1 Juan 2:13 - Biblia Dc en Mixe de Quetzaltepec

¹³ U'unk teetyëty tyam nnijäyëtë, jä'ä ko tëë xynyijawëtë mëti'ipë tääyëm yajpatpën. Ëna'ktëjkëty, tyam nnijäyëtë jä'ä ko tëë xymyëmëta'aktë ja mëjku'u.

Biblia Mixe de Quetzaltepec

¹³ U'unk teetyëty tyam nnijäyëtë, jä'ä ko tëë xynyijawëtë mëti'ipë tääyëm yajpatpën. Ëna'ktëjkëty, tyam nnijäyëtë jä'ä ko tëë xymyëmëta'aktë ja mëjku'u.

1 Juan 2:13 Iomraidhean Croise

Salmos 148:12

Ye'eytyëjk to'oxytyëjk, mëjja'ay mutskja'ay.

Salmos 90:2

Tyimtso'ontäky jëtu'un ma ënety ka'ap ja tun kopk kyojynyëmën, ets ma ënety ka'ap ja naaxwiinyëtë jyää'atynyëmën, ko jyeky'äjty ets tyampaat mijts jëtu'un mTios'ajtp.

Salmos 91:14

Ëjts jotkujkës nyaj'ita'any ets ëwaatsëtuuyës npëjkta'aka'any ma ka'ap tii ëyo'on pyaatëtëtyën, jä'ä ko yë'ë oyës xytsyoky xyjyawë ets xy'ixy'ajtpës näjyëtu'un.

Proverbios 20:29

Mëti'ipë ëna'ktëjkëty tyukmëjnajxtëpën, yë'ë ko kyumëjaaw'atë; e mëti'ipë mëjja'aytyëjk tyukmëjnajxtëpën, yë'ë ko jyap'atë yë jyot wyinma'anyëty oypyë.

Joel 2:28

Ko ënety jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Zacarías 9:17

Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 13:19

Ja tëëmt mëti'ipë ojts kyä'äyën tu'ujotm, jëtu'un jä'ä ijxtëm ja ja'ayëtyën mëti'ipë të t'amëtoow'itën ja Dios ja y'aaw y'ayuk ets ka'ap tja'akyukëtë; ënät myiiny ja mëjku'u ets pyëjkxëtë ja Dios ja y'aaw y'ayuk mëti'ipë të jyayajni'ipyën ma jyot wyinma'anyën.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kuttujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Mateo 5:37

Tëy winë xykyajpxëty: Oy'atëp ëkë ka'ap y'oy'atëty; jä'ä ko ka'ap y'oyëty ko pën tëkatsy tii tuny.

Lucas 10:22

Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Juan 14:7

Pën miitsëty xy'ixy'ajtëpës, m'ixy'atantëp näjyëtu'un ja nTeetyës; m'ixy'ajnëtëp tyamnë ets tääjën ja xy'ijxtë.

Juan 14:9

Ënet ja Jesús y'ëtsoowë: Felipe, tëë miits yaa jeky nmëët'atë, ¿ets ka'anëm xy'ixy'ätyësë? Pën të xy'ijxyës, tëëjën ja t'ixy ja Dios Teety. ¿E tii ko m'ëna'any ko ntuk'ixëty ja Dios Teety?

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

1 Timoteo 5:1

Ka'ap ja mëjja'aytyëjk xy'ojëty; mëët ja tëtä'äkyajtën winë xytyuknëëmëty jëtu'un tä jeexyë xytyeetyëtyën. Jëtu'un xyjyawëty ja ëna'ktëjk ijxtëm ja mmëkä'äxën.

Tito 2:6

Jotmëk wiinkajpxë näjyëtu'un ja ëna'ktëjkëty ets wijy kejy jyä'äy'atëty,

1 Juan 1:1

Yë'ë miits yam ntuknija'ayëtëp ma yajnimëtyä'äkyën mëti'ipë ijty jää'ajtpën ma winë tsyo'ontäkyën, mëti'ipë të n'ijxëmën, të nmëto'owëmën ets të nto'on të nmajtsëmën.

1 Juan 2:1

Miitsëty, u'unk maayëty, ya'atë yam ntuknija'ayëtëp këtiipë mpokytyuntëty. E pën jää pën pyokytyuny, nmëët'ajtëm ja nikajpxtutpë Dios wintum, Jesukristë, mëti'ipë ka'ap tii poky tmëëtëtyën.

1 Juan 2:12

U'unk maayëty, tyam miits nnijäyëtë, jä'ä ko Dios të mpokymyä'kxëtë ko ja Jesukristë të xymyëpëktë.

1 Juan 2:14

Tyam miits nnijäyëtë, u'unk maayëty, jä'ä ko tëë ja Dios Teety xy'ixy'atë. Tëë miits nijayëtë u'unk teetyëty, jä'ä ko tëë xynyijawëtë mëti'ipë tääyëm yajpatpën. Tëë miits nnijäyëtë ëna'ktëjkëty, jä'ä ko mëk mnäyjyawëtë ets tëë ja Dios ja y'aaw y'ayuk xy'ëxajëtë mjootjoty mwinma'anyjyotyëty ets ko tëë xymyëmëta'aktë ja ku'oypyë.

1 Juan 3:12

Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

1 Juan 4:4

U'unk maayëty, Dios miits m'u'unk'ajtëtëp. Tëë ja win'ë'ëmpëtëjk xymyëmëta'aktë, jä'ä ko wäänëni'ik ja mëk'ajtën tmëëtëty mëti'ipë mëët m'itën këtiinëm ja mëti'ipë naaxwiinyëtën.

1 Juan 5:18

Nnija'awëm pën ja Dios tyeety'äjtypyën, ka'ap ja pyokytyuny, jä'ä ko Dios U'unk këwent'ajtëp ets ka'ap ja ëxëëkpë pyäätyë.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Dios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.