Oseas 5:3 - Tayta Diosninchi Isquirbichishan

³ Noga rejsëmi Efraín runacunata. Israelcunatapis rejsëmi. Efraín runacunaga jucmannami aywacusha. Chaynöpami Israelcunaga ganrayasha.

Oseas 5:3 Iomraidhean Croise

Isaías 7:16

Chay wamra manaraj sumaj yarpayninman chayaptinmi ishcan raycuna manchaycächishojpa nasyunnincuna illganga.

Isaías 7:17

«Tayta Diosga nasyunniquiman magashunayquipaj cachamonga Asiriapa raynintami. Paymi gamtapis, mandashayqui runacunatapis, famillyayquicunatapis fiyupa ñacachengapaj. Efraín runacuna Judäpita raquicashan junajpita-pacha manaraj cashanno fiyupa manchariypämi canga.»

Isaías 7:5

Siria runacunapis Efraín runacunapis Remaliaspa wamranpis mana allita rurashuytami yarpasha. Paycunaga cayno nisha:

Oseas 1:2

Oseasta rimëru willapar Tayta Dios cayno niran: «Israelcunaga nogata mana cäsumashpan juc dioscunamanmi aywasha mañösa warminöpis. Cananga, gampis mañösa warmita ashicurcuy. Chay warmicho wamrayquicuna cachun.»

Oseas 12:1

Efraín runacunaga masta-mastami llullacuycan. Fiyupanami wañuchinacurcaycan. Paycunaga wayrallata goyarpoj gatirajnömi manacajcunallata rurarcaycan. Wayrata upoj-japuyllami carcaycan. Asiria runacunawan parlacorga chaytami ruraycan. Egiptumanpis garayninta asëtita apaycächin.»

Oseas 13:1

Efraín runacuna parlaptenga llapanmi manchacoj. Chaymi waquin caj Israel runacunaga rispitashpan upällacoj. Chayno caycashanpita Efraín runacunaga Baalta adurashpanmi fiyupa juchayoj ricacuran. Chaynöpami paycunaga ushacasha.

Oseas 13:5

Gamcunataga nogallami yanapaycarä chunyaj jircacho captiqui.

Oseas 5:11

Efraín runacunaga fiyupami ñacarcaycan. Chaynöga carcaycan mana bälej dioscunata adurayllapaj yarparashanpitami.

Oseas 5:13

«Efraín runacunaga musyanmi gueshyarcaycashanta. Judá runacunapis musyanmi gueriwan gueshyaycashanta. Chaymi Efraín runacunaga aywaran Asiria nasyunman, chay nasyunpa raynin yanapänanpaj ruwacushpan. Chay rayga manami allchacächiranchu. Ni guerincunatapis manami jampiparanchu.

Oseas 5:9

Castiganä junaj Efraín runacunaga ushajpämi ushacanga. Rimashätaga rasunpami Israelcho cumlishaj.

Oseas 6:10

Israelcunachöga ricashcä fiyupa melanaypaj mana allicunatami: Efrainga jucwan-jucwanmi aywacusha. Israelcunapis fiyupa ganrayasha.

Oseas 6:4

Tayta Dios nin: «¿Imataraj gamta ruraycömanpis Efraín? ¿Imataraj gamta ruraycömanpis Judá? Gamcuna cuyamashayquega caycan tutapa pucutaraycar warämojno, tutapa shullay warämur intiwan rätu illgacäcojnömi.

Oseas 8:11

«Efraín runacunaga achca altarcunatami rurasha juchanta raquinanpaj. Ichanga chay altarnincuna casha masta juchata ruranallanpämi.

Amós 3:2

«Munducho aypalla runacuna caycajpitami gamcunallata acrashcä. Acrasha caycaptë mana allita rurashayquipita gamcunataga castigashayquimi.»

Amós 5:12

Noga musyaycämi maychicata mana allicunata rurashayquitapis. Musyaycämi juchata rurashayquicunata. Juchaynaj alli runacunata ñacarcaycächinqui. Pägashushayqui saynitapis pacayllapa chasquiycanqui. Autoridäcunapa despächunchöpis pobricunapa dimanduntaga mana bälichinquichu.

Deuteronomio 33:17

José trïbu runacunaga wäcapa rimir caj wawan maucha cashan törunömi caycan. Callpayoj cayninpis chucaru törunömi. Callpayoj cayninpami may-chay nasyun runacunatapis binsir manchachenga. Chaynömi canga yupaytapis mana atipaypaj Efraín runacunaga. Chaynömi canga waranganpa waranganpa Manasés runacunapis.»

Hebreos 4:13

Chaymi Tayta Dios camashan cäga paypita mana pacacunchu. Paypäga llapanpis ricacajllami caycan. Chaymi imata rurashallanchïtapis jusgamäshunpaj.

Apocalipsis 3:15

«Noga ricaycämi llapan rurashayquicunata. Noga musyämi gasajno ni acajno mana cashayquita. Ichanga gamcuna manami munanquichu llapan shonguyquipa nogata wiyacamayta.