1 Samuel 11:4 - Biblia Dc en Mixe de Quetzaltepec

⁴ Tä ja kukäjpxy jam jyajtë Guibeá ma ja Saúl ënety tsyëënën ets tuknija'awëtyë ja naax kajpn mëti'ipë ënety amay'ajtp jotmay'ajtpën. Tä ja ja'ayëty tyëjkëtyääpyë jëëpyë yaxpë.

Biblia Mixe de Quetzaltepec

⁴ Tä ja kukäjpxy jam jyajtë Guibeá ma ja Saúl ënäty tsyëënën ets tuknija'awëtyë ja naax kajpn mëti'ipë ënäty amay'ajtp jotmay'ajtpën. Tä ja ja'ayëty tyëjkëtyääpyë jëëpyë yaxpë.

1 Samuel 11:4 Iomraidhean Croise

Génesis 27:38

Ja Esaú ni'ikyë ja kyajpx'ëtë'ëtsy: ¿Tatë tii këtiis mëpaat xytyimmooynyë ja kënu'kxënë, oyxyëp jeexyë ja tu'ukënë? Ënet jatëkok ja Esaú tyëjkëy yaxpë.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

1 Crónicas 12:3

Ahiézer, xyëwatyp ja mëti'ipë nyikopk'ajtypyën ja myëku'uk ets Joás, yë'ë Semá y'u'unk y'ëna'k, jam kyukajpnëty Guibeá; Tääs yë Jeziel ets Pelet, yë'ë Azmávet myaank; tääts Peracá ets Jehú, jampë kyukajpn'atën Anatot;

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

1 Corintios 12:26

Pën jam muum tu'kpëky ja ni'kx kopk y'ëyoy, näjyëtu'un ja wiinkëtypë y'ëyowta'atë; ets pën jam muum tu'kpëky oy y'ity, tu'ukyë oy yajpata'atë.

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Jueces 2:4

Ko ja Dios ja kyukäjpxy kyajpxtaay ënät ja Israel ja'ayëty tyëjkëtyë yaxpë.

Jueces 20:26

Ënet jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Dios wintum mëët ko ënety may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

Jueces 21:2

E ojts jatëkok jam myuktë Betel ets twinjëëy twinyaxtë ja Dios ets myoontë tyujktë jam tu'kxëëw koonëm tyajtsu'ujëtyë.

1 Samuel 10:26

Ja Saúl ojts näjyëtu'un nyëjkxnë jam ma tyëjkën jam Guibeá, e yë Dios ojts tuktëkë nimäjtsk nitëkëëk yë ja'ayëty mëti'ipë jyämyëët'ajtën.

1 Samuel 14:2

Yë tyeety jam ënety yajpaaty tunkëjxm ma tu'uk yë mëj kepypya'tkën, ma ënety yë ja'ay të tyajpajk'atën yë tsajpmok. Jam ënety näjyëtu'un yajpaatë yë tsiptuunputëjk nitëtujk mëko'px.

1 Samuel 15:34

Ko jëtu'un kyijxy nyäjxy tä ja Samuel ojts jam tsyo'onë ets nyëjkxnë Ramá ets ja Saúl näjyëtu'un ojts nëjkxnë ma ja tyëjkën jam Guibeá.

1 Samuel 30:4

Tääts tyëjkëtyë jëëpyë yaxpë.