Nahúm 1:7 - Tayta Diosninchi Isquirbichishan

⁷ Tayta Diosga fiyupa allimi. Payga ñacaycashanchi öra pacamajninchïmi. Payman yäracoj cajcunataga imapitapis chapanmi.

Nahúm 1:7 Iomraidhean Croise

1 Crónicas 16:34

«Tayta Diosninchïta agradësicuy amatar alli cashanpita. Payga imaycamapis chaynöllami cuyamanchi.

1 Crónicas 5:20

Tayta Dios yanapaptin binsiran Agar runacunataga mincaynincunatawan. Pullan pillyacho Tayta Diosta mañacuran yanapänanpaj. Yäracuptinmi Tayta Diosga yanaparan.

2 Crónicas 13:18

Israelcunaga pengaycho quëdaran. Judäcunami ichanga munayniyoj caycaran unay caj awiluncuna sirbishan Tayta Diosman yäracuyninpa.

2 Crónicas 32:11

¿Manachu tantiyacunqui? Ezequiasga yargaypitami, yacunaypitami wañuchishoj-aywashunqui. ‹Tayta Diosninchëga salbamäshunmi› nerga engañaycäshunquimi.

2 Crónicas 32:21

Chaura Tayta Diosga juc anjilninta cachamuran. Chay anjilna Asiriapa raynin pachacaraycashanman aywaycur ushajpaj illgächiran suldärucunata, capitancunata, comandanticunata. Chaura Asiriapa raynenga nasyunninman pengay-tucusha cuticuran. Nasyunninchöna diosninpa templuncho caycajta quiquinpa wamrancunalla wañuycärachiran.

2 Crónicas 32:8

Paycunaga runacunapa callpallanmanmi yäracun. Noganchïwanmi ichanga caycan Tayta Diosninchi, pillyaptinchi yanapämänanchïpaj» nir. Ray Ezequías chayno niptin llapan runacuna mana manchacuypana carcaycaran.

Esdras 3:11

Tayta Diosta waquin alabaptin waquenga chasquiran «Tayta Diosta agradësicuy. Payga amatar allimi. Israelcunataga imaycamapis cuyanmi» nir. Llapan runacunapis cushicuypita gaparparan. Tayta Diosta sinchipa alabaran Templuta yapay aruyta gallaycärishanpita.

Salmos 1:6

Juchaynajcunataga alli nänipa pushar Tayta Diosmi alli cawayman chayachin. Fiyu runacunatami ichanga quiquin purishan nänicho usharenga.

Salmos 100:5

Tayta Diosga fiyupa allimi. Payga imaycamapis cuyacojmi. Imaypis payga allillatami ruranga.

Salmos 20:1

Tayta Dios, yanapaycushunqui ari ñacaycashayqui öra. Jacob rispitashan Dios washaycushunqui ari.

Salmos 25:8

Tayta Diosga allimi y juchaynajmi. Chaymi juchayojcunataga alli nänita ricachenga.

Salmos 27:5

Mana allicuna chayamuptin Tayta Diosmi Wasincho pacamanga. Chaychömi washämanga. Gaga jananman churamarmi gueshpichimanga.

Salmos 37:39

Alli runacunataga Tayta Diosmi yanapan. Ñacaycuna caycaptinpis Tayta Diosmi pacan.

Salmos 37:40

Tayta Diosmi imanöpapis gueshpichin. Tayta Diosman yäracuptinmi fiyucunapitapis salban.

Salmos 46:2

Chaymi ama manchacushunchu cay pacha intërupa rachicaycaptinpis, jircacuna lamarman tallpucaycaptinpis,

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 59:16

Nogami ichanga cada tuta gamta alabashpä cantashaj. Munayniyoj cuyacoj cashayquitami willacushaj sinchi gaparayparaj. Gammi cashcanqui imapitapis chapämaj; llaquicur ñacaycashä öra pacacunä.

Salmos 71:3

Gammi canqui gaganöpis chapämajnë. Gammi canqui pacacuna siudä, salbamajnë. Chaymi gamllaman guellicamö.

Salmos 86:7

Llaquicushä öra gamta mañacamö imaypis yanapämaptiquimi.

Salmos 9:10

Tayta Dios, gamta rejsishoj cäga gammanmi yäracun. Gamman yäracamojtaga manami cachaycunquichu.

