Lucas 2:15 - Tayta Diosninchi Isquirbichishan

¹⁵ Anjilcuna syëluman cuticuptinna uyshërucunaga jucnin-jucninpis ninacuran: «Juclla Belenman aywashun. Tayta Dios willachimashanchïta ricamushun.»

Lucas 2:15 Iomraidhean Croise

2 Reyes 2:1

Eliasta syëluman shucucuy wayrawan Tayta Dios apacunanpäna caycaran. Manaraj apacuptin Eliasga Eliseowan Gilgalpita llojshiran.

2 Reyes 2:11

Chayno ishcan parlar aywarcaycaptin illajpita carrëta cawalluntin nina ratataycaj yurir raquiriycuran. Chaura Eliasga syëluman aywacuran shucucuy wayracho.

Salmos 111:2

Tayta Dios rurashancunaga fiyupa almiraypämi. Rurashancunata ricaycur almirajcunaga fiyupami cushicun.

Éxodo 3:3

Chaura yarpachacuran «¿Imaraj tagay? Mä, aywä ricamushaj. ¿Imanir-raj ninaga shirata mana ushanchu?» nir.

Mateo 12:42

Salomonpa yachachicuyninta wiyananpämi Sabá nasyunta mandaj warmipis Jerusalenman shamuran. Paymi fisyu junajchöga jatarimongapaj canan wichan runacunapa contran rimananpaj. Salomonpita mas caycaptëpis canan wichan runacunaga manami wiyacamanchu.

Lucas 2:14

«¡Syëlucho cajcunapis Tayta Diosta alabaycullächun! ¡Cay pachachöpis Tayta Diosta wiyacojcunapaj alli goyay caycullächun!»

Lucas 2:16

Chayno nirmi jinan öra aywaran. Chayaycärir tariran Josëta, Mariata y itintana uywacunata garacunacho puñuycajta.

Lucas 24:51

Chayno mañacuycashallanchöna aywacuran. Aywacuptin syëlumanna apacuran.

1 Pedro 3:22

Payga cawarircamur syëlumanmi cuticusha. Cananga Tayta Diosninchïpa derëchu caj-lädunchönami caycan. Chaychöga llapan anjilcunapis, munayniyojcunapis Jesucristupa munayninchönami caycan.