1 Samuel 11:2 - Biblia Dc en Mixe de Quetzaltepec

² E Nahas mëti'ipë Amón ja'ayën tyaa y'ëtsoowëtë: Oy, tyam yë käjpxtyu'unën yajtunëty, je'eyëp tëy ko këëktu'ukës yë m'a'oywyiin njuutëty, jëtu'unts yë Israel ja'ayëty o'ktëy jyatëty kyëpätëty.

Biblia Mixe de Quetzaltepec

² E Nahas mëti'ipë Amón ja'ayën tyaa y'ëtsoowëtë: Oy, tyam yë käjpxtyu'unën yajtunëty, je'eyëp tëy ko këëktu'ukës yë m'a'oywyiin njuutëty, jëtu'unts yë Israel ja'ayëty o'ktëy jyatëty kyëpätëty.

1 Samuel 11:2 Iomraidhean Croise

Génesis 34:14

tä t'ënëmaaytyë: Ka'ap tjëkyäp ëëtsëty nmo'otëty yë n'utyëtyës tu'uk ja ye'etyëjk mëti'ipë ka'ap ja ye'etyëjkajtën nyatsujk'ëwtityëtyën, jä'ä ko tsëtyu'unmëët ëjts nëjkx nwë'ëmtë.

2 Reyes 18:31

këtii xymyëpëktëty. Yë Asiria yajkutujkpë paatyës të xykyexy ets miits n'ënëëmëtëty ets xytyuntëty tu'uk yë näykyajpx'oyë mëët yë'ë ets m'ëna'antëty ko ka'ap ntsiptuna'antë ets tu'k'ëtëyë je'eyë jam mtimnyäykyuwanëtëty ma Asiria ja'ayëtyën; jëtu'un ja mkam mtu'ujëty je'eyëm xymyëët'atëty ets xyjyë'kxtëty xypyëktëty ja mëti'ipë të xypyän të xykyojtën.

Salmos 44:13

Jëtu'unës mijts të xyaj'awinpijnëtë tä i'kën mëti'ipë je'eyë yajxik yaj'ëwë'kpën; yë nmëtëjkës ëxëëkjatyës xy'ënëëmëtë ets xynyëxi'ik xytyukxi'iktës.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Proverbios 12:10

Yë wa'ats ja'ay wyinja'ap ko jëyujk jya'ap winë, yë ëxëëk ja'ay ka'ap tnijawë tii yajtijp näpya'ëyowë.

Jeremias 39:7

Yë Sedequías ojts yajni'ënä'ämë ets wyiintsaa yajjuutëty ets atsumy kë'ëtsumy nyëjkxëty mëët yë pujxn aats jam Babilonyë.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

1 Samuel 11:10

Tääts t'ënëmaaytyë ja Nahas: Jëpom ëëts nekyë'ëyaka'anëtë ma miitsëtyën ets xy'ixtëty wi'ix ëëts xytyuntë xy'ënëëmëtë.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.