Lucas 13:34 - Tayta Diosninchi Isquirbichishan

³⁴ Chaypita Jesús wagar niran: «Ay imanöraj canqui Jerusalén. Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

Lucas 13:34 Iomraidhean Croise

Nehemías 9:26

«Ichanga mana wiyacojmi caran. Contrayqui ricacuran. Layniqui niycashantapis mana cumlir manacajman churaran. Mana allita ruraptin profëtayquicuna piñacushpan willaparan gamman yapay yäracamunanpaj. Chaura paycuna fiyupa rabyachishushpayquimi profëtayquicunata wañuchiran.

Nehemías 9:30

«Chaypis achca watami awantashcanqui. Tucuynöpa tantiyachirayqui Espirituyquiwanraj profëtayquicunawanraj. Chaypis manami paycunaga wiyacuranchu. Chayno captinnami gamga cachaycurayqui juc-lä nasyun runacunapa munaynincho cananpaj.

Salmos 149:2

Israelcuna cushicur Tayta Diosta alabay. Gamcunataga Paymi camashurayqui. Sión runacuna cushicuy Tayta Dios rayniqui captin.

Salmos 17:8

Ñawi-ñïñuyquitanöpis cuydaycamay. Älayqui rurinman pacaycamay

Salmos 36:7

Tayta Dios, gamga fiyupa cuyacojmi canqui. Runacunaga älayqui rurinmanmi pacacuyta ashircaycan.

Salmos 57:1

Tayta Dios, cuyapaycamay ari. Gamman pacacaycämuptëga cuyapaycamay ari. Mana allicuna päsanancamami älayqui rurinman pacacuyta munä.

Salmos 81:13

Acrashä runacuna wiyacamar willapashäcunata cumliptenga

Salmos 91:4

Paymi älancunawan chapashunquipaj. Älan rurincho carnaga mananami manchacunquipänachu. Payga imaypis escüdunömi chapaycäshunquipaj.

Isaías 30:15

Israelcunapa Santo Tayta Diosnenga nin: «Nogaman cutimushpayqui jamaycäriyna ari. Nogaman yäracamorga salbashanami canquipaj. Chayno nishuptiquipis gamcunaga manami munashcanquichu.

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Jeremías 2:30

Wamrayquicunatapis yangami castigashcä. Castigaptëpis manami wanacushachu. Profëta shamojcunatapis quiquiquicunami fiyu liyuncunanöpis wañuchishcanqui.

Jeremías 26:23

Chay aywajcunami Uriasta Egiptupita cutiycachimur ray Joacimman apaparan. Chaura Joacimna wañuchichiran. Wañurcachir wacchacuna pampacunanpaj caycaj uchcuman jitaycäriran.

Jeremías 35:14

Recabpa wamran Jonadabpita mirajcunaga canancamami yarparaycan awilun willapar bïnuta mana upunanpaj nishanta. Chaymi cananyaj bïnuta mana upunchu unay caj awilun willapashanta wiyacushpan. Nogapis gamcunata yaparir-yaparirmi willapashcä. Chaypis gamcunaga manami wiyacamashcanquichu.

Jeremías 35:17

Gamcunataga maynami willapashcä. Chaypis manami wiyacushcanquichu. Gayaptëpis manami cäsumashcanquichu. Chaypitami intëru Judächo Jerusalencho tiyajcunapäga canga fiyupa ñacay cananpaj nishäno. Gam Israelcunapa munayniyoj Tayta Diosniquimi chayno në.› »

Jeremías 6:16

Tayta Diosga acrashan runacunata nin: «Tincoj nänicunacho ichiray. Nircur tapucuy unay alli caj nänipa aywanayquipaj. Chay alli caj nänipa ayway chaycho jamayta tarinayquipaj. Ichanga paycuna nin: ‹Manami chaypa aywayllaga canchu› nir.

