1 Samuel 2:5 - Biblia Dc en Mixe de Quetzaltepec

⁵ mëti'ipë ënety ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënety yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënety ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënety janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.

Biblia Mixe de Quetzaltepec

⁵ mëti'ipë ënäty ka'ap tii y'ëmaaytyakxëtyën, tyam yajtsiptäkpy ja yiinpë wäänpë; e ja mëti'ipë ënäty yuu'o'këtëpën, tyam ka'ap ja tii t'ëkyaj'ëmaaytyaknë. Ja to'oxytyëjk mëti'ipë ënäty ka'ap tjëkyepyën y'u'unkpaatëty, tyam ni'ik wëxtujk'ok ja y'u'unk të tnayajmëxu'unk'ajnë; e ja mëti'ipë ënäty janty may ja y'u'unk y'ëna'kën, tyam jëtu'un ja jyaak yajpaaty tä yë aay ujts të xyjyotkëtaknën.

1 Samuel 2:5 Iomraidhean Croise

Salmos 113:9

Ja to'oxytyëjk mëti'ipë ka'ap ja y'u'unkën, myoopy ja jotkujk'ajtën ets y'itëty taak tsi'tsk ma ja y'u'unk y'ëna'kën, ets jotkujk tyaj'ity ma ja jyëën tyëjkën. Tukxoontä'äky mëjjawë Dios yë xyëëw nyaxëty.

Salmos 34:10

Yë kumeenyjyä'äytyëjkëty ëyoopëja'ay y'awinpita'antë, ets nëjkxëp yuu'ooktë, e mëti'ipë ja Wintsën y'ijxtaaytyëpën, ka'ap tii tyëkoy'ata'anxëtë.

Isaías 33:9

Jëëytyëp yaxtëp ja ja'ayëty ko ja o'kën tëko'oyën y'ity, anë'ëk tëëtsë'ëk ja Líbano naaxjot yajpatnë, ja Sarón itjot aanë'ëk tëëtsë'ëk të y'awinpijnë, ja Basán kopk ets ja Carmel kopk tëë wyinwatstaaynyë.

Isaías 54:1

Akujk jotkujk tim ya'ax tim jok, mijts to'oxytyëjk ka'apë u'unk maay xymyëëtëtyën, ka'apë u'unk maay tjëkyepy tyaja'tëtyën; ëw ya'ax mijts ko ka'ap nijëna'a u'unk maay të xyajminy të xyajja'tyën naaxwiiny, jä'ä ko yë Wintsën jëtu'un yajkutujkpy: May ni'ik u'unk maay tpaata'any t'ixa'any ja to'oxytyëjk mëti'ipë atu'uk moonp tujkpën këtiinëm mëti'ipë jamën yë nyiye'etyëjk.

Jeremias 15:9

Ja taak mëti'ipë may ja y'u'unk y'ëna'kën tëë xyejytyuk ets të jyëpijpkëtä'äky, wintsëtyu'un jëjptsëtyu'un ets mon tuk të wyë'ëmtë, ja xëënyajtën akootstuuypyën të y'awinpity. Pën jaakwë'ëmtëpën juuky, myëtsip nëjkx ntukyaj'ookyës. Ëjts Wintsën, ëjts ënaanp.

Lucas 1:53

Tëë ja ayuupë axëëwpë tmo'oy ja nyaax kyam, ets awa'ats kë'ëwa'ats të tpëjktä'äky ja kumeenyjyä'äytyëjk.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Gálatas 4:27

Jä'ä ko jëtu'un ja Dios ja y'aaw y'ayuk kyëxja'ayëty: Jotkujk mijts to'oxytyëjk mëti'ipë ka'ap të tyajminy të tyajja'tyën ja u'unk ëna'k, mëti'ipë ka'ap tmëëtëtyën ja u'unk ëna'k. Ëw ya'ax mëët ja jotkujk'ajtën, jä'ä ko ja to'oxytyëjk mëti'ipë të yaj'ëxmatsyën, wäänëmay ja y'u'unk tpaata'any këtiinëm ja mëti'ipë jamën ja nyiye'etyëjk.

Rut 4:15

Yë'ë nëjkx myajjotkujktä'äkyë ets mwinwitsëtëty ko ënety mëj ja'ayënë mëët jä'äkyëjxm ko yë'ë t'u'unk'aty yë mxäkxy Noemi, mëti'ipë mëk mtsojkëpën mja'awëyëpën, mëti'ipë jëtu'un mëët'ajtypyën tä jeexyë niwëxtujk yë u'unk maay xymyëëtëtyën.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënety të tpëjktsoy.

1 Samuel 1:6

Paatykyëjxm ja Peniná ijty y'ëxëëk'ixyë ets wyinwoony tyukxi'ikyë je'eyë ets naxym tpëjktä'äky mëët ko ënety ka'ap ja y'u'unk.