Lucas 16:23 - Tayta Diosninchi Isquirbichishan

²³ Mana cuyapäcoj rïcu runapa almannashi infiernuman aywaran. Chaycho fiyupa ñacaycashanchöshi carupita ricaran Lázaro Abrahampa ñaupancho caycämojta.

Lucas 16:23 Iomraidhean Croise

Salmos 16:10

Wañojcuna pamparashanchöga ama cachaycamanquichu. ¡Sepultürachöpis ama cachaycunquichu acrashayquitaga!

Salmos 49:15

Nogatami ichanga wañuypita Tayta Dios salbamanga. Paymi pushacamanga. Selah

Salmos 86:13

Nogataga fiyupami cuyamanqui. Wañunäpitami salbamashcanquipis.

Salmos 9:17

Fiyucunawan Tayta Diosta mana rispitajcunaga wañojcuna cashanmanmi chayanga.

Proverbios 15:24

Alli cajta rurajcunaga janaj pachamanmi aywaconga. Chaynöpami allpa rurinman mana yaycongachu.

Proverbios 5:5

Chay-niraj warmiwan purerga wañongapämi. Sepultüramanmi chayanga.

Proverbios 7:27

Chay-niraj warmicunaman aywaparga caycanqui wañuyman aywapaycajnönami.

Proverbios 9:18

Gayaptin aywajcuna ichanga manami musyanchu chaycho wañuy caycashanta. Manami musyanchu gayashan runacunaga llapanpis wañunanta.

Isaías 14:15

¡Chayno yarparpis chayashcanqui wañushacuna caycashanmanmi! ¡Pacha rurinchöpis mas rurimanrämi chayashcanqui!

Isaías 14:9

Wañojcunanami pacha rurincho ricaj-ricajlla shuyarpaycäshunqui. Wañojcuna jatarisha gamta taripäshunayquipaj. Wañoj mandajcunapis aywaycämun taripashunayquipaj. Sillunninpita jatarircaycämun gamta chasquicushunayquipaj.

Mateo 11:23

Capernaúm runacuna, ¿gamcunaga Tayta Diospa ñaupanman chayanayquipaj cashantachu yarpaycanqui? Chaypa ruquenga chacaj pachamanmi Tayta Dios gaycurishunquipaj. Gamcunacho rurashä milagrucunata Sodomacho ruraptëga runacuna juchancunata cachariptin canancamami chay siudä caycanman caran.

Mateo 18:9

Ñawiqui juchata rurachishuptiquega ñawiquita jorgurir jitariycuy. Sänu ñawiyojta infiernuman jitarisha canayquipa ruquenga mas allimi canman jucaj ñawillayquiwanpis Tayta Diospa ñaupanman chayaptiqui.

Mateo 23:33

«¡Culebra casta runacuna! Infiernucho castigasha canayquipaj cajpita ¿imanöparaj salbacunqui?

Mateo 5:22

«Chaypis nogaga caynömi në: Pimi runa-masinta rabyapan, chay cäga jusgashami canga. Runa-masinta gayapajtaga jatun autoridächömi jusganga. Fiyupa rabyar runa-masinta ‹maldisyunädu› nejtaga Tayta Dios castigar infiernumanmi jitarponga.

Mateo 5:29

Chaymi derëchu caj ñawiqui juchata rurachishuptiquega chay caj ñawiquita jorgurir jitariycuy. Sänuta infiernuman garpurishunayquipitaga mas allimi canman jucaj ñawiyojllapis syëluman chayaptiqui.

Mateo 8:29

Jesusta ricärerga fiyupa gaparaypa niran: «Diospa Wamran Jesús, ¿imatataj nogacunawan munanqui? ¿Castigamänayquipaj öra manaräpis chayamusha caycaptinchu castigamanqui?»

Lucas 16:24

Chayshi gayacuran: ‹Tayta Abraham, cuyapaycallämay. Lazaruta cachaycamuy dëdunta yacuman ushmarcachir shimëta oguchipämänanpaj. Fiyupami ñacaycä cay ninacho rupar› nishpan.

Lucas 16:28

Chaychöga pichgarämi wauguëcuna caycan. Paycunata willapaj aywachun ari cay noga ñacaycashäman manana shamunanpaj.›

Lucas 8:28

Jesusta ricärir ñaupanman aywashpan gongurpacuycuran. Sinchipa gaparar niran: «Munayniyoj Diospa Wamran Jesús ¿imatataj nogacunawan munanqui? Gamta ruwacö: ama ñacachimaychu ari.»

1 Corintios 15:55

Wañuy, cananga ¿maytaj wañuchicunayqui? Wañuy, cananga ¿imawannataj castigacunqui?»

2 Pedro 2:4

Mana wiyacoj anjilcunatapis Tayta Diosninchi manami perdunaranchu. Chaymi chay anjilcunataga infiernuman gaycur yanauyaycaj chacayman wichgaycuran fisyu junajcho jusganancama.

Apocalipsis 20:10

Runacunata engañaj dyablutana Tayta Dios gayconga asufriyoj nina rataycaj gochaman. Waräcuytapis engañacoj profëtatapis maynami gaycusha. Paycunaga para-simrimi chacaypa junajpapis ñacanga.