1 Juan 3:12 - Biblia Dc en Mixe de Quetzaltepec

¹² Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

Biblia Mixe de Quetzaltepec

¹² Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

1 Juan 3:12 Iomraidhean Croise

Génesis 4:25

Ënet jatëkok ja Adán tpuwa'äkëy ja tyo'oxytyëjk ets ja tyo'oxytyëjk tyajmëxu'unk'ajty tu'uk ja y'u'unk myääy, mëti'ipë xyëëwajtën Set. Ets y'ënäny: Tiosës të xymyo'oy wiinkpë u'unk maay. Yë'ë kyutëkats yë Abel mëti'ipë Caín yaj'o'kën.

2 Samuel 13:22

Yë Absalón ka'ap wi'ix t'ënëmaay yë Amnón, oy ënety tja'ëxëëk'ixy mëët ko jëtu'un ja Tamar ja wyintsë'kën të tyajtëkooyë.

Salmos 37:12

Yë ëxëëk ja'ay yë'ë myëmääpy myëtäjpy wi'ix t'ëxëëk tunëty yë ja'ay mëti'ipë oy tsuj juukyajtpën, ets ënät twintë'kxpety jëpyëkëm ko t'ëxëëk ixy.

Salmos 38:20

Mëti'ipës oy të njatunyën, ëxëëk të tuunwinpitë, ëjts njatsojkpyës winë oy ntunëty, e yë'ëjëty ni'ikyës xytyukjoot'anpëktë.

Proverbios 27:4

Yë äkë toyë oy myëkëty, ets joot'an yaj'atëkoopy winë, e yë joot'an'ajtën tsip yë ja'ay tkumä'kxëty.

Proverbios 29:10

Yë yajja'ay'o'kpëtëjk ooky t'ixa'antë mëti'ipë mëtëy juukyajtpën.

Proverbios 29:27

Mëti'ipë ja'ay oy tsuj juuky'ajtëpën, ka'ap oy nyäyjyawëtë ma ëxëëkja'aytyëjkën; ets ëxëëkja'aytyëjk näjyëtu'un ka'ap oy nyäyjyawëtë ma oyjyä'äytyëjkën.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kuttujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Mateo 23:35

Jëtu'unts miits mtuka'ajëtëty ja poky ko ënety të y'ooktë ni'ëmukë ja oyjyä'äytyëjk, Abel tyuktso'ontäkpy ets ja Zacarías tukjëjpkëxy, ja Berequías ja myaank, mëti'ipë myaj'o'ktën jap tsajptëkoty ma ja wa'atspë ja tsajptëkotën, ma y'ityën ja wintsë'këntyakn.

Mateo 27:23

Tää ja Pilato y'ënëmaayëtë: ¿Tiijës ko nyajkruutspätëty, tii të tuuntëkoy? Ets wäänë mëk y'ëtsoowtë: Yajkruutspät.

Mateo 5:37

Tëy winë xykyajpxëty: Oy'atëp ëkë ka'ap y'oy'atëty; jä'ä ko ka'ap y'oyëty ko pën tëkatsy tii tuny.

Lucas 11:51

tyimtso'ontä'äky ma ja Abel y'o'kyën ets jyëjpkëxy ma ja Zacarías y'o'kyën jap tsajptëkoty ma ja wintsë'këntyaknën. Paaty n'ënëëmëtë ko Dios pyaye'eyäämpy tii ko y'o'ktën tääpë ja'ayëty ma ja'ayëtyën tyampë jyuuky'atën.

Juan 10:32

e ja Jesús jëtu'un y'ënëmaayëtë: May ja mëj'ajtën të ntunyës ma miitsëtyën mëët ja nteetyës ja kyutujkën. ¿E tiis ko xykyuka'atsa'antë?

Juan 8:40

Oy miitsëty tëë njatuk'ëwaanëtë ja mëtëypyë mëti'ipës ja Dios të xytyukmëtoyën, xyaj'ookantëpës miitsëty. Abraham kä'äp ojts jëtu'un y'ëti'itsy.

Juan 8:41

Näy yë'ë miits mtuuntëp mëti'ipë ja mteety tyuuntëpën. Tääts ja jutiis ja'ayëty y'ëtsoowtë: Ka'apës kyanaak'atë yë nteetyëty, Tiosës tu'ukyë nteety'ajtëp.

Hechos 7:52

Ja m'aptëjkëty ojts tpajëtijta'aktë ja Dios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

1 Tesalonicenses 2:14

Miits, mëku'uktëjkëty, ko ojts m'ëyowtë ko ja mmëkukajpn m'ixjëtijt mpajëtijtëtë, tim näjyëtu'un të mjatë ijxtëm ja Jesukristë myëpëjkpëtëjk jyajtën jam Judea; näjyëtu'un yë'ë të pyajëtijta'akëtë ja myëjutiis ja'ayëty.

Hebreos 11:4

Mëpëjkën mëët ja Abel ojts tmo'oy ja Dios tu'uk ja wintsë'kën mëti'ipë ni'ik tsoowpatën këtiinëm ja Caín ja jyä'ä, paaty ja Dios ojts tyijyë wa'ats ja'ay ets ojts kyupëjkxëty ja wyintsë'kën. Oy ja Abel të jya'o'knë, jëtu'un jä'ä ijxtëm jeexyë kyäjpxyën, jä'ä ko ojts myëpëky.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

1 Pedro 4:4

E tyam, ko miits ka'ap xy'ëkpuwa'kënëtë ma ëxëëk jyuuky'atën, ëxëëk tjawëtë, paaty mnikajpxtë ëxëëkjaty.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.