1 Samuel 2:7 - Biblia Dc en Mixe de Quetzaltepec

⁷ Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

Biblia Mixe de Quetzaltepec

⁷ Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

1 Samuel 2:7 Iomraidhean Croise

2 Reyes 9:6

Ënet ja Jehú ënätyë wyä'ätsë'ky ets japtsow ëpëky tyëjkëtyë. Ënet ja Wintsën ja myëtuunpë ojts tyukutäämë'ëkyë ja on ets y'ënëmaayë: Ja Wintsën, mëti'ipë y'ëwtajtëpën ja Israel ja'ayëty, jëtu'un y'ënä'äny: Tyam mijts nkënu'kxy ets m'ënä'äm myajkutukëty maas yë nkajpnën, yë Israel kajpn.

1 Crónicas 29:12

Ma mijtsën jam tsyoony ja kumeeny'at ets ja oypyë tu'unën kajpxën. Mijts m'ënä'ämtääpy tëkokyë winë. Ja mëk'ajtën ets ja kuttujkën kë'ëjootjotm jam xytyimëëtëty ets mkë'ëjotm jam xymyëët'aty ko pën ja ënä'ämën kuttujkën xymyo'oja'anëty.

2 Crónicas 32:27

Ezequías may wit meeny tmëët'ajty, may ojts tmëët'aty yë poop pujxn, pu'ts pujxn, tsaa mëti'ipë tsowëtyën, nëë mëti'ipë pa'akxu'kpën, ku'umënëty ti'pxnëty ets may winë mëti'ipë tsowëtyën.

2 Crónicas 32:29

Ojts ja naax kajpn may tkoy, myëët'ajt may jëyujk tsajpkaa, jä'ä ko mëjwiin yë Wintsën ojts pyutëkëty.

Job 1:21

Ënet y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Job 40:12

Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

Job 5:11

yajmëjnajxyp yë ja'ay mëti'ipë yu'unk naxym yajpatpën, yajjotkujkëp yë ja'ay mëti'ipë moonp tujkpën;

Salmos 102:10

mëët ko të m'ëwa'antä'äky ets ko të mjoot'anpëky, je'eyës tu'ktsojkyë të xyajwinpety etsës jatëkok të xyajkujënajkojnëpë.

Salmos 75:7

yë Dios yë'ë nipaye'epyë'ajtp, pënety tyajtsëtyuny ets pënëty tyajmëjnaxy.

Salmos 75:8

Ko yë Dios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënety yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

Proverbios 22:2

Yë kumeenyjyä'äy ets ëyoopëja'ay tu'knax yë'ëjëty; Dios të yajkojëtë nimäjtskëty.

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

Jeremias 49:15

Wäänë mutsk mijts nyaj'awinpita'any ma naax kajpnën, ëxëëk nëjkx ja'ay m'ixyë.

Ezequiel 17:24

Nëjkxëp tëkokyë aay kepy tnijawëtë ko ëjts Wintsënajtp. Ëjts nyajkëtääpyës yë aay kepy mëti'ipë mëj këjxm naxaanpën ets yë'ë nyajyony nyajjiitsyës mëti'ipë ëmaay amutsk yaj'ijxpën. Ëjts nyajtëtsypës yë kepy mëti'ipë tsuxk ijtpën xëmë ets nyajtsuxkëpës yë kepy mëti'ipë të'ëtsën. Ëjts mëti'ipë Wintsën'ajtpën, ëjts ënaanp ets npatuumpyës yë n'aaw n'ayuk.

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.