Números 20:18 - Tayta Diosninchi Isquirbichishan

¹⁸ Cacha aywaj chayno niptin Edompa raynenga niran: «Nasyunnëpaga manami päsanquichu. Yaycamuptiquega suldäröcunawanmi shamushaj.»

Números 20:18 Iomraidhean Croise

Números 20:19

Niptinmi Israelcunaga yapay cachacuran cayno ninanpaj: «Nogacunaga maymanpis mana yagaycachaypa jatun nänillanpami päsacushaj. Nogacunapis uywäcunapis yacuyquita uporga pägashayquimi. Nasyunniquipa päsaj nänillayquipa päsacuyculläshaj ari.»

Números 20:20

Chaypis Edompa raynenga niran: «¡Manami päsanquichu!» Chayno nirmi Israelcunawan pillyananpaj aywaran sumaj camaricusha aypalla suldäruncunawan.

Números 21:23

Chayno niptinpis ray Sehonga mana munaranchu Israelcuna nasyunninpa päsananta. Chaymi llapan suldäruncunata shuntarcur chunyajman aywaran. Jahazacho tincur Israelcunata magaran.

Números 21:4

Hor jircapitana Israelcuna aywacuran Puca Lamar läduman. Edom nasyunman mana yaycupänanpaj carupa tumaypa aywacuran. Ichanga ñacar aywaycaptin pasinsan ushacaran.

Números 24:18

Edom runacunataga binsengami. Contran caj Seircunatapis charicurcongami. Israelcunaga rurangapaj pipis mana rurashantami.

Deuteronomio 2:29

Seircho tiyaj Esaú casta runacunapis, Archo tiyaj Moab runacunapis päsachimashami. Jordán mayuta chimpanäpaj päsacuycushaj ari Tayta Dios chacrata gomänanpaj aunimashanman yaycunäcunapaj.