1 Samuel 10:5 - Biblia Dc en Mixe de Quetzaltepec

⁵ Ko jam mja'tëty Guibeá mëti'ipë Dios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.

Biblia Mixe de Quetzaltepec

⁵ Ko jam mja'tëty Guibeá mëti'ipë Tios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.

1 Samuel 10:5 Iomraidhean Croise

1 Reyes 18:29

Jëtu'un ojts ja xëëw kyujkënyë ets kyutëjkënë, yë'ëjëty tampaat ya'ax jyoktë ets jyänty nyëpujt jyänty yujkpujtë tä ja'ay mëti'ipë pojëtëpën tpatnë ja xëëw ma ja wintsë'kën jeexyë yajkë'ëyäkyën ka'ap ja ëtsoowinpijtën tpatë. Ni pën kya'ëtsoowëtë ets ni pën kyamëtoowëtë.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

2 Reyes 2:3

E ja ja'ayëty mëti'ipë ja Wintsën myëtuuntëpën jampë yajpaatën Betel, ojts ja Elisejë tjëjpaatë'ëktë ets t'ënëmaaytyë: ¿Mnija'ap ko mijts tyam yë mwintsën myajpëjkëja'anyë? Jëtu'un, nija'apës, jëtu'un y'ëtsooy yë Elisejë, je'eyëp ko miitsëty këtii tii xynyikajpxtëty.

2 Reyes 2:5

E ja ja'ayëty mëti'ipë ja Wintsën myëtuuntëpën, jampë yajpaatën Jericó, ojts tjëjpye'eyë'ëktë ja Elisejë ets t'ënëmaaytyë: ¿Mnija'ap ko yë mwintsën tyam myajpëjkëjanë? Jëtu'un, nija'apës, jëtu'un y'ëtsooy ja Elisejë, je'eyëp ko miitsëty këtii tii xynyikajpxtëty.

2 Reyes 2:7

E niwëxtyikxymyajk ojts yë Wintsën yë myëtuunpë jam jyëjpmëye'eyëtë ets jam jëkämtëkë wya'ak'o'oyëtyë; e ja Elías ets ja Elisejë jam wya'ak'o'oyëtyë ma ja Jordán nëëpa'ajën.

2 Reyes 3:15

Nëjkx tu'uk yë koowpë yajtsoontë. E ko ja ja'ay tyëjkëy koowpë, tääts ja Elisejë ojts tyukëtä'äkyë ja Wintsën ja myëk'ajtën;

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

2 Reyes 6:1

Tu'kxëëw tu'kjëmëjt ojts yë ja'ayëty mëti'ipë myëtuuntëpën yë Wintsën t'ënëëmëtë yë Elisejë: Ëk'ix, yë tëjk ma ëëts n'itën mëët mijts mutsk oy etsës jap ntëjkëtya'atëty.

1 Crónicas 11:16

David jam ënety yajpaaty ma kopkjotmën mëti'ipë këwent'aty ijtpën ko jam Belén nyäpyëjktakëtëpë ja filistejë ja'ayëty.

1 Crónicas 13:8

E ja David mëët ja Israel ja'ayëty jëyëjp nyëjkxtë ëëpë yaxpë ets äjtspë Dios wintum, tukxoonta'aktë ja Dios ja xyëëw ëmuumtu'ukjot, mëët ja xuxpë wojpë ets ëëpë koowpë.

1 Crónicas 16:42

Ya'atë ja'ayëty yë'ë ijty yaj'ënantëp yë ak, pujxn awojpmujk ets winë mëti'ipë ja ëy tyukpa'ënantëpën mëti'ipë ja Wintsën tyukwin'ëëwtëpën. Ja Jedutún ja y'ëna'k yë'ë ojts yajtuknipëktë t'atänëtëty ja tëjk'aaw.

