëjkx y'ity ma jyëën tyëjkën. Ëjts të ntuknipëjktaakë ko yë'ë ta'tspëky xëmë yajpaatëty ma y'ityën, jëtu'un tä tu'uk yë pujxn kuwopy y'ityën.

Daniel 2:48

Ënet ja Babilonyë yajkutujkpë ojts tpëjktä'äky mëj wintsën ma ja Babilonyë kajpnën, ojts näjyëtu'un tmo'oy may yë näynyamo'ojë ets näykyumayë, ojts tuknipëky ets y'itëty yajkutujkpë ma ja y'itjotmën ja Babilonyë ja'ayëty ets yë'ë ojts näjyëtu'un tpëjktä'äky ets tniwintsën'atëty ja ijxpëkyjyä'äytyëjkëty mëti'ipë jam ma ja naax kajpn yajpatëpën.

Daniel 4:17

Ya'atë tëytyu'unën të yajnikäjpxy, mëti'ipë yë anklëstëjk këwent'ajtpë të t'awitstën ets tëkokyë naaxwiinyëtë ja'ay nijawëtëty ko yë Dios Ni'ik Këjxmëpë myëët yë mëk'ajtën ma naaxwiinyëtë ja'ay kyutujktaknëtyën, myoopy yë kuttujkën yë ja'ay mëti'ipë tyuk'më'a'ijxëpën ets yajwintsën'ajtyp ja ja'ay yu'unkpë naxymyëpë ma ja naax kajpnën.

Daniel 6:3

yë Daniel pojën ojts yajnijawë ko oytyuny ma ja tyuunkën mëti'ipë ënety të yajtuknipëkyën ets y'aye'ey y'anaxëty, ja wyijy'ajtën ets ja kyëpetyajtën jä'ä ojts tuknaxy; paaty ja yajkutujkpë tyuknipëjkë ets jä'ä y'ënä'ämpë'atëty ma ja yajkutujkpë ja kutujktakn tmëëtëtyën.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Apocalipsis 1:6

mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Dios Teety. Wä'än yë mëj'ajt oyajtën yë'ë tjä'ä'aty ets ja kuttujkën xëmëkyëjxmëpë. Jëtu'un y'itëty.

Apocalipsis 22:5

Ka'ap ja kootspë jam y'ita'any ets mëti'ipë ënety jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Apocalipsis 5:10

Tëë xypyëjktä'äky ets yajkutuktëty ets y'itëty teety, jëtu'unts tmëtuntëty ja Wintsën ets yajkutuktëty naaxwiiny.

1 Samuel 15:17

Tä ja Samuel y'ënëmaayë: ¿Ti këtiijën ënety mnätyijyë ko mijts ka'ap tii xykyëjxmëtyë? tyam ënä'ämpë myajpatnë ma Israel ja'ayëtyën, ko ja Wintsën mpëjktakë ets myajkutukëty.