1 Juan 4:1 - Biblia Dc en Mixe de Quetzaltepec

¹ Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

Biblia Mixe de Quetzaltepec

¹ Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Tios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Tios tmëtuntë.

1 Juan 4:1 Iomraidhean Croise

1 Reyes 13:18

E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënety,

Proverbios 14:15

Yë tsuuja'ay aak myëpëjktääpy wi'ix pën y'ënä'änyën; e yë wijyjyä'äy mëk timy'ixy maa nyäxy tyëkën.

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Marcos 13:21

Ko pën m'ënë'ëmxëtëty: Ixtë, tyaa ja Kristë, ëkë ko myaj'ënëëmëtëty: Ixtë, xim jä'ä, ka'ap xymyëpëktëty.

Lucas 12:57

¿Tii ko kë'ëm xykyamëmay xykyamëtajy mëti'ipë oyën?

Lucas 21:8

Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Hechos 20:29

Nija'apës, ko yaa ntsoonëtyës, minantëp mëti'ipë win'ëënantëpën ets ja mëpëjkpëtëjk tyajwinma'anytyëkoya'antë. Jëtu'un jyata'antë ijxtëm ja pa'uk tyajkutëkoyën ja kupixyny.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

1 Corintios 14:29

Näyjyëtu'un ko pën tkajpxëty ja Dios ja y'aaw y'ayuk, nimäjtsk nitëkëëk kyajpxtëty ets ja wiinkëtypë t'amëtoow'itëty pën oy ëkë ka'ap y'oyëty.

1 Tesalonicenses 5:20

Këtii xy'ixtijtëty ja käjpxynyajxpëtëjk ja tyuunkëty.

1 Tesalonicenses 5:21

Ijxmajtsta'atë tu'kë'ëyë ja ëxëëkpë, yë oypyë yë'ë myajwë'ëmtëp.

2 Tesalonicenses 2:2

ets këtii ja mwinma'any xyajtëkatstëty, këtii mtsë'ëkëtëty ko pën y'ëna'anëty ko tëë ja Dios tyukmëmëtyä'äkyë mëët ja Kyënukxymyëk'ajtën; ëkë ko pën y'ëna'anëty ko tëë tpaaty ja ijxpëjkën ko të yajtukmëmëtyä'äky ëkë ko të yajtuknijayë, jëtu'unpë ja winma'any ijxtëm ojts ëëts nnikajpxtën ko tëë ja xëëw po'o tpaaty ma ja Wintsën myina'anyën.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënety ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

1 Juan 2:18

U'unk maayëty, tëë ja tiempo tpaaty ma ja naaxwiinyëtë kyëxanën. Tëë myaj'ëwaanëtë ko myina'antë ja mëti'ipë myëtsip'atantëpën ja Kristë ets tää ja tyamëtynyë may mëti'ipë ja Kristë myëtsip'ajtëpën; paaty nnija'awëmë ko tëë ja tiempo tpaaty ma ja naaxwiinyëtë kyëxanën.

1 Juan 2:7

Mëku'uktëjkëty, ka'ap ya'atë ënä'ämën jemy yam myajtukmëmëtya'aka'antë mëti'ipë yam myajtuknija'ayëtëpën, yë'ë mëti'ipë ojts xy'ëxajëtën më''ëka'any, ko mëpëjktso'ontë.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Dios jä'ä'ajtëp; pën ja ëxëëkpë tyuunpy, ka'ap ja Dios nyijawëty.

Apocalipsis 2:2

Nija'apës tiijaty mtuunpyën; ko janty mëk xëmë mtuny, ets nija'apës ko ka'ap xymye'kxy ja ëxëëkja'aytyëjk. Näy nija'apës ko tëë xywyinma'any'ixy mëti'ipë nätyijëtëpën ko y'ayuk kajpxwa'kxtë ets ka'ap jyëtu'unëty ets tëë xynyijawë ko wyin'ëëntë.