Lucas 6:25 - Tayta Diosninchi Isquirbichishan

²⁵ «Ay imanöraj canqui sacsashana caycajcuna. Gamcunaga yargaychömi canquipaj. «Ay imanöraj canqui canan cushisha caycajcuna. Gamcunaga fiyupa llaquicurmi waganquipaj.

Lucas 6:25 Iomraidhean Croise

Salmos 49:19

imayllaga wañongami. Mananami achicyaj pachata ricangapänachu.

Proverbios 14:13

Asirpis waquenga llaquishallami caycan. Chaymi cushicurpis ushanantaga wagayman churacan.

Proverbios 30:9

Rïcu carga gamta gongaycur Tayta Dios capaschari nëmanpis «Pitaj chay Tayta Dios» nir. Muchupacarga capaschari suwacuycömanpis. Chayno rurarga jutiquitapis manacajmanmi churaycöman.

Eclesiastés 2:2

Ushanantaga tantiyacushcä asishanchïpis yangalla cashanta, gustunchïta rurashanchïpis imapäpis mana bälej cashanta.

Eclesiastés 7:3

Cushicur asinanpitaga llaquicur wagashanmi mas alli. Llaquicuptenga cäran juc-nirajyaptinpis shongunpäga allimi.

Eclesiastés 7:6

Mana tantiyaj upa runa asishanga caycan shiracuna ninacho rupar pashtashannöllami. Chaypis yangallami.

Isaías 28:7

Cananga cüracunawan profëtacunapis machächicojcunata achcata upucurcushpanmi tuni-tuni purircaycan. Tayta Dios willapaycashan örapis tuniycacharcaycan. Dimandacojcunatapis machashami arriglaycan.

Isaías 65:13

Chaymi Tayta Dios cayno nin: «Sirbimajcunapäga micunanpaj cangami. Gamcunami ichanga yargaycho canquipaj. Sirbimajcunapaga upunanpäpis cangami. Gamcunami ichanga yacunaypita ñacanquipaj. Sirbimajcunaga cushicongapämi. Gamcunami ichanga pengaycho canquipaj.

Isaías 8:21

Paycunaga fiyupa llaquicurmi, yargaypitami juc-läpita juc-läman purengapaj. Yargaycällarna fiyupa rabyacarcärengapaj. Raynintapis, «maldisyunädu cachun» nengapaj. Janajpa ricärir Tayta Diospa contranpis rimanga.

Isaías 9:20

Quiquinpa wamrancunata cada-ünun micucarcärin. Jucaj läduncho caycajta ultayllapa micucurcurpis yargaycanraj. Yapay jucaj läduncho caycajta micucurcurpis manami sacsanchu.

Amós 8:10

Fistata rurashancunatami ticrachishaj täpapacuyman. Wañojcunapänami cantangapis. Lütu röpatana jaticachishaj. Llaquicushan musyacänanpaj ajchanta rutucachishaj. Japallan wamranta ograycushanörämi waganga. Llapanpis canga pasaypa llaquicuyllami.»

Nahúm 1:10

Shiraca chaquir jiracasha caycajtanömi, chaquisha ogshata nina ushacurcojnömi usharenga.

Lucas 12:20

Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

Lucas 13:28

Chayno niptinrämi fiyupa wagar llaquicushpayqui quiruyquitapis uchunquipaj. Chay örami ricanquipaj, Abrahamta, Isaacta, Jacobta, profëtacunatapis Tayta Diospa maquincho caycajta. Gamcunanami gargusha caycanquipaj.

Lucas 6:24

Nircur Jesús niran: «Ay imanöraj canqui rïcucuna. Gamcunaga maynami ima-aycayquipis captin cushisha goyashcanqui.

Lucas 6:26

«Ay imanöraj canqui llapan runacunapita alabasha caycajcuna. Gamcunanöllami unay caj awiluyquicunapis llutan yachachicojcunata alabaj.

Lucas 8:53

Chayno niptin wamra rasunpa wañusha caycashanta musyashpan chaycho caycajcunaga asiparan.

Efesios 5:4

Chaynöpis ganra rimaycunata ama rimaychu. Manacajcunatapis ama rimaychu. Llutanman chayachicoj rasyacunata ama parlaychu. Chaycunaga manami allichu. Chaypa ruquenga Tayta Diosllata agradësicuy.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

Santiago 4:9

Tayta Diosninchïpa maquincho mana puriycarga ¿imanirtaj cushisha goyarcaycanqui? Cushicunayquipa ruquenga juchayquicunapita llaquicur wagay.

Apocalipsis 3:17

«Rïcu cashayquiman yäracurmi gamcunaga ‹imapis mana pishëmanchu› niycanqui. Chaypis manami cuentata gocunquichu cuyapaypaj waccha, pobri, gapra, garapächulla caycashayquita.

1 Samuel 2:5

Ñaupata rïcu cajcuna, cananga yanapäcun juc tantallapaj. Muchuycho cajcunami ichanga manana muchunnachu. Mana wawata tarej warmina ganchis cuti gueshyacusha. Achca wamrayojcunataga japallanna ricacunanpämi wamrancunata ushacächin.