1 Samuel 12:3 - Biblia Dc en Mixe de Quetzaltepec

³ E tsyaatsës miits xymyëët'atës: Miits mnija'awëtyëp pën tëëjës pën yë jyëyujk tsyajpkaa npëjkë, pën tëëjës pën nkamëj'ixy ëkë ëxëëk ntuny n'ënëëmë, ëkë pën tëëjës ja wit meeny ja'ay npëjkë, maas ëjts ntuk'oy'ätyën; pën tëëjës ëxëëk ja'ay ntuny oypyënëty, ëkë tëëjës ja'ay wit meeny muum xytyukwin'ëëny maajës ja ëxëëkpë ntunyën, jyëkyejpyës xytyukwinmëtowtëty Dios wintum ets yajkutujkpëwintuuy mëti'ipës yë'ë të twin'ixyën. Ëjts jëjp'ixyës nyajpaaty ets nkumëtowëtyës pën jamës muum të nkamëtä'äky.

Biblia Mixe de Quetzaltepec

³ E tsyaatsës miits xymyëët'atës: Miits mnija'awëtyëp pën tëëjës pën yë jyëyujk tsyajpkaa npëjkë, pën tëëjës pën nkamëj'ixy ëkë ëxëëk ntuny n'ënëëmë, ëkë pën tëëjës ja wit meeny ja'ay npëjkë, maas ëjts ntuk'oy'ätyën; pën tëëjës ëxëëk ja'ay ntuny oypyënëty, ëkë tëëjës ja'ay wit meeny muum xytyukwin'ëëny maajës ja ëxëëkpë ntunyën, jyëkyejpyës xytyukwinmëtowtëty Tios wintum ets yajkutujkpëwintuuy mëti'ipës yë'ë të twin'ixyën. Ëjts jëjp'ixyës nyajpaaty ets nkumëtowëtyës pën jamës muum të nkamëtä'äky.

1 Samuel 12:3 Iomraidhean Croise

2 Samuel 22:22

jä'ä ko yi'iyës tu'ukyë të ntimkyuuy'ixy ja Wintsën ja nyë'ë'aaw tyu'u'aaw; paatyës tyam n'ëna'any ko nijëna'ajës yë Wintsën nka'ixtija'any.

Nehemías 5:11

E paaty yam n'amëtow npëjktsowtë ets xymyo'otëty jatëkok ja mëku'uktëjkëty ja nyaax kyamtëjkëty, tä ja y'uvëkamëtyën, y'olivëkamëtyën ets ja jyëën tyëjkëty ets xynyimä'kxtëty ja nyu'kxyëty oy yë'ëjëty wit meeny, ëkë tsajpmok, tsatsym nyëë, ëkë on ëkë tiijaty pën të tmo'oyën ja myëku'uk.

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Éxodo 22:4

E pën jam ja jyëyujk tmëëtëty ma tyëjkën ets juuky jam tyajtänë, jä'ä nëjkx tkëpäjnë kujkwä'kxy tyajni'ikënëty, oy ënety yë'ëjëty yë tsajpkaa ëkë krukts ëkë kupixyny.

Éxodo 23:8

Këtii xykyupëkëty ko ja'ay tii mo'ojëtëty, mëti'ipë näjya'awëyëpën pokymyëët, jä'ä ko jëtu'unpë je'eyë nëkoo yajkujo'opy ets jä'ä tyuunpy ets ja ëyoopëja'aytyëjk ijxtëkoy ja'atyëkoy y'itëty.

Proverbios 15:27

Mëti'ipë ja'ay ëxëëk y'atsokyën, yë'ëpaat jyëën tyëjk tyajtëkoy; e mëti'ipë ja'ay ka'ap tii t'ixk'atyën, nikë jotkujk jyuuky'äty.

Mateo 22:21

Tääts y'ëtsoowtë: Ja yajkutujkpë. Ënet ja Jesús y'ëtsoowëtë: Mo'otë yë yajkutujkpë mëti'ipë jyä'ä'ajtypyën ets mo'otë Dios mëti'ipë paat'ajtëpën.

Lucas 19:8

Ënet ja Zaqueo wya'kujkëy ets t'ënëmaay ja Wintsën: Wintsën, tyamës nmo'ojëty ja ëyoopëja'ay kujkwä'kxy mëti'ipës nmëët'ajtypyën; pën tëëjës pën nmeetsy tyamës nyajwinpijtëty taxk jëtu'un.

