Mateo 19:10 - Tayta Diosninchi Isquirbichishan

¹⁰ Chayno niptin disïpuluncunaga niran: «Runa warmiwan chayno cananpaj captenga mas alli canman japallan goyäcuptinmi.»

Mateo 19:10 Iomraidhean Croise

Génesis 2:18

Nircur Tayta Dios niran: «Runa japallanga manami allichu canman. Payta yan'gänanpaj yanapänanpaj jucta rurashaj.»

Proverbios 18:22

Furmal warmiwan majachacayga fiyupa allimi. Furmal warmitaga tarin Tayta Dios bindisyunta goptinmi.

Proverbios 21:19

Fiyu y rabyaj warmiwan tiyananpa ruquenga mas allimi canman japallan chunyajcho tiyacuptinpis.

Proverbios 21:9

Alli jatun wasicho rimanacuyllata pillyallata ashiycaj warmiwan goyänanpa ruquenga chucllallachöpis japallan tiyacuptin mas allimi canman.

Mateo 19:11

Chaura Jesús niran: «Chaypis manami llapanchu majaynaj goyan. Chaypa ruquenga Tayta Dios camacächiptillanmi majaynaj goyan.

Mateo 19:9

Runaga warminpita raquicanman warmi juc runawan cacuptillanmi. Chaura ima achäquipis mana caycaptillan warminpita raquicaj runa jucwan camacarga juchatami aparicun. [Runan cachaycusha warmiwan camacaj runapis juchatami aparicun.]»

1 Corintios 7:8

Biyüducunatawan biyüdacunataga në: nogano majaynajlla cacuptin allimi canman.

1 Timoteo 4:3

Chay runacunaga michan majachacänantapis, waquin micuyta micunantapis. Chay micuycunataga Tayta Dios camaran agradësicurcur micunanchïpämi.