1 Crónicas 16:5

Yë'ë ojts yajpëjktä'äky ets ja myëku'uktëjk tnikopk'atëty, ja Asaf ets ok ja Zacarías; tääts näjyëtu'un yë Jeiel, Semiramot, Jehiel, Matatías, Eliab, Benaías, Obed-edom ets Jeiel, mëti'ipë myëët'ajtëpën ja kyowëty, xyuxnëty, ja y'akëty, Asaf yë'ë ijty yaj'ënäämpy pujxn'awojpmujk,

Salmos 49:4

Tyamës nikajpxa'any tëkokyë yë aaw ayuk mëti'ipë tsipëtyën, etsës nimëtya'aka'any mëti'ipës yu'utsy nmëët'ajtypyën jëtu'un tä yë kow y'ënä'änyën.

Salmos 92:3

mëët yë kow xuxn.

1 Corintios 14:1

Yajtu'uye'etyë ja oyjyot oywyinma'any, tsojkën'atë ja tuunk mëti'ipë ja Kënu'kxymyëkajtën yäjkpyën, jä'ä wäänëni'ik m'amëtowtëp ja Dios ets ja y'aaw y'ayuk xykyajpxwa'kxëtëty.

1 Samuel 10:10

Ko yë Saúl mëët ja tyuunpë jam jyä'äjty Guibeá, ënätyë ojts nyipëtsëmëtë ja käjpxynyajxpëtëjkëty mëti'ipë ënety jëtu'un këxë'ktëpën ëmu'ukyë ja'ayën. E ja Saúl nän ënätyë ja Dios ojts ja myëk'ajtën tyuktëkëty ets y'awinpijty ijxtëm ëmu'ukyë ja'ayën.

1 Samuel 10:4

Ënet nkajpxpo'kxa'anyë ets mäjtsk yë tsajpkääky mo'oja'anyë, m'ëxajëp.

1 Samuel 13:2

ko nitëkëëk mil twin'ijxy ja tsiptuunpëtëjk ma ja Israel ja'ayëtyën. Nimäjtsk mil ojts tmëwë'ëmy jam Micmás ets ma ja kopkjotmën mëti'ipë yajtijpën Betel. E ja nitu'kmil yë'ë ojts mëët wyë'ëmtë ja Jonatán jam Guibeá ma ja Benjamín ja jyä'äy tnitänën. E ja mëti'ipë ka'ap yajwin'ijxtën ojts ja yajkäjxta'atë ma jyëën tyëjkëtyën.

1 Samuel 13:3

Ja Jonatán ojts jam tpawojpkäkta'ay ja filistejë ja'ayëty mëti'ipë ënety jam Guibeá këwent'ajtëpën, e ja filistejë ja'ayëty ojts tnijawëtë ënätyë. Paatykyëjxm ojts ja Saúl tyäky ënätyë ja nija'awën maajaty ja naax kajpn tnitänën ja Israel ets txuxmujkta'atëty ja hebreo ja'ayëty.

1 Samuel 19:20

Ënet tkejxy jam ja jyä'äy ets ja David tmatstëty. Ko jam jyajtë, ënät ja Saúl ja jyä'äy t'ijxtë ja mayjyä'äy mëti'ipë winë y'akajpxtëpën jëwyiin jëyëjp mëti'ipë Dios tyunäämpyën. Jyänty y'ëtë'ëts jyänty y'ëna'antë tä ja'ay myu'ukyën mëti'ipë yë Samuel tyu'uwinwoopyën. Ajotkumonë ojts yë Wintsën yë myëk'ajtën y'oyajtën tyukëta'akëtë ja Saúl ja jyä'äyëty ets näjyëtu'un y'ëtëtstak y'ënaantaktë tä ënety ja käjpxynyajxpëtëjkëtyën.

1 Samuel 9:12

Tääts ja to'oxy'ëna'këty y'ëtsoowtë: Jëtu'un, yaa yajpaaty, je'eyëp ko wäänë mjaaknajtsye'eyëtëty. Nëjkxtë jotëkoy ets xypyaatëty, tyam tam ja ënät myina'any, jä'ä ko yë'ë ja wintsë'kën yakäämpy ma tsajptëjkën.