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Isaías 25:4

Pobricunataga gammi imaypis washashcanqui. Llaquicuycajcunatapis yanapar chapashcanquimi. Löcu tamya mana chayananpaj pacacunanmi cashcanqui. Fiyupa shanay mana chayananpäpis llantunmi cashcanqui. Fiyu runacunapa jämayninmi ichanga caycan löcu tamyano,

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Isaías 50:10

¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 17:17

Chaymi Tayta Dios ama camacächiychu noga manchacunätaga. Gamga canqui llaquicur ñacashä wichan imapitapis pacamajmi.

Jeremías 24:5

«Babiloniaman prësu apachishä Judá runacunataga alli ïgustanömi ricashaj. Paycunataga allimi ricashaj.

Jeremías 33:11

cushisha fistata rurarcaycajta, majachacashpan fistata rurarcaycajtapis. Templumanpis agradësicamashpan ofrendacunata apamongapämi. Chaynöpis wiyanquipämi «Munayniyoj Tayta Diosta agradësicuy pay alli cashanpita, cuyacoj caynenga imaypis mana ushacaj cashanpita nejta. Rimashäno rasunpami nogaga cay nasyunpa surtinta rucachishaj unayno cananpaj. Noga Tayta Diosmi chayno në.»

Lamentaciones 3:25

Tayta Diosga fiyupa allimi payman yäracojcunapäga llapan shongunpa payman yäracuyta ashejcunapäga.

Daniel 3:28

Chaura Nabucodonosorga niran: «¡Sadracpa, Mesacpa, Abed-negopa Diosnenga alabasha cachun! Paymi anjilninta cachamuran sirbejnincunata salbananpaj. Paycunaga Diosnillanta adurayta munashpanmi mana rurashachu noga nishätaga. Diosninta cachaycur gongurpaycur juc diosta adurananpitaga wañuytami munaran.

Daniel 6:23

Chaura rayga fiyupa cushicuran. Nircur jinan öra uchcupita Danielta jorgachiran. Jorgarcamur ricaptin intëru cuerpun sänulla caran. Diosman yäracuptinmi liyuncunaga imatapis mana ruraranchu.

Joel 3:16

Sión lömapita-pacha Tayta Dios gayacamonga. Jerusalenpita-pachami räyuno busninta wiyacächimonga. Syëluwan cay pachapis sicsicyangami. Acrashan Israel runacunatami ichanga Tayta Dios ima-aycapitapis washashpan chapanga.»

Sofonías 3:12

Gamcuna tiyashayquichöga cachaycushäpaj rispitacojcunatawan, alli runacunallatanami. Paycunaga nogallamannami yäracamongapäpis.

Mateo 27:43

Payga Diosmanmi yäracusha ‹Diospa Wamranmi cä› nishpan. Rasunpa wamran captenga Dios cuyapashpan maynami cruspita jorgunman caran.»

Mateo 7:23

Chayno nimaptin nogaga nishäpaj: ‹Gamcunataga manami rejsëchu. Ñaupäpita witicuy juchasapa runacuna› nir.

Juan 10:14

«Nogami alli uyshëru cä. Uyshäcunataga rejsëmi. Uyshäcunapis rejsimanmi.

Juan 10:27

«Uyshäcunami ichanga wiyacamar gaticarcaman. Nogapis paycuna imano cashantapis musyämi.

Romanos 11:22

Chauraga tantiyacuy Tayta Dios cuyapäcoj cashanta y castigacoj cashanta. Castigacöga caycan mana yäracoj runacunawanmi. Payman yäracuptiquimi ichanga cuyapäcoj caycan. Mana yäracuptiquega rämata cuchuriycushannömi gamcunapis Tayta Diospita raquisha canquipaj.

Gálatas 4:9

Cananmi ichanga Tayta Diosninchïta taytayquitano rejsinquina; astawan Tayta Diosmi wamrantano rejsishunqui. Chayno caycaptenga ¿imanirtaj cay pachacho caj espiritucunapa munaynincho cayta munaycanqui? Chaycunapaga munayninpis manami canchu.

2 Timoteo 2:19

Chaypis Tayta Diosninchïpa alli willacuynenga wasipaj simintuta alli jatarachishanömi caycan. Chaymi palabrancho cayno isquirbiraycan: «Yäracojcunataga Tayta Dios rejsinmi» nir. Yapaypis nin: «Tayta Diosman yäracojcunaga ama juchata rurachunnachu» nir.