1 Juan 4:12 - Biblia Dc en Mixe de Quetzaltepec

¹² Dios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

Biblia Mixe de Quetzaltepec

¹² Tios, ka'ap pën të y'ëk'ijxëpë. Pën nätsyojkëm ëëtsajtëm nixim niyam, yë'ë xëmë yajpaata'any ma ëëtsajtëmën ets ja tsojkën ja'awën mëtëy tyaj'awinpita'any ma ëëtsajtëmën.

1 Juan 4:12 Iomraidhean Croise

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

Éxodo 33:20

E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

1 Corintios 13:13

Tëkëëk ja mëti'ipë tim kopkpëkyën: ja mëpëjkën, ja jëjp'ijxën ets ja tsojkën ja'awën; je'eyëp ko mëti'ipë wäänë kopkpëkyën ma ya'atë tëkëëkpën, yë'ë ja tsojkën ja'awën.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

Hebreos 11:27

Mëët ko myëpëjky ja Moisés ojts tsyoony jap Egiptë, ka'ap tsyë'këy, oy ja yajkutujkpë jya'ekyë, tu'ukyë ja jyot wyinma'any tpëjktäky ijxtëm jeexyë tim'ixyën ja Dios, mëti'ipë ka'ap yaj'ixyën.

1 Juan 2:5

E pën pyatuunëp ja y'aaw y'ayuk, kä'pxy tmëëtëty ja Dios ja tsyojkën. Jëtu'un nnija'awëm ko tu'ukyë n'ijtëm mëët ja Dios:

1 Juan 3:24

Pën ja y'ënä'ämën pyatuunëp, yë'ë ënety ja Dios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

1 Juan 4:16

Jëtu'un të nnija'awëm ets të nmëpëjkëmë ko ja Dios xytsyojkëm. Dios, tsojkp ja'ap yë'ë, pën ja tsojkën myëët'ajtyp, Dios mëët yajpaaty ets Dios jam yajpatp ma yë'ëjën.

1 Juan 4:20

Pën ënaanp: Ntsojkpyës ja Dios, ets y'ëxëëk'ijxyp ja myëku'uk, win'ë'ëmp ënety. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Dios tsoka'any mëti'ipë ka'ap yaj'ixyën?

1 Juan 4:6

E ëëtsajtëm, Dios xyjyä'ä''ajtëm. Pën ja Dios y'ixy'äjtypyën myëtoow'ijtyp ja n'ayuk'ajtëm, e mëti'ipë ja Dios kajä'ä'ajtëp ka'ap xymyëtoow'ijtëm. Yë'ës ëëts ntuknija'awëmëp pën ja Kënu'kxymyëkajtën myëët'ajtyp ets pën ka'ap.