Lamentaciones 1:16

«Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Lamentaciones 4:13

Chaynöga llapanpis casha profëtacuna juchata rurashanpitami, cüracuna fiyupa mana allita rurashanpitami. Paycunaga jinan siudächömi alli runacunata wañuchishpan yawarninta mashtaran.

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 11:7

Noga nishätaga acrashä runacuna manami wiyacunnachu. Juc dioscunamannami gayacuycan. Chay dioscuna nogapita mas munayniyoj cashanta yarpaptinpis manami yanapangapächu.

Joel 2:23

Sioncho tiyajcuna, gamcunaga cushicuy-llapa. Noga rurashäpita cushicuy. Nogami tamyatapis tamyachipämushcä timpuncho. Tamyachimushcä murupacuy wichanpis, micuy waytanan wichanpis. Unay watacuna tamyachimushänömi tamyachimushcä.

Zacarías 1:4

Ama caynachu unay caj famillyayquicuna cashannöga. Paycunatami unay caj profëtacuna piñacuyparaj cayno willaparan: «Tayta Dios nin: Llutancho goyaycashayquipita cutimuyna ari» nir. Chaypis paycunaga manami wiyacuranchu, ni manami cachaycuranchu mana allita ruraycashancunatapis. Noga Tayta Diosmi chayno në.

Mateo 22:3

Uywaynincunatashi cachasha gayachishan runacunata fistaman pushamunanpaj. Chay gayachishan runacunaga manashi aywayta munashachu.

Mateo 22:6

Waquin runacunashi mandajpa uywaynincunata magaycashallancho wañuchisha.

Lucas 15:28

«Chayno willaycuptinshi payga fiyupa rabyashpan wasiman yaycuytapis mana munaranchu. «Chaura papänenga aywaycurshi ruwaran ‹Yaycushun› nir.

Lucas 19:44

Chaychömi wañuchishunquipaj wamrantinta. Wasiquicunatapis ushajpämi juchuchengapaj. Manami ni juc rumillapis pergaraycarga quëdangapächu. Chaynöga canga salbashunayquipaj Tayta Diosninchi shamushanta mana wiyacushayquipitami.»

Lucas 23:28

Wagar aywaycaj warmicunata Jesús niran: «Jerusalén warmicuna, nogapäga ama wagaychu. Chaypa ruquenga wamrayquicuna quiquiquicuna ñacanayquipaj caycajpita wagay.

Hechos 7:52

Unay castanchïcunapis Tayta Diospa profëtancunata chiquir magaran. ‹Tayta Dios acrashan Cristo shamongami› nir willacuptinpis wañuchiran. Tayta Dios acrashan Cristo chayamuptinnaga contran jatarir paytapis wañuchishcanqui.

Hechos 7:59

Sajmarcaycaptin Estebanga mañacur niran: «Tayta Jesús, almäta shuntacullay.»

Hechos 8:1

Estebanta wañuchishanta ricar Sauluga «allimi wañuchisha» niran. Chay wichan Jerusalencho Jesusman yäracojcunata chiquir gaticacharan. Chaura yäracojcunaga mashtaypa mashtar aywacuran Judea partipa, Samariapa. Apostulcunallana Jerusalenchöga quëdaran.

Deuteronomio 32:29

Canan nishäcunata ojalä tantiyacunman ichanga. Ushacänanpaj cashanta cuentata gocuptin allimi canman.

Deuteronomio 5:29

Allimi canman canan yarpashannölla imaycamapis yarpaptenga, nogatapis rispitamashpan mandamintöcunata waran-waran cumliptenga. Chaura quiquincunapis wamrancunapis cushisha allillami cawanga.

Apocalipsis 11:8

Wañuchiptinmi siudäpa cällincho jitarpanga. Chaychömi Taytanchi Jesucristutapis wañuchiran. Chay siudätami Sodoma, Egipto nin.

Rut 2:12

Chaypita Tayta Dios yanapaycushunqui ari. Yäracushayquipita, allita rurashayquipita Israelpa Tayta Diosnin imachöpis yanapaycushunqui.»