Mateo 13:3 - Tayta Diosninchi Isquirbichishan

³ Nircur Jesusga tincuchiypa achca yachachicuyta willaparan. Willapar niran: «Juc runashi rïgu muroj aywaran.

Mateo 13:3 Iomraidhean Croise

Salmos 49:4

Sasa tantiyaypaj cajcunatami rimashaj. Arpa wagashan-tupunami nishaj chay rimashä ima ninan cashantapis.

Salmos 78:2

Cananga sumaj willapäshayqui. Unaypita-pacha tantiyayta mana atipashayquicunatami parlashaj.

Ezequiel 17:2

«Runa, gamga Israel runacunata tincuchiypa cayno willapay:

Ezequiel 20:49

Chaura noga nirä: «Ay Tayta Dios. Runacunaga nircaycan ‹payga mana tantiyashanchi cajpämi parlan› nir.»

Miqueas 2:4

Chayno ñacaycho goyashan junajcunami paycunataga asipanga. Asiparmi cayno nengapaj: ‹Pasaypa ushacashami quëdasha. Ñaupataga Tayta Diospaj acrasha runacunami caran. Cananga jucpa maquinchönami caycan. Suldärunchïcunami binsiycur charicarcärisha. Chaymi chacrancunatapis raquipänacushcanchi› nir.»

Habacuc 2:6

Juc junajchömi ichanga Caldea nasyun runacuna ushacangapaj. Chaymi chay charishan nasyun runacunaga cantapashpan asipashpan cayno nenga: «¡Ay imanöraj canqui jucpa cajllawan rïcuyajcuna! Gamcunaga shuntashcanqui mañacuytanöllami.

Mateo 13:4

Chayshi muruta machiptin waquin muru caminuman chayaran. Äbicuna shamurna machiraycajta pashacurcuran.

Mateo 13:53

Chayno tincuchiypa willaparcur Jesús aywacuran.

Mateo 22:1

Mastapis Jesús tincuchiypa willapar niran:

Mateo 24:32

«Ïgus yörata ricar yachacuy. Rämancuna llulluyaptin, öjancuna chillguiyta gallaycuptin musyanquinami tamya gallaycunanpaj cashanta.

Marcos 12:1

Chaura Jesús tincuchiypa yachachir niran: «Juc runashi chacranman übasta lantachisha. Nircurshi intëru cantunpa guenchachisha. Übasta gapchinanpaj jatun muchcatapis rurachisha. Chacrata täpananpäna jatun törrita rurachisha. Chayno rurarcacherga aroj runacunata arrindacuycurshi juc-lä marcaman aywacusha.

Marcos 12:12

Chayno nishanta wiyaycur mandajcunaga tantiyacuriran tincuchiypa Jesús willapar paycunata wiyachipaycashanta. Chaymi juclla prësu chariyta munaran. Ichanga aypalla runacuna chaycho caycajta manchacurmi aywacuran.

Marcos 3:23

Chayno niptin Jesusga gayarcur tincuchiypa willaparan: «Quiquin Satanás caycarga ¿imanöpataj dyablucunata gargunman?

Marcos 4:13

Chaymi Jesús niran: «Gamcunapis ¿manachu tantiyanqui tincuchiypa willapashäta? Mana tantiyaycarga ¿imanöpataj llapan willapashäcunata tantiyanquipaj?

Marcos 4:33

Chaynöpami Jesusga ima-aycawanpis tincuchiyllapa yachachiran. Yachachiran runacuna tantiyananpaj-tupullami.

Lucas 12:41

Chaymi Pedro tapuran: «Tayta, chayno yachachishayquega ¿nogacunallapächu o llapan runacunapajwanchu?»

Lucas 8:10

Niptin Jesús niran: «Gamcunataga Diosmi tantiyaycächishunqui imano Paypa maquincho cananpaj cajtapis. Waquincunatami ichanga tincuchiyllapa willapä, chaynöpami ricaycarpis mana ricajno canga. Wiyaycarpis mana tantiyangachu.

Juan 16:25

«Gamcunataga canancama tincuchiyllapami yachachishcä. Cananmi ichanga öra chayaycämunna mana tincuchiypana yachachinäpaj.