Sofonías 2:5 - Tayta Diosninchi Isquirbichishan

⁵ ¡Ay imanöraj canqui Creta lamar cantuncho tiyajcuna! Tayta Diosga gamcuna cayno canayquipämi nisha: «Canaancho tiyaycaj Filistea runacunata illgächirmi chunyajta cachaycushaj.»

Sofonías 2:5 Iomraidhean Croise

Isaías 14:29

Filistea nasyun runacuna ama cushicuychu magaycäshushayqui Asiriapa raynin juc bastun paquejno wañushanpita. Juc culebra llojshishan uchcupita mas benënuyoj culebranami llojshimonga. Chaypa guepanmanga mas fiyupa benënuyoj buylaj culebrapis llojshimongami.

Isaías 14:30

Pobricunapäga cangapämi uyshancunata michinanpaj guewapis. Imanpis mana caj runapis cushishami goyangapaj. Ichanga Tayta Dios camacächenga gam tiyashayqui nasyun runacuna yargaypita wañunanpaj. Cawaycar quëdaj cajcunatapis ushajpämi Tayta Dios wañuchenga.

Jeremías 47:7

Ichanga ¿imanöpataj mana cuyucuypa cacunman illgächinäpaj cachasha caycaptëga? Nogami cachashcä Ascaloncho cajcunata, lamar cantuncho cajcunata llapanta wañuchinanpaj.»

Ezequiel 25:16

Chaypitami, noga Tayta Dios në: Filistea runacunata castigar ushajpämi illgächishaj Ceret particho tiyaj runacunata. Lamar cantunpa quëdasha caycajcunatapis ushajpämi illgächishaj.

Amós 3:1

¡Wiyay Israelcuna! Egiptupita jorgamushoj Tayta Diosmi cayno nishunqui:

Amós 5:1

Canan rimaycämushäta sumaj wiyacuy Israelcuna. Gamcunapaj fiyupa llaquicur parlaycämushäta wiyaycäriy ari.

Sofonías 1:11

Mactes baryucho tiyaycajcunaga llapaniqui gaparpay. Chay junäga llapan nigusyanticunami wañongapaj. Llapan guellayta rucajcunami illgangapaj.

Sofonías 3:6

Tayta Dios caynömi nin: «Nasyuncunatami illgächishcä. Ricchacuna törricunatapis juchurgärachishcämi. Siudäcunapa cällincunatapis pasaypa chunyajtami cachaycushcä. Chaypaga manami runapis päsannachu. Cacharisha siudänincunachöga manami ni jucnayllapis tiyannachu.

Zacarías 1:6

Ichanga imano cananpäpis sirbimaj profëtäcunawan willacachishäga ¿manachu cumlicasha unay castayquicunacho? Chaymi paycunaga arpinticur nogaman yapay cutimushpan niran: «Imano ruramänanchïpäpis nishannömi rurashanchïman-tupu, imanöpis goyashanchïman-tupu castigamashcanchi» nishpan.› »

Marcos 12:12

Chayno nishanta wiyaycur mandajcunaga tantiyacuriran tincuchiypa Jesús willapar paycunata wiyachipaycashanta. Chaymi juclla prësu chariyta munaran. Ichanga aypalla runacuna chaycho caycajta manchacurmi aywacuran.

Josué 13:2

Jinallarämi caycan Filistea runacuna tiyashan, Gesur runacuna tiyashanpis.

Josué 13:3

Chay partiga jircantin caycan Egipto nasyunman inti yagamoj läduncho caycaj Sihor mayupita-pacha Ecronpa norte caj-länincho caycaj lindancamami. Chaycamami chayaraycan Canaán nasyonga. Chay manaraj guechushayqui particunacho caycan Filistea runacunapa pichga mandajnin tiyashan siudäcunami. Chay siudäcunaga caycan Gaza, Asdod, Ascalón, Gat, Ecrón. Aveo runacuna tiyashan partipis guechuypärämi caycan.

Jueces 3:3

Quëdaran Filistea nasyunpa pichga mandajnincuna, llapan Cananeo runacunapis, Sidoncuna, Hev runacunapis Líbano jircacho tiyajcuna. Chay runacunaga tiyaran Baal-hermón jircapita-pacha Hamatcho gasha caycajcama.

1 Samuel 30:14

Aywaräcuna Ceret nasyunpa sur caj-läninpa, Judá partipa, Caleb partipa ima-aycatapis asaltaj. Siclagchöga wasincunatapis rupaycärachishcäcuna.»