Mateo 12:7 - Tayta Diosninchi Isquirbichishan

⁷ Gamcunaga manami tantiyanquichu Tayta Diospa palabrancho cayno nishanta: ‹Uywacunata altarcho rupachishayquipitapis runa-masiquita mas cuyapänayquitami munä.› «Chayta tantiyashpayquicunaga manami disïpulöcunata ‹juchayojmi canqui› ninquimanchu.

Mateo 12:7 Iomraidhean Croise

Job 32:3

Jobpa quimsa amïguncunapäpis rabyacurcuran imanöpapis mana cutichiyta camäpacur Tayta Diosta manacajman churashanpita.

Salmos 109:31

Payga pobricunapa faburninmi. Contrancuna jitarpunanpitami salban.

Salmos 94:21

Paycunaga alli runacunapa contranmi parlacun. Juchan mana caycaptinmi wañuchinanpaj aunin.

Proverbios 17:15

Juchan musyacaycaptin mana castigajtapis, juchaynajta «juchayojmi» nejtapis ishcantami Tayta Diosga melanäcun.

Oseas 6:6

Nogaga munä gamcuna rasunpa cuyamänayquitami. Manami munächu imatapis nogata garamänayquitaga. Nogaga munä ‹Diosnë› nimänayquitami. Manami munächu sacrifisyupaj uywacunata nogapaj apamunayquita.

Mateo 22:29

Niptin Jesús niran: «Gamcunaga llutantami yarpaycanqui Tayta Diospa palabrancho isquirbiraycashanpaj. Wañushacunata cawarachimunanpaj munayniyoj cashantapis manami tantiyanquichu.

Mateo 9:13

Nogaga manami allita ruraycajcunata gayajchu shamushcä. Chaypa ruquenga shamushcä juchallancho goyaycajcunata gayajmi. Chaymi tantiyacunquiman Tayta Diospa palabrancho cayno niycashanta: ‹Uywacunata altarcho rupachishayquipitapis runa-masiquita mas cuyapänayquitami munä.› »

Marcos 12:33

Llapan shongunchïwan, yarpayninchïwan, callpanchïwan Tayta Diosta cuyashun. Runa-masinchïtapis cuyashun quiquinchi alli cawayta munashanchïno. Chaycunaga uywacunata rupachishanchïpitapis, cuyachicuyninchïta Diospaj goycushanchïpitapis mas allimi caycan.»

Hechos 13:27

Jerusalencho tiyajcunapis, Israel mandajcunapis manami musyaranchu Jesús salbacoj cashanta. Profëtacuna isquirbishancunata cada säbadu jamay junajcho liguiycarpis manami tantiyaranchu. Chaymi Diospa profëtancuna unay willacushan cumlinanpaj ‹Jesusta wañuchichun› niran.

Santiago 5:6

Alli runacunatami fiyupa ñacachishcanqui. Waquintaga chapacuyta mana yachaptin wañuchishcanqui.

Josué 5:5

Egiptupita llojshimojcuna señalasha captinpis chunyajpa shamushancho yurejcunaga señalänillarämi carcaycaran.

1 Samuel 15:22

Chaura Samuel niran: «Wiyacushaga sacrifisyucunata rupachishanchïpitapis masmi Tayta Diosga cushicun. Uyshacunata pishtarcur wiranta rupachishanchïpita mas allimi Tayta Dios nishancunata wiyacuptinchi.