Proverbios 3:9 - Tayta Diosninchi Isquirbichishan

⁹ Ima-aycayqui cashallanpitapis Tayta Diosta rispitar garayniquita apay. Micuyniquita rimir-punta shuntar raquishayquitaga paypaj apay.

Proverbios 3:9 Iomraidhean Croise

Génesis 28:22

Cay wanca rumita ichichishä pachami cangapaj Tayta Diospa wasin. Imata tarichimashayquipitapis diesmuta gampämi churamushaj.»

2 Crónicas 31:10

Sadoc famillyapita miraj mandaj cüra Azarías niran: «Tayta Diospa Templunman apamuyta gallaycushanpita-pacha micunäcunapäga llapanpis caycällanmi. Goturaycäga micushäpitapis puchojcunami. Tayta Diosga acrashan runacunaman bindisyuntami churasha.»

2 Crónicas 31:21

Laycunata mandamintucunata cumlir Templucho imatapis rurachiran llapan shongunpa. Chaynöpami llapanpis alli llojshiparan.

Salmos 144:13

Micuy churacunäcunachöpis llapan casta micuy juntasha caycuchun. Uywäcunapis jircacho waranganpa waranganpa miraycuchun.

Éxodo 22:29

«Ama gonganquicunachu nogapaj apamuyta ima micuytapis poguptin rimir-punta shuntashayquita, chayno übaspita rurashayqui bïnutapis. «Guechpa caj ollgu wamrayquitapis goycamanqui.

Éxodo 23:16

«Chaypita Chaqui Micuy Cosëcha fistata ruranqui rimir caj cosëchata shuntayta usharcur. Wata ushananchöpis cosëchata shuntayta usharcur Übas Cosëcha Ushay fistata ruranqui.

Éxodo 23:19

«Chacracho murushayqui micuyniquita rimir-punta shuntar raquishan mas allinnin cajtaga apamunqui rispitamänayquipaj caycaj wasiman. «Cabra-mallwapa aychantaga ama yanunquichu mamanpa lëchinwanga.

Éxodo 34:26

«Chacracho murushayqui rimir-punta shuntar raquishayqui mas allinnin cajta apamunqui noga Tayta Diosta rispitamänayquipaj caycaj wasiman. «Cabra-mallwapa aychanta ama yanunquichu mamanpa lëchinwanga.»

Proverbios 11:25

Millgaycoj macyaycoj cajcunaga cushishami goyanga. Pitapis goycorga quiquinpis allitami chasquin.

Proverbios 14:31

Pobricunata ñacachejcunaga camaj Tayta Diostami rabyachin. Pobricunata cuyapajcunami ichanga Tayta Diosta rispitan.

Isaías 43:23

Nogapaj uyshacunata rupachinayquipaj manami apamushcanquichu. Rispitamashpayqui manami uywacunata garamashcanquichu. Nogaga manami ‹chaqui micuy ofrendacunata garamay› nir yamacächishcächu. Manami ‹insinsuta saumachiy› nir rabyachishcächu.

Levítico 19:25

Pichga wata cajcho wayushantarämi gamcunaga micunqui. Chayrämi llapan frütacuna amatar wayonga. Noga Tayta Diosniquimi chayno në.

Números 15:20

Rimir puntata rïguta cusichar nogapaj raquishayquinöllami rimir mäsa chapushayquipitapis tantata nogapaj ruranqui.

Mateo 25:17

Ishcay warangata chasquej cajpis nigusyuta arur ishcay waranga masta gänaran.

1 Corintios 16:2

Semäna arur gänashayquipita cada domingu ofrendata churanqui. Chaynöpami chayamuptëraj mana shuntaycanquipächu.

Deuteronomio 14:29

Chaypitami pacha junta miconga Leví trïbu runacuna, gamcunacho tiyaycaj jäpa runacuna, wacchacunawan biyüdacuna. Chayno micunanpaj churaptiquimi Tayta Diospis arushayquiman bindisyunta churamonga.