1 Juan 1:9 - Biblia Dc en Mixe de Quetzaltepec

⁹ Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Biblia Mixe de Quetzaltepec

⁹ Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Tios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

1 Juan 1:9 Iomraidhean Croise

1 Reyes 8:30

Mkupëkëp ets mëtowëp ya'atë ayuk mëti'ipë ya'atë mtuunpë yajnajxypyën ets ja naax kajpn ja jyä'ä ma ya'atë tsajptëjkën. Mëtoow'itëp ja jëëytyak nu'kxtakën jam tsajpjotm ma m'ityën mtsëënën ets mooykyës pokymyä'kxën.

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

Salmos 19:12

¿Pën jëtää kë'ëm y'ëkja'awëy'ijtyp ko tii oy tkatuny? Wintsën, mä'kxkës yë ntuuntëko'oy nkajpxtëko'oyën mëti'ipë yu'utsy ijtpën.

Salmos 32:5

Ënet të nmëmaaywyätsy ets ka'apës nitu'uk ja mpoky të nkuyu'utsy; tëës ja npoky nmaaywyajtsta'ay e mijts, Wintsën, tëës xypyokymye'kxy.

Éxodo 34:7

Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Dios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Jeremias 3:13

Yi'iyë mkupëkëp ko tëë mpokytyuny, ko yë mWintsën Dios të xykyäjpxy kyumëtoownaxy, ko ja mjot mnini'kx të xymyo'oy wiink ye'etyëjk jam kepypya'tkë'ëm ets ka'ap të xypyatuny ja n'ënä'äm ntëyajtënës. Ëjts Wintsën, ëjts ënaanp.

Jeremias 33:8

Nma'kxta'ajäämpyës tëkokyë yë pyokyëty mëti'ipë të tuuntëkoytyën maas ëjtsën; nimä'kxta'ajäämpyës tëkokyë y'ëxëëk winma'any ets ko të xykyäjpxy kumëtoownaxtës.

Lamentaciones 3:23

Jopy jopy y'ajämë; mëjwiin këjää yë tsyojkën jya'awën.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Ezequiel 37:23

Näy ka'ap nëjkx y'ëknätyukyaj'ëxë'kënëtë ja awinax ëkë wiinkëtypë ja tios, ka'ap nëjkx nëkoo ja nëë poky t'ëk tuuntëkooynyëtë. Nëjkxëpës npokymyä'kxtë oy ënety tiijaty të tuntë ets nëjkxëpës nyajpokywya'atstë. Yë'ë nëjkx nkajpniwa'antës ets ëjts nëjkx xyTyios'atës.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 3:6

Tmaaywyatstë ja pyoky ets ja Juan yajnëëpätëtë Jordán nëëjotm.

Marcos 1:5

Tu'kë'ëyë ja ja'ay jampë Judea ets Jerusalén tsyoontën ojts myintë ets tmëtoow'itë. Ojts tmaaywyatstë ja nyëë pyokyëty ets ja Juan yajnëëpäjtëtë jam ma Jordán mëjnëëjën.

Lucas 22:57

Ka'ap ja Pedro tkupëjky ets y'ënäny: To'oxytyëjk, ka'apës tääpë ja'ay n'ixy'äty.

Juan 17:25

Dios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Hechos 19:18

Tääts näjyëtu'un mëti'ipë ja Jesús myëpëjktëpën, ojts ja pyoky tmaaywyatstë mayjyä'äy wyintum ko ënety ëxëëk të jyuuky'atë.

Romanos 3:26

jä'ä ko yë'ë mä'kxtujkp yajpaaty. Yë'ë, jëtu'un ënety tyajknikëxë'ëka'any ko pyaye'ey ijxtëm pyaat'atyën ets oy wyi'im mëët ja Dios mëti'ipë myëpëjktëpën ja Jesús.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

Hebreos 11:11

Abraham myëpëjk ja Dios. Paaty ja Sara ja u'unk maay tyajmiiny naaxwiiny, oy ënety të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Dios kyuuytyuunpy mëti'ipë të twinwanën.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.