Lucas 6:48 - Tayta Diosninchi Isquirbichishan

⁴⁸ Juc runashi wasita jatarichinanpaj rurita uchcuycur gaga jananpita simintuta pergasha. Chaura mayu chayashpan yacu jaytaptinpis manashi chay wasitaga juchuchishachu, gaga jananpita sumaj camacächiypa pergasha captin.

Lucas 6:48 Iomraidhean Croise

2 Samuel 22:2

Chaymi Davidga cantar niran: «Tayta Dios, gammi gagano chapämajnë canqui. Gammi pacamaj, salbamaj canqui.

2 Samuel 22:32

Tayta Diospita mas jucga manami canchu. Paynöga manami pipis washämashwanchu.

2 Samuel 22:47

«¡Alabasha cachun Tayta Dios! ¡Alabasha cachun chapämajnëga! ¡Fiyupa rispitasha cachun salbamaj Tayta Diosnëga!

2 Samuel 22:5

«Wañuyga yacu-jinami ñiticarcamaran. Juchu-jina janächöna captin fiyupa mancharirä.

2 Samuel 23:3

Israelcunapa Diosninmi parlasha. Israelcunata washajmi nimasha: ‹Runacunata mandashpan alli arrigläga, Tayta Diosta manchacuypa mandäga

Salmos 32:6

Chaymi ñacaycho caycashan öra wiyacushojcunaga mañacamushunquipaj. Yacu manchariypaj chayashpanpis paycunamanga manami aypangachu.

Salmos 62:2

Payllami salbaman y chapäman. Pay pacacunä captinmi ima mana allimanpis mana chayashächu.

Salmos 95:1

Shamuy-llapa, llapanchi Tayta Diosta cushisha alabashun. Chapämajninchïta alabashun. Salbamajninchïta alabashun.

Proverbios 10:25

Löcu wayra imatapis apacushannömi fiyu runaga illgan. Alli runami ichanga imaycamapis caycanga.

Isaías 26:4

Imaypis Tayta Diosllaman yäracuy-llapa. Payga mana ushacaj gaganömi.

Isaías 28:16

Chaypitami Tayta Diosga nin: «Sionmanmi juc rumita churaj-aywä. Chaymanga churashaj acrasha rumitami. Chay rumiga cangapaj llapanpita mas allimi. Jinachöpis chay rumimi simintupa isquïnancho puntu rumi cangapaj. Chayman yäracoj cäga allimi goyanga.

Isaías 59:19

Tayta Diosga fiyupa chayasha mayu aywar jaytarejnörämi chayamongapaj. Llapan runami inti yagamunan caj-läpita-pacha inti yaganan caj-läcama Tayta Diosta rispitangapaj fiyupa munayniyoj caycajta ricashpan.

Nahúm 1:8

Paypa contran cajcunatami ichanga mayu chayar ima-aycatapis apacushanno illgarachin. Paypa contran cajcunataga yanauyaycaj chacaychöpis gaticachangami.

Lucas 6:47

Noga nishäta wiyacamajcuna imano cashantapis tincuchiypa willapäshayqui:

Lucas 6:49

Noga nishäta mana rurajcunaga caynömi caycan: Juc runashi simintuta mana pergayllapa allpa janallanpita wasita jatarachisha. Chayno captinshi mayu chayarga yacu jaytaycällar juchuraycachisha. Chaura chay wasiga ushajpäshi illgasha.»

Juan 16:33

«Llapantanami willapashcä nogaman sumaj yäracamunayquipaj. Nogaman yäracamuptiquega ñacayman chayaptiquipis yanapäshayquimi allilla goyänayquipaj. Chaymi sumaj balurchay. Cay pachata maquincho chararaycaj munayniyojcunatapis binsishcänami.»

Hechos 14:22

Chay marcacunaman cutir Jesusman yäracojcunata shacyächiran mana yamacänanpaj. Willaparan «Tayta Diospa ñaupanman chayanapäga fiyupa ñacaycunamanraj chayashun» nir.

Efesios 2:20

Chaynöpami gamcunaga Tayta Diosninchïpa inlisyannöna carcaycanqui. Apostulcuna, profëtacuna yachachishancunaga inlisyapa simintunnömi caycan. Jesucristunami inlisyapa isquïnancho puntu rumi caycajno caycan.

Deuteronomio 32:15

«Israel ichanga werayasha, jaytacojyasha. Jesurún wera cayllawan llushwaypa llushwasha. Chayno carmi Camajnin Tayta Diostapis gongaycusha. Salbajninta, chapajninta manacajman churasha.

Deuteronomio 32:18

«Israelcuna, cachaycushcanquimi imapitapis chapäshoj Taytanchïta. Gongaycushcanqui cawayta gomajninchi Tayta Diosta.

Deuteronomio 32:31

«Contranchïcunata chapäga manami noganchïta chapämajninchïnöchu. Chaytaga quiquincunapis musyanmi.

2 Timoteo 2:19

Chaypis Tayta Diosninchïpa alli willacuynenga wasipaj simintuta alli jatarachishanömi caycan. Chaymi palabrancho cayno isquirbiraycan: «Yäracojcunataga Tayta Dios rejsinmi» nir. Yapaypis nin: «Tayta Diosman yäracojcunaga ama juchata rurachunnachu» nir.

2 Pedro 1:10

Ermänucuna, chayno caycaptenga waran-waran sumaj yarpachacur Tayta Diosninchi munashanno cawashun. Chaynöpami tantiyacunqui salbasha car Tayta Diospa wamran cashayquita. Chayta tantiyacorga mana juchata ruraypami cawanquipaj.

1 Juan 2:28

Wamräno cajcuna, cananga Jesucristo munashannölla caway. Chaynöpami pay cutimuptin cushisha caycäshunpaj. Manami pengacushunpächu.

Judas 1:24

Alabasha cachun Tayta Diosninchi. Paymi imaypis yanapaycämanchi juchaman mana tuninanchïpaj. Chayno yanapaycämanchi juchaynajtana ñaupanman pushamänanchïpämi. Chaychömi imaycamapis cushisha cawashunpaj.

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!