Mateo 2:11 - Tayta Diosninchi Isquirbichishan

¹¹ Wasiman yaycurir wamrata tariran maman Mariatawan. Ñaupanman gongurpacuycur aduraran. Nircorga apashan gorita, insinsuta, mïrra perfümitapis goycäriran.

Mateo 2:11 Iomraidhean Croise

Génesis 43:11

Chayno niptin papänin niran: «Cananga ¿imanäshunnataj ari? Chaynönachari pushanqui. Chay runata goycunayquipaj apanqui cay particho mas munay cajninta: balsamuta, abëjapa mishquinta, perfümita, mïrrata, nuezcunata, almendracunatapis.

1 Reyes 10:10

Nircur raynaga Salomonta goycuran quimsa waranga isgun pachac sojta chuncan (3,960) quïlu gorita, aypalla perfümita, achicyaypa achicyaycaj rumicunatapis. Manami imaypis chayachisharächu caran Israelman aypalla perfümita Sabäpa raynan Salomonta goycushantanöga.

1 Reyes 10:2

Uywaynincunawan aywarmi Jerusalenman achca camëllucunaman cargasha chayachiran alli asyaj jachacunata, achca gorita y cuestaj cuyayllapaj rumicunata. Salomonman chayaycurmi tapuran imatapis tapunanpaj yarpashancunata.

Salmos 2:12

Paypa ñaupanmanga sicsicyar gongurpacuy. Mana rispitaptiquega jinan örami rabyacurcunman. Chaura wañunquimanmi. Cushishami cawanga Tayta Diosman yäracojcunaga.

Salmos 45:8

Alli caj perfümi alli asyashannömi röpayquipis alli asyaycan. Cuyayllapaj marfilwan adurnasha palasyuyquichömi cushicachishunqui arpacunata tucapäshushpayqui.

Salmos 72:10

¡Paymanga Tarsischo tiyaj raycuna, lamar chaupin tishgucho tiyajcuna impuestuta pägachun! ¡Garaynincunata goycuchun Sabächo caycaj raycuna, Sebacho caycaj raycuna!

Salmos 72:15

¡Chayno alli cashanpita rayga cawachun! ¡Sabächo caj gorita goycuchun! ¡Paypäga imaypis Diosta mañacuycäshun! ¡Paytaga bindisyunta gochun imaypis!

Salmos 95:6

Shamuy-llapa, gongurpaycärir Tayta Diosta adurashun. Paypa ñaupanman gongurpacushun ari. Paymi ruramaranchïpis.

Éxodo 30:23

«Gam shuntanqui alli asyayniyoj cajcunata: mïrra yörapa weguinta sojta quïluta, canëlata quimsa quïluta, alli asyayniyoj cäñata quimsa quïluta,

Éxodo 30:34

Tayta Diosga mastapis Moisesta niran: «Gam shuntanqui noga nishä alli asyaj jachacunata llapantapis iwal-llata: risïna guerupa weguinta, caracolpa putuntapis, gálbanopa weguintapis, insinsu yörapa weguintapis.

Cantares 3:6

¿Imaraj goshtay ichiraycajno chunyajpita aywaycämöga? ¿Imataj aywaycämun mira perfümiwan insinsuwan cupacusha, cuyayllapaj alli asyaj perfümicunawan cupacusha?

Isaías 60:6

Gam cajmanga röpa-röpami camëlluncunawan juntaycamongapaj. Chay runacunaga gorita, insinsuta apamur shamongapaj Madianpita, Efapita, Sabäpitapis. Nircur paycunaga almiraypajcunata rurashäcunatami willacongapaj.

Levítico 6:15

Juc cürana asëtiwan tacusha jarinataga juc aptayta raquenga asëtintawan insinsuntawan. Chayta altarman apaycur rupachenga ofrenda apamoj runata yarpänäpaj. Rupachishanpa jömuyninnami nogapa shongöpäno canga.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Números 7:14

Pachac chuncan (110) grämu lasaj gori cucharuntapis aparan junta insinsuyojta.

Números 7:86

Chunca ishcay (12) gori cucharuncunapis caran junta insinsunwan-cama. Cucharuncunaga cada ünun lasaran pachac chunca (110) grämun. Chaycunataga pësaran Tincuna Tolducho caj pësacunawan. Gori cucharuncuna llapanga lasaran juc quïlu chuscu pachacnin (400) grämun.

Mateo 1:18

Jesucristo yurishan caynömi caran: Mariaga Josëwan majachacänanpaj parlashana caycaran. Manaraj iwal tiyaptin Mariaga gueshyaj ricacushana caycaran Espíritu Santupa munayninwan.

Mateo 12:46

Jesús chayno yachaycächiptin mamanwan wauguincuna jawacho shuyarpaycaran Jesuswan parlayta munashpan.

Mateo 14:33

Can'wacho carcaycajcunami Jesuspa ñaupanman gongurpacuran «Rasunpami Tayta Diospa Wamran canqui» nir.

Mateo 2:10

Goyllar ichicuycojta ricar goyllar estudyajcunaga fiyupa cushicuran.

Mateo 2:2

«¿Maychötaj caycan Israel runacunapa raynin cananpaj yurej iti? Inti yagamunan caj-läpitami goyllarninta ricamushcä. Chaymi aduraj shamushcäcuna» nir.

Lucas 2:16

Chayno nirmi jinan öra aywaran. Chayaycärir tariran Josëta, Mariata y itintana uywacunata garacunacho puñuycajta.

Lucas 2:38

Simeón rimayta usharcuptin Anapis witiycur Tayta Diosta agradësicur aduraran. Nircorga ñïñu Jesuspaj willaparan Tayta Dios cachamushan Cristuta shuyaraycaj runacunata.

Juan 19:39

Nicodemopis aywaran quimsa arröba alli asyaj mïrratawan aloeta apacurcur. (Ñaupallatanami Nicodemoga chacaypa aywasha caran Jesuswan parlananpaj.)

Apocalipsis 19:10

Nimaptin anjilta aduranäpaj gongurpacurä. Chaymi pay nimaran: «Nogataga ama aduramaychu. Nogapis gamno, yäracoj-masiquicunanöllami Tayta Diospa sirbejnin caycä. Tayta Diosllanchïta adurayga. Jesucristupaj nishäcunaga llapanpis caycan profëtacunatano Tayta Diosninchi willachimashallanmi.»

Apocalipsis 5:8

Chasquircuptinmi ñaupancho caj chuscu anjil-nirajcuna, ishcay chunca chuscu (24) mayur runacunapis ñaupanman gongurpaycuran. Paycunaga llapanmi arpanwan caycaran. Goripita rurasha bäsuncunachöpis insinsuta charaycaran. Chay insinsu caran Tayta Diosman yäracojcuna mañacushanmi.

1 Samuel 10:27

Fiyu runacuna ichanga mana pishiranchu. Paycunami jamurpar niran: «¿Imanöpatäshi payga salbamäshun?» Manacajman churar mana rispitaranchu. Saulga imata niptinpis mana cäsuparanchu.