Nahúm 1:11 - Tayta Diosninchi Isquirbichishan

¹¹ Nínive siudä, gampitami yurimusha Tayta Diospa contran jatarëga. Chay runami juc runacunata shimita jatipaycan.

Nahúm 1:11 Iomraidhean Croise

2 Samuel 20:1

Benjamín casta Bicripa wamran Seba fiyu runa caran. Pay caycaran Gilgalcho. Sebaga runacunata shimita goran Davidta chiquicarcärinanpaj. Shimita gor niran: «¡Isaïpa wamran Davidpa cajmanga ama imamanpis jaticäshunchu! ¡Israelcunaga marcanchïman-cama aywacushun!»

2 Reyes 18:30

Ezequiasga capas nishunqui Tayta Diosman riguir mana cachaypa yäracunayquipaj. Capas nishunqui: ‹Rasunpami Tayta Diosga salbamäshun. Payga manami munangachu cay siudä Asiria raypa maquinman chayanantaga.›

2 Crónicas 13:7

Jeroboammanga guellicuran guella runacunawan fiyu runacunallami. Chaycunawanmi Salomonpa wamran Roboampa contran jatariran. Wamrallaraj captinmi jinyunpis sumäga mana caranrächu. Chaynöpami paycunata mana ichiparanchu.

Ezequiel 11:2

Tayta Dios nimaran: «Runa, chay runacunami mana allita rurayllata yarparcaycan. Siudächo tiyajcunatapis llutantami willaparcaycan.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Nahúm 1:9

Nínive runacuna ¿gamcunaga imanirtaj Tayta Diospa contran yarparcaycanqui? ¡Payga ushajpämi illgarachishunquipaj! Paypa contran cajcunataga illajpitami ushajpaj illgarachenga.

1 Samuel 2:12

Elïpa ishcan wamrancunaga caran fiyupa juchasapami. Tayta Diostapis manana manchacurannachu.