1 Juan 1:8 - Biblia Dc en Mixe de Quetzaltepec

⁸ Pën ëna'anëm ko ka'ap tii npoky'ajtëmë, kë'ëm ënety nnäwyin'ë'ënëm ets ka'ap mëtëy nja'ay'ajtëmë.

Biblia Mixe de Quetzaltepec

⁸ Pën ëna'anëm ko ka'ap tii npoky'ajtëmë, kë'ëm ënäty nnäwyin'ë'ënëm ets ka'ap mëtëy nja'ay'ajtëmë.

1 Juan 1:8 Iomraidhean Croise

1 Reyes 8:46

Ko ënety pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

2 Reyes 20:15

Tä ja Jeséas jatëkok tyajtëëy: ¿E tii të t'ixtë ma mkutujkëntëjkën? Tä yë Ezequías y'ëtsooy: Tëë t'ijxta'atë tëkokyë tiijaty japën. Ka'apës nitu'uk të nyajninaxy mëti'ipë ka'ap të tka'ixtën.

2 Crónicas 6:36

Ko ënety muum tii tëkatsy tuntë ëkë y'ëëwtëkoy kyajpxtëkoytyë, jä'ä ko aak pokytyuunpë ja'ay ëëts yaa nyajpaatë ets ënety xytyukjoot'anpëky ets xykyë'ëyakëty ma ja myëtsipëtyën ets yajnëjkxëtëty ja myëtsiptëjk wiink naax wiink kajpn muum jëkäm ëkë muum winkon,

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

Job 15:14

Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Dios wintumë?

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.

Proverbios 20:9

Ni pën tkajëkyepy y'ëna'anëty: Ëjts wa'atsës yë njot nwinma'any ets ka'apës yë nëë poky nmëëtëty.

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Jeremias 2:35

E mijts ni'ikyënëm m'ënaan'ëtë'ëtsy: Ëjts ka'apës tii poky nmëëtëty. Yë Dios ka'ap xy'ëkmëtsip'ajnës. E oy ko jëtu'un m'ëna'any, ko ënät myajnipaye'eyëty jää ënät yaj'ixëty pën ka'ap tii xytyuuntëkoy.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Romanos 3:10

Jëtu'un ijxtëm ja Dios ja y'aaw y'ayuk y'ënä'änyën: Ka'ap pën, nitu'ukën mëti'ipë ja'ay wa'atsën.

Romanos 3:23

ni'ëmukë ja'ay të pyokytyunta'atë paaty tmëjëkäm'atë ja Dios ja myëj'ajt y'oyajtën.

1 Corintios 3:18

Ni pën kë'ëm kyanäwyin'ëënëtëty: pën jää pën nyätyijyë wijy kejy ijxtëm ja naaxwiinyëtë ja'ay ja wyinma'anyëtyën, jëtu'un miits näpyëjkta'akëtë ijxtëm ja ja'ay ni'ik tsuupën mëti'ipë ka'ap tii tjaty nijawën, ënät miits myaj'ixtëty wijy kejy mëti'ipë ka'ap kyixy nyäxyën.

Gálatas 6:3

Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

Santiago 1:22

E ka'ap tyim yi'iyëty ko yaj'amëtoow'ity ja Dios ja y'aaw y'ayuk, yajtunaanp jëtu'un. Jä'ä ko pën ka'ap tii oy yajtuny nëkoopë je'eyë näwyin'ë'ënëmëty.

Santiago 1:26

Pën näjya'awëyëp ko Dios t'ëwtaty ets ka'ap ja y'aaw tmajts'ity, kë'ëm nyäwyin'ëënyë ets ko jya'ëna'any ko ja Dios tmëpëka'any ka'ap ja tyuny.

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.

2 Pedro 2:13

Tukupätëtëp ja Dios ijxtëm ja myëku'uktëjk tmëtëkoytyën, akujk jotkujk nyätyijëtë ko ja y'ëxëëk winma'any tyajnikëxë'ëktë. Je'eyë yajtsëtyuntë ko jam yajpaatë ma miits mxëëtuntën ets y'ëtë'ëtstë y'ëna'antë wiinkjaty.

1 Juan 1:10

Pën ëna'anëm ko ka'ap npokytyu'unëmë, ja Dios ënety ntijëm win'ë'ëmpë, jä'ä ko y'ënä'äny ko ni'ëmukë npokytyu'unta'ayëm ets ka'ap ja y'aaw y'ayuk të nmëpëjkëmë.

1 Juan 1:6

Pën ëna'anëm ko ja Dios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënety ets ka'ap ja tëyajtën npatu'unëm.

1 Juan 2:4

Pën ënaanp ko Dios t'ixy'äty ets ka'ap tpatuny ja y'ënä'ämën, win'ë'ëmpë ënety ets ka'ap ja Dios ja tyiyajtën tmëët'ajtë.

1 Juan 4:20

Pën ënaanp: Ntsojkpyës ja Dios, ets y'ëxëëk'ijxyp ja myëku'uk, win'ë'ëmp ënety. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Dios tsoka'any mëti'ipë ka'ap yaj'ixyën?

2 Juan 1:2

Paaty ntsoktë njawëtë ko tu'ukyë nmëpëjkëm ja tëyajtën ma njoot'ajt nwinma'an'ajtëmën ets mëti'ipë xëmëkyëjxm nmëët'ata'anëmën.

3 Juan 1:3

Akujk jotkujkës të näjyawëty ko ja nmëku'uk'ajtëm të xynyimintës ets të xytyukmëmëtya'aktës ko mijts oy tsuj ja Dios ja tyiyajtën xypyatuunë.