Hechos 20:33

Ka'apës nijëna'a të n'atsoky yë wit meeny, pu'ts pujxn ëkë wit xox,

2 Corintios 12:14

Yë'ëjës yam n'ëwxijtyp ets nëjkx miits nku'ixëja'antë mëtëkëëk'ok ets ka'ap nëkoo n'atsipa'antë. Ëjts ka'apës yë'ëjëty n'ixta'ay mëti'ipë miits mmëët'ajtëpën, miits kë'ëm n'ixtaaytyëp; jä'ä ko yë'ë taak teety patëtëp t'ëxta'atëty ja wit meeny mëti'ipë y'u'unk y'ëna'k tyuk'ixtëpën, ka'ap yë'ëjëty yë u'unk ëna'k ja meeny t'ixta'atë ets ja tyeety tyaak tuk'ixtëty.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

1 Tesalonicenses 2:10

Miits mnija'awëtëp ets Dios näjyëtu'un, ko oy ets mëtëyës winë të ntuntë, ka'ap maa pën të nyajjoot'anpëktës ëkë të nmëtëkoytyës.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Samuel 12:4

Tä ja Israel ja'ayëty y'ëtsoowtë: Ka'ap pën nijëna'a të xyaj'ëyoy ets ka'ap pën nijëna'a ëxëëk të xytyuny të xy'ënëëmë ets ka'ap nijëna'a të xynyimeenypyiky ja tëko'oyën.

1 Samuel 12:5

Jëtu'un ja Samuel ojts tnikäjpxy ja ayuk: Yë Wintsën ets ya'atë yajkutujkpë yë'ë jëtu'un wë'ëmtëp ijxpë nija'apë ko miitsëty ka'ap tii tëko'oyën të xypyaatë ma ëjtsën. Tääts y'ëtsoowtë ja Israel ja'ayëty: Tëyajtën jëtu'un.

1 Samuel 2:35

Etsës nëjkx kë'ëm npëjktä'äky tu'uk yë ntuunpë ets tyeety'atëty, mëti'ipës yajxon xymyëtunëpën ejxtëmës n'oyjyawën ets ja y'u'unk y'ok nëjkxëp jeky jyuuky'atë ets xëmë nëjkx mëët yajpaatë ja yajkutujkpë mëti'ipë ënety ëjts nwin'ijxypyën.

1 Samuel 24:11

Paaty tyam Wintsën, ix yajxon mëti'ipës yam nkë'ëpëk'ajtypyën: tu'këëtsy yë Wintsën yë nyijän mëti'ipë të tjajëkyepyën jeexyë të nyaj'ookyës. Yë'ë jëtu'un mtukja'akyukëp ko ka'apës mijts n'ëxëëktuna'any, ka'apës ntsoky ets ëxëëk mjatëty mkëpätëty ets ka'apës ma mëyajtën wintsë'kën nyajtëkoy ma mijtsën. E mijts janty jëtu'unës xy'ixjëtijt xypyajjëtijnë etsës xyaj'ooka'any xyajtëkoyä'äny.

1 Samuel 24:6

ets t'ënëmaay ja jyä'äy: Tiosës xypyutëkëp ets ka'apës wi'ix ntunëty yë Saúl, yë nwintsënës mëti'ipë yajkutujkpën. Pën yajkutujkpë yajpaaty, yë'ëkyëjxm yajkutuky mëët ko yë Wintsën të wyin'ixyë.

1 Samuel 24:7

Jëtu'un'äämpy ja David t'akajpxtujky ja jyä'äy ets ka'ap t'ëwatsy ets tyaj'ooktëty ja Saúl. Jëtu'un ja Saúl ojts pyëtsëëmnë aankjoty ets ja tyu'u ojts tpanëjkxy.

1 Samuel 26:11

Yë Wintsën yë'ëjës xykyuwa'anëp ets ka'ap wi'ix ntunëtyës ja mëj'ënä'ämpë mëti'ipë yë'ë kë'ëm të twin'ixyën. Paaty yam n'ënëëmë ni'ik yi'iyë pëjkë'kë yë nyëë'a'ukëm ets kyu'umën tampë kyëpäjky tyaj'ityën.

1 Samuel 26:9

E ja David tyaa y'ëtsooy: Ka'ap, këtii xyaj'ookëty, jä'ä ko pën kyë'ënixäjpy ja mëj'ënä'ämpë mëti'ipë yë Wintsën kë'ëm të twin'ixyën, ka'ap yë'ë jëtu'unyë nyäyajna'ixëty.