Proverbios 13:4 - Tayta Diosninchi Isquirbichishan

⁴ Guellacunaga may-jina imata munaparpis manami tarinchu. Bïbu runami ichanga ima-aycatapis munashanta tarin.

Proverbios 13:4 Iomraidhean Croise

Génesis 26:32

Chay junajlla Isaacpa uywaynincuna chayamuran willacoj «Pösuta uchcurcaycashächo yacuta tarishcä» nir.

Salmos 92:14

Auquinna carpis yöra muruchajnömi caycanga. Paycunaga berdiraycaj yöranömi sinchi carcaycanga.

Proverbios 10:4

Mana arucojcunaga imaypis muchupacayllachömi. Alli arojcunapami ichanga ima-aycanpis mana pishinchu.

Proverbios 11:25

Millgaycoj macyaycoj cajcunaga cushishami goyanga. Pitapis goycorga quiquinpis allitami chasquin.

Proverbios 12:11

Chacracho arojcunapaga micuyninpis manami pishinchu. Mana yarpachacoj guellacunami ichanga manacajllapaj arun, ruran.

Proverbios 12:24

Aroj runacunaga munayniyojmi canga. Guellacunami ichanga jucpa-jucpa munaynillancho canga.

Proverbios 12:27

Guella runaga jirca animalta charishanta micunallanpäpis manami camarinchu. Bïbu runami ichanga ima-aycatapis aypallata taririn.

Proverbios 13:3

Shongun musyashallanwan upälla cacojcunaga allimi cawan. Willapistacunami ichanga shimillanpita mana alliman chayanga.

Proverbios 13:5

Alli runaga llullacuyta manami munanchu. Fiyu runacunami ichanga jucta pengayman churayllata, manacajman churayllata yarparaycan.

Proverbios 20:4

Murupacuy wichanpis guella runaga manami yapyapacunchu, ni murupacunchu. Chaymi cosëcha wichanpis ashipacushpan imatapis mana tarengachu.

Proverbios 21:25

Guella runaga imatapis munapayllami munapaycan. Aruypaj guella cashpanmi imatapis mana tarinchu.

Proverbios 21:5

Sumaj yarpachacurcur rurashanga llapanpis allimi llojshin. Mana yarpachacuypa rätu rurarejcunapami ichanga mana alli llojshin.

Proverbios 24:30

Guella runapa chacranpa aywashcä. Mana yarpachacoj runapa übas chacranpapis purimushcä.

Proverbios 24:31

Chaychömi ricashcä chacran jacha juntashalla caycajta, pergancunapis juchusha caycajta.

Proverbios 26:13

Guella runaga aruyta mana munaywanmi nin: «Jawachöga liyunmi caycan. Micumaytami munaycan» nir.

Proverbios 28:25

Fiyupa yargaj runaga pï-maywanpis rimanacongallami. Tayta Diosman yäracoj runami ichanga alliman chayanga.

Proverbios 6:6

Ticsacuna imano rurashallantapis ricacuy guella runacuna. Ticsacuna imano rurashallantapis ricaycur yachacuy.

Proverbios 8:34

Yachachishäta wiyacoj runaga fiyupa cushishami canga. Wiyamänanpaj wasë puncucho shuyämajcunaga cushishami goyanga.

Cantares 5:3

Maynami röpätapis lojticushcä. ¿Yapayrächari jaticushaj? Maynami chaquëcunatapis mayllacushcä. ¿Yapayrächi chaquëcunapis ganranga?

Isaías 58:11

Nogaga imay örapis pusharaycäshayquipämi. Chunyaj chaqui jircachöpis aypalla micuytami tarichishayqui. Callpayqui cananpäpis yanapäshayquimi. Chauraga caycanquipaj cadalla pargusha werta caycajnömi, yacu llojshinan pösucho imaypis yacu mana chaquejnömi.

Números 23:10

Jacobpita mirajcunaga ñuchu allpano aypallami caycan. ¿Piräshi yuparpis atipanman? ¿Aycaj cashantapis piräshi musyanman? ¡Tayta Dios munashanno cawaj runacunano nogapis cawäman! ¡Paycunano nogapis wañuyta tarëman!»

Juan 6:27

Micunallayquipäga ama yarpachacuychu. Chaypa ruquenga yarpachacuy imaycamapis cawanayquipaj caj micuyta tarinayquipaj. Chayno cawachicoj micuytaga noga Destinädu Runami tarichishayqui. Chaypämi nogataga Taytä cachamasha.»

Hebreos 6:11

Jesucristuta chasquicushayquipita-pacha alli cawashayquinölla Tayta Dios munashanno imaypis caway. Chayno cawashayquipitami Tayta Dios shuyaraycächishushayquita chasquinquipaj.

Josué 7:3

Cutiycäramurna Josuëta willaran: «Hai siudäman yaycunapäga manami llapanchïpärächu. Chaymanga aywashun ishcay quimsa warangalla siudäta guechunanchïpaj. Chaycho täpajcunaga wallcajllami.»