Proverbios 17:3 - Tayta Diosninchi Isquirbichishan

³ Goritawan guellaytaga rasunpa alli cashanta chulluchiyparämi rejsin. Runacuna yarpaycashantapis Tayta Diosmi rejsin.

Proverbios 17:3 Iomraidhean Croise

1 Crónicas 29:17

Nogaga musyaycämi imano runa yarpaycashantapis gam musyaycashayquita. Allita ruraptin gamga cushicunquimi. Chaymi allita rurayta yarpar caycunataga gampaj goycushcä. Cananga ricashcä acrashayqui Israel runacuna cayman shuntacaycur gampaj goycushanta. Chayta ricarmi fiyupa cushicö.

Job 23:10

Paymi ichanga musyaycan imano goyashätapis. Juchäta ashiptinpis gori limyuyashanömi quëdashaj.

Job 28:1

«Rejsisha jircachömi caycan guellay mïnaga. Chayno rejsisha partichömi caycan gorita acranapäpis.

Salmos 139:23

Tayta Dios, imano cashätapis ricamay. Imano shongö cashallantapis musyaycamay ari. Imano yarpashallätapis musyamay ari.

Salmos 26:2

Imano cashätapis ricaycamay. Imano yarpaycashäta, shongullächo imata yarpaycashätapis ricaycamay.

Salmos 66:10

Guellayta runa chulluchiptin ganran llojshishannömi yäracushäta mana yäracushätapis musyapämashcanqui Tayta Dios.

Proverbios 15:11

Tayta Diosga ricaycanmi wañojcuna maycho caycashantapis. Chayno ricaycarga runa yarpashancunata ¿imanirtaj mana ricanmanchu?

Proverbios 16:2

Runataga llapan rurashancunapis alli-niräpunmi. Chaypis Tayta Diosrämi nin alli u mana alli yarpashancuna cashantapis.

Proverbios 17:2

Patrunninpa wamran fiyu captenga alli yarpayniyoj uywayninmi wamranmanno ticran. Chaynöpami patrunninpa wamrancunano erensyata chasquin.

Proverbios 21:2

Runapäga llapan rurashancunapis alli-niräpunmi. Chaypis Tayta Diosrämi nin alli u mana alli yarpashancuna cashantapis.

Proverbios 27:21

Goritapis guellaytapis rasunpa alli cashanta chulluchiyparämi rejsin. Runatapis alli cashanta musyan alli cashanta runacuna alabaptinrämi.

Isaías 48:10

Gamcunataga nogami jurnuchöno limyuyächirä. Ichanga manami guellayta chulluchiypa limyuyächejnöchu rurarä. Ñacayman churashpämi imano cashayquitapis musyaparä.

Jeremías 17:10

Nogami ichanga llapanpa shongun imano yarpaycashatapis musyä. Nogaga cada-ünuntami imanöpis cashanpita, imanöpis rurashanpita pägunta gö.»

Ezequiel 22:18

«Runa, Israelcunaga nogapaj caycan cubripa, estañopa, fyërrupa, plömupa ganran chulluchicunacho quëdajnömi. Guellaypa ganran quëdaj mana bälejnömi caycan.

Daniel 11:35

Chay yachachej musyaj-yachajcunata achcajtami wañuchengapaj. Chayta ricarmi waquenga ñacaycuna captinpis awantanga. Chaynöpami jusgasha canan junäga limyu caycanga. Ichanga Dios camacächishan junaj chayamunanpäga unayrämi pishin.

Zacarías 13:9

Chay cawaycar quëdaj cajtaga ninaparämi päsachishaj. Guellay, gori oxidashanta limyuyächejnömi limyuyächishaj. Chayno ruraptërämi paycunaga nogatana mañacamangapaj. Noganami paycunata yanapäshaj. Paycunataga nishaj ‹Acrashä runacunami canqui› nir. Paycunapis nenga: ‹Tayta Diosmi Diosninchëga› nir. Noga Tayta Diosmi në chayno cananpaj.»

Deuteronomio 8:16

Chunyajcho micunayquipäpis manäta camaripäshurayqui. Chay micuytaga manami unay caj famillyayquicunapis rejsiranchu. Chunyaj chaqui jircapa chayno pushamushurayqui manami ñacanallayquipächu, man'chäga payman yäracur cawanayquipämi. Paymi musyayta munaran mandamintuncunata cumlinayquipaj u mana cumlinayquipaj cashantapis.

Deuteronomio 8:2

Tayta Dios chuscu chunca (40) wata chunyajpa purichishushayquita ama gongaychu. Chaychömi payga llaquicachishushpayqui, imacunachöpis ñacachishushpayqui musyapäshurayqui yarpayniquicuna imano cashantapis, mandamintuncunata rasunpa cumlinayquipaj mana cumlinayquipaj cashantapis.

1 Pedro 1:7

Ichanga tucuy ñacaycunata päsar ichipaptinchïrämi Tayta Diosninchïman yäracushanchi musyacan. Gori alli cashanta musyanapäga ninawanrämi chulluchinchi. Chaynömi gamcunapis ñacar-raj Tayta Diosman mas yäracunqui. Gamcuna yäracushayquega goripita masmi bälin. Chaymi imano ñacarpis llapan shonguyquipa yäracuptiquega Jesucristo cutimushpan alli cawayman churashunquipaj.

Apocalipsis 2:23

Paycunapa wamrancunatana gueshyachishaj wañuyman chayananpaj. Chayrämi yäracamajcunaga musyanga llapan runapa yarpayninta, shongunta noga musyashäta. Nogaga imanöpis rurashanpitami cada runata cutichishaj.