Números 23:19 - Tayta Diosninchi Isquirbichishan

¹⁹ Tayta Diosga manami runacunanöchu. Payga manami llullacunchu. Imata aunircurpis manami cutiricunchu. Aunishantaga cumlinmi.

Números 23:19 Iomraidhean Croise

Génesis 26:3

Cananga cayllachöraj tiyacuycay. Nogaga gamwanmi caycäshaj. Bindisyuntapis goshayquipaj. Gamta y gampita mirajcunatami cay partitaga goycushäpaj. Chaynöpami cumlishaj papäniqui Abrahamta aunishäta.

Génesis 28:15

Nogaga gamwanmi caycä. Maypa aywaptiquipis nogami ricashayqui. Maypitapis cay partimanmi cutichimushayquipaj. Mana gongaypami gamta aunishäcunataga llapanta cumlishäpaj.»

1 Reyes 14:11

Castayquicuna siudächo wañoj cajtana allgucuna miconga. Jircacho wañoj cajtanami aycha micoj äbicuna miconga. Noga Tayta Diosmi chayno cananpaj camacächishcä.›

2 Reyes 15:12

Chaynöpami cumliran Tayta Dios ñaupata Jehüta willachishan. Jehüta willachiran «Chuscu miray aywajcamami gampita miräga Israelpa raynin cangapaj» nir.

2 Reyes 7:2

Rayta yanapaj suldäruga niran: «Nishayquitaga manami riguëchu. Syëlupa puncuncunata Tayta Dios quicharamuptinpis chaynöga manami canmanchu.» Chaura Eliseo niran: «Ñawiquipami ricanquipaj. Quiquiquimi ichanga mana micunquipächu.»

1 Crónicas 17:17

¡Jananmanpis aunimashcanqui shamoj watacunacho nogapita mirajcuna munayniyoj cananpaj! ¡Nogataga ricamashcanquipis fiyupa rispitädu runatanömi Tayta Dios!

Salmos 110:4

Tayta Diosmi aunisha. Aunishantaga manami cutiricongachu. «Melquisedecnömi gamga imaycamapis cüra canqui» niran.

Salmos 132:11

Tayta Diosmi Davidta auniran. Aunishantaga manami cutiricongachu. Aunir niran: «Gampita mirar aywajllami ruquiqui ray canga.

Salmos 77:9

¿Cuyapäcoj cashanta Tayta Diosga gongaycushachuraj? ¿Fiyupa rabyasha cashpan mananachuraj cuyapämäshun?» nir. Selah

Salmos 89:34

Paywan parlacushätaga manami rucachishächu. Palabrätaga cumlishämi.

Salmos 89:35

Davidtaga aunishcä jutëcho jurarmi. Paytaga manami llullapäshächu.

Isaías 21:17

Lëchawan illapaj jinyu Cedar runacunaga wallcallanami cawaycar quëdangapaj.» Israelpa Tayta Diosninmi chayno nisha.

Isaías 31:2

Tayta Diosga fiyupa yarpaysapami. Chaymi musyan imanöpa disigrasyata chayachiytapis. Imano rurananpäpis nishantaga simrimi cumplin. Fiyu runacunataga castigangami. Mana allita rurajcunata yanapajcunatapis castigangami.

Isaías 40:8

Guewapis chaquicäcunmi, waytapis wañuytacäcunmi. Tayta Diosninchi rimashancunami ichanga imaypis mana ushacanchu.»

Isaías 46:11

Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Isaías 55:11

Chaynömi noga parlashäcunapis. Manami jinallanchöga illgangachu. Chaypa ruquenga noga munashätami ruranga. Imano rurananpäpis nishätami cumlenga.

Jeremías 4:28

Cay pachachöga fiyupa llaquicuymi canga. Syëlupis chacacäcongarämi. Imano cananpäpis nishätaga manami cutiricushächu. Chayno cananpaj camacächishätaga rasunpami cumlishaj.

Daniel 4:28

Ray Nabucodonosorta Daniel willashanga willashannöllami llapanpis cumlicaran.

Oseas 11:9

Manami fiyupa rabyasha caycashämannöchu rurashaj. Efraintaga yapay manami illgächishänachu. Nogaga Diosmi cä, manami runachu. Noga gamcunacho caycäga Santumi cä. Manami gamcunata illgächejchu shamushaj.

Miqueas 7:20

Tayta Dios, cumliycuy ari Jacobta aunishayquita, Abrahamta cuyapänayquipaj aunishayquitapis. Chaynömi unay awilöcunata aunirayqui.»

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Malaquías 3:6

«Nogami cä Tayta Diosga. Manami ni imanillarpis rucacashcächu. Chaymi gamcuna Jacobpita mirajcunapis mana ushajpäga ushacashcanquichu.

Números 14:35

Chaynömi nogaga rurashaj conträ jatarir mana wiyacamaj Israelcunata. Chaura paycunaga cay chunyajllachömi ushacanga. Noga Tayta Diosmi chayno në.»

Números 23:18

Chaura Balaamga Tayta Dios rimachishanta rimaran: «Ziporpa wamran Balac, nishäta sumaj wiyay.

Lucas 21:33

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Romanos 11:29

Tayta Diosninchi imatapis aunirga imaypis cumlengami. Chaynölla pitapis yanapänanpaj acrarga imaypis yanapangami.

Romanos 9:6

Tayta Diosninchi aunishancuna manami yangallapächu caran. Manami llapanchu Israel castapita mirajcunaga Tayta Dios acrashan runacuna caycan.

2 Timoteo 2:13

Aunishanchïta mana cumlishapis payga imaypis noganchïwanmi caycan. Payga aunishanta manami cutiricunmanchu.

Tito 1:2

Chayno goyaptinchïmi imaycamapis alli cawayta tarichimäshun. Imaycamapis cawananchïpäga Tayta Diosninchi cay pachata manaraj camar unaynami niran. Nishancunataga imaypis Tayta Dios cumlinmi.

Hebreos 6:18

Tayta Diosninchëga manami llullacunchu. Chaymi canan noganchïpis musyanchi jurashanta, aunimashanchïta cumlinanpaj cashanta. Chaymi payman yäracoj cajcunaga cushisha shuyäcunchi Tayta Dios aunimashanchïta imay öra carpis cumlimänanchïpaj cashanta.

Hebreos 7:21

Jesús cüra cananpaj churashpanmi ichanga jurashpan niran: «Tayta Diosmi aunisha. Aunishantaga manami cutiricongachu. ‹Melquisedecnömi gamga imaycamapis cüra canqui› » niran.

Santiago 1:17

Tayta Diosninchëga llapantapis alli cajcunallatami gomanchi. Llapan nistashanchïcunaga janaj pachapitami shamun. Paymi syëlucho caycajcunata llapanta camasha. Syëlucho caycajcuna rucacaptinpis payga manami rucacanchu.

Santiago 4:5

U ¿manachu riguinqui Tayta Diosninchïpa palabrancho Tayta Dios fiyupa cuyamashanchïta niycashanta? Payllata mana aduraptinchëga fiyupami rabyan.

Josué 21:45

Israelcunata unay aunishantaga llapantami Tayta Dios cumliran. Juc shimilla imapaj nishantapis manami gongaranchu.

1 Samuel 15:29

Tayta Diosga yäracuna Diosmi. Payga manami llullacunchu. Rimashantaga cumlinmi. Runacunanöchu manami aunircur cutiricun.»

1 Samuel 3:12

Chay junajmi Elïpa llapan famillyancunapaj imanöpis nishäta cumlishaj.