1 Juan 3:11 - Biblia Dc en Mixe de Quetzaltepec

¹¹ Yë'ë ya'atë yë Dios y'aaw'ajtyp y'ayuk'ajtyp mëti'ipë ojts miits ëka'any xymyëtowtën, ko nätsyojkëmëty nixim niyam.

Biblia Mixe de Quetzaltepec

¹¹ Yë'ë ya'atë yë Tios y'aaw'ajtyp y'ayuk'ajtyp mëti'ipë ojts miits ëka'any xymyëtowtën, ko nätsyojkëmëty nixim niyam.

1 Juan 3:11 Iomraidhean Croise

Juan 15:12

Yë'ës ya'atë n'ënä'ämën'ajtyp: Nätsyokëtë nixim niyam, ijxtëm ëjts miits të ntsoktën.

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Dios kë'ëm mtuknijawëtë wi'ix mnätsyok mnäjyawëtëty nixim niyam.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

1 Juan 1:5

Yë'ë miits yam ntuk'ëwa'anëtyëp mëti'ipë ja Wintsën Jesukristë ojts xytyuk'ëwa'anëmën: ko ja Dios atë'kxp ajajp yë'ë ets ka'ap maa yajpaaty akootstuuypyë jam.

1 Juan 4:11

Mëku'uktëjkëty, pën tëë ja Dios xytsyojkëmë, nätsyojkëmë ëëtsajtëm näjyëtu'un nixim niyam.

1 Juan 4:21

Dios ëëts ya'atë ënä'ämën të xymyo'oyëmë: Pën ja Dios tsyojkpy, näjyëtu'un ja myëku'uktëjk tsokëty.

1 Juan 4:7

Mëku'uktëjkëty, nätsyojkëmë nixim niyam, jä'ä ko ja tsojkën ja'awën jam ja tsyoony ma Tiosën. Pën ja myëku'uktëjk tsyojkpyën, yë'ë ja Dios u'unk'ajtëp ets nyija'ap ja Dios.

2 Juan 1:5

Mëyajtën mijts yam n'amëtoow npëjktsoowtëp ets nätsyojkëmëty nixim niyam. Ya'atë mëti'ipë yam ntuknija'ayëtëpën, ka'ap yë'ëjëty jemypyë ënä'ämën, yë'ë mëti'ipë tääyëmën.