Números 15:39 - Tayta Diosninchi Isquirbichishan

³⁹ Chay paychacunata ricashpayquimi gamcunaga yarpanquipaj llapan mandamintöcunata cumlinayquipaj cashanta. Chauraga quiquiquicunapa shonguyqui munashanta mananami ruranquipächu.

Números 15:39 Iomraidhean Croise

1 Reyes 12:33

Chaynömi Jeroboamga Betelcho altarta rurachishan janancho uywacunata pishtarcur rupachiran pusaj quilla cajchöga chunca pichga (15) junajcho. Chay caran quiquin yarpayllanpita rurachishan fista. Insinsuta saumachej altarman wichashan quillachömi Israelcunapäga fiyupa rispitädu fista cananpaj niran.

Job 31:7

Alli cajta ruraycashäpita mana allita rurasha captëga, pipa imantapis munapasha captëga, jucpa imanpis nogapa maquëcho taricasha captenga

Salmos 106:39

Paycuna mana allita rurarmi juchayojyaran. Chaynöpami ganra melanaypaj ricacuran.

Salmos 73:27

Gamta gongaycushoj cajcunaga llapanmi illganga. Mana wiyacushojcunataga illgarachinquipämi.

Éxodo 13:9

Gamcunapäga cay fista canga ricrayquicho u urcuyquicho chäpasha caycajnömi Tayta Diospa mandamintuncunata imaypis mana gonganayquipaj. Chaynöga canga fiyupa munayninwan Egiptupita Tayta Dios jorgamushushayquipitami.

Proverbios 28:26

Quiquin yarpashallanman yäracoj runaga mana tantiyacoj upa runami. Sumaj tantiyaycur ruraj runami ichanga imapitapis allicho llojshenga.

Proverbios 3:1

Ïju, ama gonganquichu llapan yachachishäta. Willapashäcunataga umayquiman sumaj churacuy.

Eclesiastés 11:9

Jipash-mösucuna, cushicur caway timpuyquicho cashayquicama. Gustuyquita ruray callpayquicho cashayquicama. Shonguyqui munashanta, ricashayquita ruray. Ichanga yarpay: llapanpitapis Tayta Diosga jusgashunquipämi.

Jeremías 9:14

Paycunaga llapanpis goyasha shongun yarpashannöllami. Nircur taytancuna yachachishannömi mana dios caycaptin manacajcunata ‹diosnë› nir adurasha.

Ezequiel 6:9

Chay cawaycar quëdajcunaga prësu aywashan nasyuncunacho tiyashpan nogata yarpäramanga. Yarpärenga paycuna mana wiyacamaptin imano ñacashäta, nogata cachaycamar melanaypaj ïduluncunata aduraj aywacushantapis. Paycunaga melanaypajcunata quiquincuna rurashanta yarpärir pasaypami pengaconga.

Oseas 2:2

«Israel nasyonga majänömi casha. Chaymi wamräcuna mamayquita niy ‹Gammi juchayoj canqui.› Cananpitaga pay manami nogapa warmënachu. Ni nogapis manami runannachu cä. Amana mañösa car pintacushancunawanpis pintacuchunnachu. Mañösa car wallgarashancunatapis cachaycuchunna.

Deuteronomio 29:19

«Cay conträtuta chasquircur ama yarpaychu mana cumliptiquipis Tayta Dios mana castigashunayquipaj cashanta. Mana cumlerga juchayojmi canquipaj Tayta Dios llapayquita castigar ushacächishunayquipaj.

Deuteronomio 4:23

Gamcunawan mana captëpis sumaj yarpay Tayta Dioswan conträtu rurashayquita. Tayta Diosninchi mana munashancunataga imatapis ama ruranquichu. Ni ima ïdulutapis ama ruranquichu.

Deuteronomio 6:12

Chayno car cuydä Egiptucho uyway caycashayquipita jorgamushoj Tayta Diosninchïta gongaycunquiman.

Deuteronomio 8:11

«Ama gongaycunquichu Tayta Diostaga. Canan willapashä, yachachicuynincunata, mandamintuncunata, laynincunataga imaypis cumlinqui.

Deuteronomio 8:14

Tayta Diostaga ama gongaycunquichu. Paymi Egiptucho uyway caycajta jorgamusha-cashunqui.

Santiago 4:4

¡Diosta mana wiyacoj runacuna! Mana allicunata ruraycarga ¿imanirtaj yarpanqui Tayta Dios munashanno goyaycashayquita? Mana allicunata rurarga Tayta Diosninchïtami chiquircaycanqui.