1 Samuel 13:2 - Biblia Dc en Mixe de Quetzaltepec

² ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

Biblia Mixe de Quetzaltepec

² ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

1 Samuel 13:2 Iomraidhean Croise

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

2 Samuel 23:29

Heled, yë myaank yë Baaná, nän jam tsyoony Netofá; Itai, yë myaank yë Ribai, jampë tsyoonyën Guibeá, jampë yajpatyën Benjamín nyaaxjotm;

Esdras 2:27

ja jyä'äy ja Micmás, jä'ä nyiwinë'ajtë mëko'px ja i'px mäjtsk;

Nehemías 11:31

E ja jyä'äy ja Benjamín jam tsyënaaytyaknpëjktë Gueba, Micmás, Aías, Betel mëët ja nyinaax nyikamtëjk;

Josue 18:28

Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Josue 22:6

Ko jëtu'un kyajpxtaay, tä ojts je'eyë t'ëkjaakënu'kxnë ets nyäy'ëxmajtsënëtë, tääts ojts tsyo'onëtë ets nyëjkxnëtë ma jyëën tyëjkëtyën.

Jueces 19:12

Të ja Leví ja'ay y'ëtsooy: Ka'ap, ka'ap tjëkyepy yaa nmaawë'ëmëty pën ka'ap y'Israel kajpnëty. Ja'amtë, tsojk mtu'uye'eyëmë koonëm jam nja'ajtmëty Guibeá,

1 Samuel 10:26

Ja Saúl ojts näjyëtu'un nyëjkxnë jam ma tyëjkën jam Guibeá, e yë Dios ojts tuktëkë nimäjtsk nitëkëëk yë ja'ayëty mëti'ipë jyämyëët'ajtën.

1 Samuel 10:5

Ko jam mja'tëty Guibeá mëti'ipë Dios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.

1 Samuel 13:1

Ko yë Saúl ojts tyuuntso'ontä'äky jam ma Israel kajpnën mëj ëna'k ënätynyë, tëë ënety ëka'any tyuny ma yajkutujkpë'atyën,

1 Samuel 13:11

E ja Samuel tyaa y'ënëmaayë: ¿Wi'ix ko jëtu'un të m'ëtë'ëtsy? Ets ja Saúl y'ëtsooy: Koos të n'ixy mijts ka'ap m'ëkmiinë tä të xyjyanikäjpxyën ets koos të n'ixy ni'ikyë yë filistejë ja'ayëty myiin'ëtë'ëtstë jam Micmás,

1 Samuel 13:15

Ënet ja Samuel ojts jam tsyo'onkojnë Guilgal ets ojts nyijkxy. E ja maytsyiptuunpëtëjk jä'ä ojts tpanëjkxtë ja Saúl ets tsyiptuna'antë. Jam tsyo'ontë Guilgal ets jyajtë jam Guibeá ma ja Benjamín tnitänën. Jam yë Saúl tmëtyooy yë tsyiptuunpëtëjk, jä'ä nyiwinë'ajtë nitëtujk mëko'px.

1 Samuel 13:16

Saúl ets ja myaank Jonatán mëët ja tsiptuunpëtëjkëty mëti'ipë ënety pänëjkxëtëpën, jam ojts wyë'ëmtë Guibeá ma ja Benjamín ja nyaaxjotmën; e ja filistejë ja'ayëty jam ojts wyë'ëmtë Micmás.

1 Samuel 13:23

Tyamts ja filistejë ja'ayëty kä'pxy yajxon yajpaatë. Ënet ja filistejë ja'ayëty tu'kpëky jam tsyo'ontë ets nyëjkxtë jam Micmás.

1 Samuel 13:5

Yë filistejë ja'ayëty näjyëtu'un ojts nyäyajmujkta'ajëtë ets mëët tsyiptuna'antë ja Israel ja'ayëty. Ja ënety tmëët'atë i'px majk mil yë pujxnwintëkäämpë mëti'ipë myëtsiptuuntëpën, nitëtujk mil mëti'ipë jëyujk këjxy nëjkxtëpën ets ja mëti'ipë tekyye'epy nëjkxtëpën jëtu'un nyimay'ajnëtë nëë'ajinën. Tä nyëjkxta'atë jam Micmás ets jam awinmtsow Bet-avén, jam y'ijtakn tyaj'ixtaktë.

1 Samuel 14:31

Jä'ä xëëw yë Israel ja'ayëty ka'ap ojts tyajmëta'aktë yë filistejë ja'ayëty. Jampaat tsyiptuuntë ma txëëwatyën Micmás ets Aialón. E ja Israel ja'ayëty tëë ënety y'ënu'kxëtyääynyëtë,

1 Samuel 14:5

E yë filistejë ja'ayëty jä'ä ënety të nyäyyajwa'kxëtë mäjtskpëky: Tu'kpëky anëkëjxmtsow ma txëëwatyën Micmás ets tu'kpëky ëpa'tkë'ëmtsow ma mëët yë Guibeá nyäwyinku'ixëtyën.

1 Samuel 14:52

Mëjjëty këjääjëty ojts yë tsip tyunyë mëët yë filistejë ja'ayëty, mapaat jyuuky'äjtyën yë Saúl; paatykyëjxm yë Saúl aakyë'ë ojts twin'ijxy yë ja'ay mëti'ipë mëkëtyën ets jotmëkëtyën.

1 Samuel 15:34

Ko jëtu'un kyijxy nyäjxy tä ja Samuel ojts jam tsyo'onë ets nyëjkxnë Ramá ets ja Saúl näjyëtu'un ojts nëjkxnë ma ja tyëjkën jam Guibeá.

1 Samuel 24:3

E jam ma ënety jëtu'un tyu'uye'eytyën, ënät ojts tye'eypyaatë yë kupixyny kemy ma ënety jam näjyëtu'un winkon yajpaatyën tu'uk yë aank. Jam ënety yë David të tyëkëtë mëët yë jyä'äy, jä'ä ja Saúl wyinkuyu'tstëp. E yë Saúl ko ojts yë jëtityë pyäätyë, jap ojts näjyëtu'un tyëjkëpë ma tääpë ja aankën ninu'un tkanijawë pën yë David jap ënety yu'utsy yajpaaty mëët yë jyä'äy.

1 Samuel 26:2

Ënet ja Saúl poj'am tsyo'ony, mëët ja tsyiptuumpëtëjk nitëkëëk mil aakyë'ë mëti'ipë tsip'ixëtyën ets jotmëkëtyën jam ma Israel kajpnën, jam tnitso'ony ma ja it txëëwatyën Zif ets ja David t'ixta'aja'any.

1 Samuel 8:11

Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.